Hosiya 1:6 - FỊAFỊA BAỊBỤLỤ

⁶ Goma maaịn karama tụḅọ iyim; mị sakị ẹrẹḅọtụḅọ. KỊNỊNYANAḄỌ ḅe Hosiya ḅẹẹm, “Á sịịn, Lo-ruhama, kẹ gotẹ ọkọ ḅẹẹarị, à ḅarị jen kẹ ọkụrụkụrụ nyana Izirẹlịapụ ma pịrị ḅịa, anịanịa si-wẹrịso ịn pịrị.

Hosiya 1:6 Iomraidhean Croise

2 Amadapụ 17:20

KỊNỊNYANAḄỌ ḅe nwẹnị Izirẹlị ḅụ paka-ḅo apụ mamgba sịkị, tẹ ḅụụ-fụka kẹ ịn pịrị, ịn kẹ ye sima apụ ḅara-ḅio suu, nwenii ori ò ḍiki-tọrụ ḅụ ini nguma famam.

2 Amadapụ 17:6

Hosiya ama-da tẹ eseni akụra karama kụra mie Asiriya ḅẹ amadaḅọ ḅe Sameriya ọkị yee; tẹ ọ̀ nwẹnị Izirẹlịapụ ma dogi-so Asiriya mu tẹ ịn kẹ Ẹla ḅio na Gozanị ḅẹ tọrụ, Hazọ akaka ḅụ na, Midi ḅẹ apụ opu ama ma ḅio na ḅụ koroma.

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Hosiya 1:8

Goma ẹrẹḅọtụḅọ ma ndo-kụma tẹso, á jen fura tẹ pịkị jen owiḅọtụḅọ iyim.

Hosiya 2:23

À mịẹ tẹ ị̀ atomi ịna amakiri mẹ ḅụ sime tẹ lolo ḅa. Àrị ọkụrụkụrụ kẹ tomi kẹ “Ọkụrụkụrụ Nyana-a” sịn apụ ma ḍie ḅa, tẹ ini ma tẹ tomi kẹ “Ị̀ Atomi-a” sịn apụ ma ḅụ, à ḅẹẹ ḅa, “Ọmịnị ị̀ atomi” tẹ ịn pakịrị ḅa, “Ị́yẹrị wamịna Tamụnọ.”

Hosiya 2:4

Àrị ọkụrụkụrụ nyana árị awọmẹ pịrị ḅịa, ini ḅụụ-jịrị-jịrị-a sẹfị-ẹrẹḅọ awọmẹ ẹrẹsị.

Emọsị 7:8

Ori ì gbelam, “Emọsị, í tiye ẹrịarị?” Àrị ọ́ pakịrịm, “Gononoye-tọn-ḍikiye.” Anịtẹso ọ́ ḅẹẹm, “Àrị anị kẹ tọn tẹ kẹ ḍie-pakama ḅa mịnẹ ị̀ atomi penge tẹ warị akaka kịkarị. In fomu ḅụ à ḅarị jen kẹ ì kuroma ḍima ḅịa.

Emọsị 9:8

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mie si-si-si mịẹarị Izirẹlị ḅẹ ama-da yọ mẹ ẹbịarị, tẹ àrị anị fama ḅa tomikiri mẹ ḅụ. Kụma à Jekọbụ furo-ḅẹ-apụ mamgba ḅaa fama ḅịa.”

1 Pita 2:10

Sakị ḅẹ gbọrụ sakị ḅụ ọmịnị Tamụnọ atomi-a, kụma mịọkụ ọmịnị ori atomi sọ tẹ; sakị ḅẹ gbọrụ sakị ḅụ ọ́ Tamụnọ ọkụrụkụrụ nimi-a, kụma mịọkụ ọmịnị ori ọkụrụkụrụ nyana tẹ.