Hosiya 1:4 - FỊAFỊA BAỊBỤLỤ

⁴ KỊNỊNYANAḄỌ ḅe nwẹnị Hosiya ḅẹẹ, “Jẹzirili kẹ ọ̀ sịịn, kẹ gotẹ ọkọ ḅẹẹarị, ala ḅịa sakị ḅụ, àrị ori elemu ḍaḅọ Jehu Jẹzirili ḅụ kura-a ḅara kẹ ḅaa apụ ma gbẹẹfị fomu-ḅara kẹ Izirẹlị ḅẹ amadaḅọ ḅe pịrị ḅa. À Jehu amada-furo mẹ kunoma ḅa.

Hosiya 1:4 Iomraidhean Croise

2 Amadapụ 10:1

Sameriya ḅụ Ehabụ owiapụ-awọmẹ tesi oyia apụ finji nyanam. Anieḅụ Jehu nwẹnị ḍiri kẹẹ tẹ kẹ Sameriya ḅụ sime tẹ ḅẹrẹtọn kẹ opu ama mẹ pịrịarị apụ ma na, omongiapụ ma na, Ehabụ owiapụ-awọmẹ ma ḍikiḍikiarị apụ ma na fịrịma. Ọ̀ ḅẹẹm:

2 Amadapụ 10:17

Ịn ḅo Sameriya la tẹso, Jehu nwẹnị Sameriya ḅụ kirikọntẹ sime Ehabụ pịrị apụ mamgba ḅaa fama KỊNỊNYANAḄỌ ḅe ẹkwẹn-ḅịḅị mẹ tẹ ọ̀ wẹrịtẹ kọọn Ịlayịja pịrị ḅara ḅụ.

2 Amadapụ 15:29

Pẹka, Izirẹlị ḅẹ amadaḅọ ḅe ene ma ḅụ mie Asiriya ḅẹ amadaḅọ Tigilati-Pilesa ḅo Nafutali ama mamgba Ijọnị na, Ebẹlị-bẹtị-mahaka na, Janoha, na, Kẹdẹsị na, Hazọ na, Gilẹdị na, Galili na ọkị tẹ omoni ḅara ḅụ tomi mamgba kun so Asiriya mum.

2 Amadapụ 15:8

Juda ḅẹ Amadaḅọ Uzaya ama-da tẹ maa kụra fa kụra amesi karama kụra ḅụ Jerobohamụ owiḅọtụḅọ Zẹkaraya sonioa akalụ kẹ Sameriya ḅụ sime tẹ Izirẹlị dam.

Ayịzaya 7:14

Ọkọ ḅẹḅẹ iḅim, KỊNỊNYANAḄỌ ḅe ḅioju ḅarana elekima kẹ í ḍie ḅa; iriawọ-tụḅọ tẹ fura wararị ḅọ ma owiḅọtụḅọ iyi tẹ Ịmanụwẹlị kẹ ọ̀ sịn ḅa.

Ayịzaya 8:3

Sakị kẹlẹ ḅọrọ tẹso, ị̀ ta nwẹnị fura. Wamịna tụḅọ ḅe iyi sakị, KỊNỊNYANAḄỌ ḅe ị̀ ḅẹẹm, “Ẹrẹ kẹ ọ̀ sịn, ‘Fọnya fọịn ḅo ye sarasara ḅara kẹ pọkọ ọkị ye.’

Ayịzaya 9:6

Ịn gbọrụ tụḅọ iyi wa pịrịtẹ! Ịn gbọrụ owiḅọtụḅọ kẹ wa pịrịtẹ! Tẹ ori wamịna ḅẹrẹtọnḅọ sọ ḅa. Ịn kẹ ọ̀ sịn ḅarịye, “Ḅụụ-buama Ḅẹrẹ-tolumaḅọ, Opu kụrọ Tamụnọ, Gbamaso Ḍaḅọ, Dein Amanyanaḅọ.”

Jerimaya 20:3

Anị ḅẹ ene-ḅaa dede-ḅio ḅio ḅụ, Pasọ ị̀ ḅụ ikoli mẹ siin tẹso, àrị ọ̀ ḅẹẹm, “KỊNỊNYANAḄỌ ḅe kẹ ị́ sịn ẹrẹ Pasọ-a. Ọ̀ kẹ ị́ pịrị tẹ ẹrẹ anie — Anga mamgba Ḅalafama Ye.”

Jerimaya 23:2

Mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye, anie ọkịarị mịnẹ ini anie sịḅịdapụ tẹ ị̀ atomi ma ḍikiḍikiarị nwẹn ḅẹẹ apụ ma gboloma ye ḅụ: “Ọmịnị ị̀ atomi ḍikiḍiki-a: ọmịnị ịn gala-gala tẹ in dee fama tẹẹ. Mịọkụ arị ọ́ mịẹ tẹ siye mẹ ḅẹ fomu-ḅara kẹ ọ́ pịrị ḅẹ-yearị.

Jerimaya 3:8

Juda sọ ẹrịm mịnẹ arị Izirẹlị siya tẹ á dee-pakama tẹẹ, arị ị́ ḅụ so tẹ ama-mẹnjị-ẹrẹḅọ sọ tẹ ẹrẹsị. Kụma, Juda, Izirẹlị si ịyịmbara ma, á ḅalafa-a. Árị sọ ḅo ama-mẹnjị-ẹrẹḅọ sọm,

Izikẹlị 23:10

Ini á paụma sịẹmam, nwẹnị kụrọ-ḅara kẹ árị owiapụ-awọmẹ na eremịna-awọmẹ na ọlọ, tẹso ini okologie kẹ á ḅaam. Anga-anga ḅụ ereme á ḅụụ paka ye mẹ ḍuko-ḍuko ama kanam.”

Izikẹlị 23:31

Ị́ mbịra aḅụọ sịẹ tẹ so kiri mie í ḍukamẹnjị ye, tẹ mie ḅụ sọ gbọrụ fomu-ḅara kọpụ mẹ ḅio ḅuu ḅa.”

Hosiya 1:6

Goma maaịn karama tụḅọ iyim; mị sakị ẹrẹḅọtụḅọ. KỊNỊNYANAḄỌ ḅe Hosiya ḅẹẹm, “Á sịịn, Lo-ruhama, kẹ gotẹ ọkọ ḅẹẹarị, à ḅarị jen kẹ ọkụrụkụrụ nyana Izirẹlịapụ ma pịrị ḅịa, anịanịa si-wẹrịso ịn pịrị.

Hosiya 1:9

KỊNỊNYANAḄỌ ḅe Hosiya ḅẹẹm, “Ọ̀ sịịn, Lo-ami, kẹ gotẹ ọkọ ḅẹẹarị, Izirẹlịapụ ma ị̀ atomi-a, tẹ yẹrị sọ pịkị ịna Tamụnọ-a.”

Hosiya 2:13

À fomu-ḅara kẹ á pịrị ḅa árị ị̀ kẹ ḅioḅọrọma asakị ma gotẹ, anie á dọkịma-kụnụaị dọkịma Balị pịrị tẹ ye-ḅiri bụlụ-bụlụma tẹ mangị á ḅẹlẹmapụ ḍuka-ḍuka-mu asakị ma. Yẹrị, KỊNỊNYANAḄỌ ḅe, ọkọ ḍukom.

Hosiya 2:22

tẹ Kiri mẹ mgbọlị-fịye na, iru na, pulo na pakama Jẹzirili pịrị ḅa.

Hosiya 9:17

À fịrịmẹnjị pịrịarị Tamụnọ ḅe ori atomi sịkị ḅa, amụ ini ò poki-a ẹrẹsị. Ịn sịẹ-sịẹ ma ogboku ikelekelearị apụ sọ ḅa.

Emọsị 9:8

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mie si-si-si mịẹarị Izirẹlị ḅẹ ama-da yọ mẹ ẹbịarị, tẹ àrị anị fama ḅa tomikiri mẹ ḅụ. Kụma à Jekọbụ furo-ḅẹ-apụ mamgba ḅaa fama ḅịa.”

Matiyo 1:21

Árị owiḅọtụḅọ iyi ḅa, tẹ ị́ kẹ ọ̀ sịn ḅarịye Jizọsị (anie fiearị Ḅọrọmaḅọ), ori amịna atomi asi ḅụ ịn ḅọrọma ḅẹ ẹrẹsị.”

Luku 1:13

Kụma enjẹlị ḅe nwẹnị ọ̀ ḅẹẹ, “Zẹkaraya, ḅalafa ma, Tamụnọ ị́ tẹkẹ naa tẹ, ị́ ta Elizabẹfụ owiḅọtụḅọ iyi ḅa. Ị́ kẹ ọ̀ sịn ḅarịye Jọnị.

Luku 1:31

Í fura tẹ owiḅọtụḅọ iyi ḅa, tẹ ị́ kẹ ọ̀ sịn ḅarịye Jizọsị.

Luku 1:63

Mie ḅụ Zẹkaraya ḍiri kẹẹ abịlala ḅii tẹ kẹẹm, “Ori ẹrẹ Jọnị!” Inimgba nwẹnị kpọma ḅụụ-bua!

Jọnị 1:42

Anịtẹso ọ̀ nwẹnị Sayịmọnị kẹ mu Jizọsị pịrị. Tẹ Jizọsị nwẹnị ò ḍiki tẹ ḅẹẹ, “Ị́yẹrị Sayịmọnị, Jọnị tụḅọ, kụma ịn kẹ ị́ sịn ḅarịye Sẹfasị.” (Mị ẹrẹ mẹ anie paa Pita mẹ, anị fiearị ye “Ịkụ.”)

Jọsụwa 19:18

Anị ḅẹ ye-yọ ḅụ sime ama Jẹzirili na, Kẹsulọtị na. Sunemu na,