Hosiya 1:5 - FỊAFỊA BAỊBỤLỤ

⁵ Tẹ Jẹzirili tụndụ-suku mẹ ḅụ àrị Izirẹlị ọmụ kụrọ mẹ guluguluma ḅa anị ene mẹ ḅụ.”

Hosiya 1:5 Iomraidhean Croise

2 Amadapụ 15:29

Pẹka, Izirẹlị ḅẹ amadaḅọ ḅe ene ma ḅụ mie Asiriya ḅẹ amadaḅọ Tigilati-Pilesa ḅo Nafutali ama mamgba Ijọnị na, Ebẹlị-bẹtị-mahaka na, Janoha, na, Kẹdẹsị na, Hazọ na, Gilẹdị na, Galili na ọkị tẹ omoni ḅara ḅụ tomi mamgba kun so Asiriya mum.

Devidi-Anume 37:15

kụma ịna ḅara-kuḅu ḅẹ ogie ma mie ịn ḅaa ḅarịye: tẹ ịna iboli ma anyịma kọsị-sara fama ḅa.

Devidi-Anume 46:9

Bebe tomikiri mẹ kana-koro ḅụ ori ọmụ pẹlẹ-pẹlẹ-pẹlẹarị; Ori iboli ma anyịmarị, ḅẹkẹrẹ ma gulugulumarị, pịkị ekpeke ma kẹ fịnị ḅio dọkịmarị.

Jerimaya 51:56

In ḅo Babịlọnị guluguluma ḅẹm; ini anị ḅẹ ọmụapụ ma kun tẹ, ịna iboli ma anyịma tẹ. Yẹrị anie fomu-ḅara kẹ siye pịrịarị Tamụnọ, tẹ à Babịlọnị gbẹẹ ḅara kẹ anị na mịẹ ḅa.

Izikẹlị 39:3

Anịtẹso àrị ori iboli ḅakụ siin ḅa ori ere-ḅara ḅụ, pịkị ori aḍịẹịn ma ori ama-ḅara ḅụ.

Hosiya 2:18

Anị ene mẹ ḅụ, à piri-ḅio-ḅẹ anama mamgba na feni mamgba na ọḅọkụ fị ḅa, mịẹtẹ in ye kẹ ị̀ atomi lama ḅịa ḅara. À pịkị amakiri mẹ ḅụ ọmụgbin-aị mamgba ḅelema ḅa, okologie mamgba na iboli ma na, tẹ mịẹ tẹ ị̀ atomi dein na kpaịnma na ḅụ anga ḅa.

Jọsụwa 17:16

Josẹfụ furo mẹ nwẹnị ḅẹẹ, “Tụndụ ọgọnọ ḅẹ opu sịẹ mẹ wamịna-aḅụụ boowa; anịsakị Kenanị ḅẹ apụ ma tẹ ele mẹ ḅio angarị apụ ma na, arị apụ ma tẹ Bẹtị-siyanị na anị ḅẹ kala-ama ma ḅụ simearị apụ ma na, Jẹzirili ḅẹ Tụndụ-Ogboku mẹ ḅio simearị apụ ma na ikulele kirimẹnjị-ọmụarụ nyana wararị.”

Ḅẹrẹkọn-apụ 6:33

Anịtẹso Midiyanị ḅẹ apụ mamgba na, Amalẹkị ḅẹ apụ ma na, pịkị Ịrụa-saakịarị-anga ḅẹ apụ ma na nwẹnị kobiri ḅo gboloma, tẹ Jodanị mẹ saḅa-koro ḅụ Jẹzirili Tụndụ Ogboku mẹ ḅụ akpụrụ-warị pike tẹ sime.