Hosiya 1:7 - FỊAFỊA BAỊBỤLỤ

⁷ Kụma Juda ḅẹ apụ ma, yẹrị KỊNỊNYANAḄỌ ịna Tamụnọ ḅe ọkụrụkụrụ nyana ịn pịrị tẹ ịn ḅọrọma ḅa — àrị iboli na, okologie na, ọmụ na, asụ na, asụ-ọgọnọ ọmụgbin-apụ na kụrọ kẹ ịn ḅọrọma ḅịa.”

Hosiya 1:7 Iomraidhean Croise

2 Amadapụ 19:29

Miemẹ elekima sọ ị́ pịrị ḅa: mị kụra ngẹrị so-paka aị ị́ nwẹn fị ḅa, maaịn karama kụra ḅụ anị gbọrụ ḅara ḅụ paka-ḅo aị ọ́ nwẹn fị ḅa; anịtẹrẹmẹ, tẹrẹị karama kụra ḅụ ọ́ fịaị ḍiḅi tẹ soku ḅa, ọ́ girepu-ḍụọ ḍiḅi tẹ arịḅẹ asịnmgbọlị fị ḅa.

2 Amadapụ 19:34

Kẹ gotẹ ọkọ ḅẹẹarị, à sịẹ kẹ mị opu sịẹ mẹ pịrị tẹ, anị ḅọrọma ḅa, ì soku-ḅẹ ye, na ị̀ fịrịmẹnjịḅọ Devidi sịḅị ẹrẹsị.”

2 Amadapụ 19:35

Anị ḍin ḅụ KỊNỊNYANAḄỌ ḅe enjẹlị nwẹnị Asiriya ḅẹ ọmụ-ogbo mẹ sime anga mu tẹ ịna ḅụụ si tẹra puku finji, na kịnị maa ẹndẹ oyia asi (185,000) na ḅaa; tẹ dede-ḅio dede-ḅio kịnị saakị sakị, ḍikii, mịnapụ mamgba fịị sara wararị.

2 Amadapụ 6:18

Siriya ḅẹ apụ ma tuuideri-ḅo owu kẹ Ịlayịsa paka ḅẹ tẹso, ọ̀ nwẹnị KỊNỊNYANAḄỌ ḅe tẹkẹ tẹ ḅẹẹ, “Arị ị̀ tẹkẹm tọrụngbọ-pụụn kẹ mịna atomi ma fomuu.” Anieḅụ Ịlayịsa wẹrịtẹ tẹkẹ ḅara ọ̀ nwẹnị tọrụngbọ-pụụn kẹ ịn fomu.

Devidi-Anume 33:16

Gbọrụ amadaḅọ sọ mḅọ nyana kụrọ tẹ ọmụ-ogbo ḅụ ḅọrọ tẹ owu-ḅara-iḅi nyana-a: ọmụḅọ mḅọ ịnyọ ḅụ ḅọrọ tẹ jen ọmụḅọ nẹngịma-a.

Devidi-Anume 44:7

kụma wa ḅọrọma tẹ si kẹ wa tọn apụ ma ḅara-ḅio ḅụ, pịkị wa ḍiki-ḅioḅuarị apụ nẹngịma tẹ.

Paka-so 14:13

Mozizi nwẹnị tomi ma pakịrị, “Ọ́ ḅalafa ma, ọ́ sịẹ-kụrọọ, tẹ tọrụngbọ kẹ KỊNỊNYANAḄỌ ḅe ḅọrọma mẹ tẹ mịmgba ọ̀ kọrị ọ́ pịrị ḅarịye mẹ ẹrịị: kẹ gotẹ ọkọ ḅẹẹarị, Ijiputi-ḅẹ-apụ ma tẹ ọ́ mịmgba ẹrịarị apụ ma ọ́ gbala-gbala ḅarị jen-maaịn kẹ ini ẹrị ḅịa.

Paka-so 14:30

Mị-ḅara mie KỊNỊNYANAḄỌ ḅe wẹrịtẹ Ijiputi-ḅẹ-apụ ma ḅara ḅụ Izirẹlịapụ ma ḅọrọma ḅara anị ene mẹ ḅụ; tẹ Izirẹlịapụ ma Ijiputi-ḅẹ-apụ sombi fịtẹ-apụ ma ọkpa ma tọrụ mẹ akaka jia sime wararị mẹ ẹrịm.

Ayịzaya 12:2

Tamụnọ anie ị̀ ḅọrọmaḅọọ; arị ọ̀ kẹ ḅiokpọma tẹ ḅalafaa ḅịa. KỊNỊNYANAḄỌ ḅe kụrọ na ịnyọ na kẹ ị̀ pịrịarị; Ori ị̀ ḅọrọmaḅọọ.

Ayịzaya 30:18

Anịsọ KỊNỊNYANAḄỌ ḅe paa koruarị ori ọkụrụkụrụ nyana ọ́ pịrị. Ọ̀ tẹlẹma wararị ò ḍiki sịḅị-jịrị, sakị mamgba ò kuraye mịẹarị ẹrẹsị. Ḅioḅẹlẹ sime KỊNỊNYANAḄỌ ḅe kẹ ḅiokpọmarị apụ ma pịrịm.

Ayịzaya 49:6

KỊNỊNYANAḄỌ ḅe ị̀ ḅẹẹm: Ị̀ fịrịmẹnjịḅọ, à tarị fịrị mẹ nẹngị ye nyana ị́ pịrị wararị. Ị́ Izirẹlịapụ tẹ fịị-a so apụ ma kẹ ḅo elemu in nyana opu mẹ lama ḅarị mẹ kịngẹ-a, kụma à pịkị ị́ kẹ bele sọma sịẹ-sịẹ ma pịrị ḅa, mịẹ tẹ bebe tomikiri mẹ ḅọrọma ḅẹ ḅara.

Ayịzaya 7:14

Ọkọ ḅẹḅẹ iḅim, KỊNỊNYANAḄỌ ḅe ḅioju ḅarana elekima kẹ í ḍie ḅa; iriawọ-tụḅọ tẹ fura wararị ḅọ ma owiḅọtụḅọ iyi tẹ Ịmanụwẹlị kẹ ọ̀ sịn ḅa.

Jerimaya 25:5

In ḍuko ọ́ pịrịm ọmịnị ọmịna si-sịḅịḅio-sụa ḍumo etela mẹ na ọ́ mịẹarị si-aị ma na ḅụ pịkịị, mịẹ tẹ ọmịnị inetẹ paa KỊNỊNYANAḄỌ ḅe kẹ ọmịnị na ọmịna elemu aḍapụ ma na pịrị amakiri mẹ anga tọrọkọ-tọrọkọ mu ḅẹ ḅara, sime ọ́ pịrị gbamaso ye ḅara ḅụ.

Jerimaya 25:6

In ḍuko ọ́ pịrịm ó sunsin oru-atamụnọ ma pịrị ma, pịkị fịrị mẹnjị arị pịrị ma, tẹ ọ́ pịkị KỊNỊNYANAḄỌ ḅe ịganịma ma, sunsin oru-afụḅara tẹ ọmịnị tẹmẹ-aị piri ḅụ. Ọ́ KỊNỊNYANAḄỌ ḅe ḅịḅịpoki namịna, ọ̀ ḅarị fomu-ḅara kẹ ọ́ pịrị-a so tẹẹ.

Jerimaya 33:26

Tẹ piki-pikiye-ofori ḅara ḅụ, à kẹ anie mịẹ gbọrụ ḅara mẹ mie à kẹ Jekọbụ furo-ḅẹ-apụ na ị̀ fịrịmẹnjịḅọ Devidi ḅe na fị wararị ọḅọkụ mẹ koko kpaịnma ḅarị ḅara. À Devidi furo ḅẹ gbọrụḅọ sẹlẹ pakama-ḅo tẹ ọ̀ ḅẹrẹtọn Ebira-amụ na, Ayịzịkị na Jekọbụ furo-ḅẹ-apụ ma pịrị ḅa. Àrị ọkụrụkụrụ nyana ị̀ atomi pịrị tẹ mịẹ tẹ in siin lọkọlọkọ ḅa.”

Hosiya 1:8

Goma ẹrẹḅọtụḅọ ma ndo-kụma tẹso, á jen fura tẹ pịkị jen owiḅọtụḅọ iyim.

Hosiya 11:12

KỊNỊNYANAḄỌ ḅe ḅẹẹarị, “Izirẹlịapụ ma iruo-iruo-iruo na oḅori-kẹ-kịnịsịn na kẹ ì gbori-ikelema tẹẹ, tẹ Juda ḅẹ apụ ma paa kọngọ-kụrọma ị̀ pịrịarị, yẹrị sịrẹrẹ na-iḅi pịkị Fịafịa Tamụnọ ḅe.”

Zẹkaraya 4:6

Enjẹlị ḅe ḍuko ị̀ pịrịm à mị KỊNỊNYANAḄỌ ḅe ḅara ḅo oku mẹ kẹ Zerubabẹlị pịrị: “Ye ị́nịna iḅi ḅa, ọmụ opu kụrọ ḅụ-a, pịkị í soku-ḅẹ ịnyọ ḅụ-a, kụma yẹrị kẹ ị́ pịrị ḅarị kụrọ ḅụ.

1 Samụẹlị 17:47

anịsakị anie ḅụ mị kobiri-ogbo mẹmgba inetẹ nimi ḅa mịnẹ KỊNỊNYANAḄỌ ḅe okologie na, sụḅa na kẹ kịnị ḅọrọma-a; kẹ gotẹ ọkọ ḅẹẹarị, KỊNỊNYANAḄỌ ḅe mie owu mẹ nyana ḅọ, anịsakị ị̀ ḅara-ḅio ḅụ ori ị́ kẹ ị̀ pịrị ḅa.”