Hosiya 1:2 - FỊAFỊA BAỊBỤLỤ

² KỊNỊNYANAḄỌ ḅe tarị-tarị Hosiya ḅụ ḅọrọ tẹ ẹkwẹn Izirẹlị pịrị sakị, ori Hosiya ḅẹẹm, “Mu ẹrẹḅọ simee; ị́ ta ma á sẹfị ḍumo kọn ḅa, tẹ ị́ awọmẹ sọ á kịka tẹ á sime-ḅara sime ḅa. Anị gbọrụ ḅara ḅụ, ị̀ atomi sẹfị tẹ ì koroma-so tẹẹ.”

Hosiya 1:2 Iomraidhean Croise

2 Paka-aị 21:13

kụma Izirẹlị ḅẹ amadapụ ma etela ḅụ mẹnjị tẹ Juda na, Jeruselemu na ḅụ angarị apụ ma toluma mu minini nyana-a ḅụ su tẹẹ, Ehabụ warị mẹ wẹrịtẹ Izirẹlị toluma mu minini nyana-a ḅụ su ḅara. Ị́ pịkị ị́ owiapụ-amịnapụ, ị́ ḍa warị ḅẹ apụ ma tẹ iḅi ị́ nẹngị apụ ma sọ ḅaa ye mẹ ẹrẹsị;

Devidi-Anume 106:39

Ịna amịẹaị ma ḅụ ịn ḅọrọtẹ ịna aḅụụ mịẹ kpaịn-a ḅara wẹrịm, tẹ ịn ḅarị Tamụnọ ḅụ ḅioḅẹngbọ-kẹ-sịrẹrẹ-niḅi ḅara sime-a.

Devidi-Anume 73:27

Piki-pikiye-ofori ḅara ị́ ḅụ mangị-so apụ ma ịn fịị fa ḅa; ḅioḅẹngbọ-kẹ-sịrẹrẹ-niḅi-a ḅara kẹ ị́ na mịẹ apụ ma ị́ ịn ḅaa guluguluma ḅa.

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:20

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Izirẹlị, iḅere-iḅerea kụra ḅio ị́ ị̀ ḅẹrẹtọn kụrọ mẹ sịkịm; ị́ ḍụkụ tẹ ị̀ ḅịḅịpoki tẹ sunsin ị̀ pịrị-a. Gele tụndụ ọgọnọ goyegoye ḅụ pịkị ḍumo wararị sịn goyegoye suku ḅio í sunsin fịaị pakama-ḅo ḅa nwẹn ḅẹẹ atamụnọ pịrịm.

Jerimaya 2:23

Ndẹẹ í inetẹ ị́ ị́ ḅụụ pilema-a ḅẹẹ ḅẹ ḅara, mịnẹ jene-jene amụ í Balị tẹkẹ-a? Tụndụ suku mẹ ḅụ ị́ mịẹ siye ḍikii; ị́ mịẹ tẹ ye ẹrịị, Ọfịrị ḅụụ-ḅalaḅalamarị piri-ḅio-ḅẹ ike-sụa-nama ḅe mie ị́ kịkarị, kpọọ-a tẹ mangị ikele-ikelearị,

Jerimaya 3:9

tẹ gbala-gbala ḅụụ-jịrị-a. Árị amakiri mẹ pilema tẹ sẹfị ḅụ sunsin ḍụḅarị na sịn na pịrịm.

Izikẹlị 6:9

ịn nwẹnị arị ayọ ma ḅụ kun-soapụ ḅara kẹ anga ḅa. Anịjụ ḅụ ini ị̀ kẹ ḅiokoroma tẹ nimi ḅa mịnẹ yẹrị in fomum, pịkị ịna atọrụ tuum, ịna minini nyana-a aḅioḅẹngbọ ma ị̀ ḅụ mangị-so tẹ oru-afụḅara kẹ ye-sịn ị̀ nẹngị tẹẹ ẹrẹsị. Ịna ḅụụ-ngụngụma siye na ḅụụ kẹ iderima kiri koroma aị na tẹ ịn mịẹ tẹ aị gotẹ.

Hosiya 2:7

Á mangị á ḅẹlẹmapụ ma ḍuka-mu ḅa, kụma árị inetẹ ịn la ḅịa. Árị ịn ḍọkị ḅa, kụma árị ịn ḍọkị ẹrị ḅịa. Anịtẹso á ḅẹẹ ḅa, “À pịkịma-so ị̀ tarị diḅọ ḍọkụma-mu ḅa — anị sakị ḅụ ye ị̀nịna iḅi mịọkụ nẹngịm.”

Hosiya 3:1

KỊNỊNYANAḄỌ ḅe ị̀ ḅẹẹm, “Siin mu tẹ jụmọ na olo sọ tẹ pịkị sẹfịarị ẹrẹḅọ ma ḅẹlẹmaa. À kẹ Izirẹlịapụ ma ḅẹlẹma gbọrụ ḅara mẹ kẹ á ḅẹlẹmaa, karakaraye ịn pịkị oru-atamụnọ dama-mu tẹ samụnọtẹ girepu-asịnmgbọlụ agba mịẹ oru-afụḅara pịrịarị ḅẹsọ.”

Hosiya 5:3

Izirẹlị kịkarị ye à nimi wararị — árị inetẹ kẹ ị̀ ḅọịma ḅịa. Á ḅioḅẹngbọ kẹ ḅụụ ḅụ gbana na-iḅi-a ḅara sime tẹẹ, tẹ arị atomi ma in sunsin ị̀ pịrị gbẹẹ-a.”

Makị 1:1

Mie Jizọsị Kịrayịsị, Tamụnọ Tụḅọ ḅe gboloma Iḅi-Oku mẹ.

Ditẹrọnọmị 31:16

KỊNỊNYANAḄỌ ḅe nwẹnị Mozizi ḅẹẹ: Ḍikii, ị́ ị́ aḍapụ ma na mono gboloma ḅẹ tẹ, anịtẹso ọkụma mịna tomi ma saakị tẹ ama mẹ ḅẹ igoni oru-atamụnọ ḍukamẹnjị sẹfị mẹnjị kọn ḅa ịn mu ini ogboku sime ḅarị anga ḅụ, tẹ ini ị̀ sịkị ḅa, tẹ ị̀ ọḅọkụ mẹ tẹ arị ini na fị ye mẹ kan ḅa.

2 Pita 2:14

Sakị mamgba ịna atọrụngbọ jen anga ofori, si mẹnjị kọn-arị ereme ọgọnọ sikima tẹ; si mịẹ ịna apọkọ tata-a. In minini kụrọ-a apụ dogi-mu ḍiein ḅio koromarị. Ini ịna aḅioḅẹngbọ tẹlẹma tẹ kẹ opu pọkọ-ḅẹngbọ sụa ḅara wẹrịarị. Ini ma Tamụnọ wori-nume ịna ọgọnọ emi!

Mịẹfinji 17:5

Á fụḅara ḅọkọ ḅụ tomi inetẹ nimi ḅo ḅịa fieye nyana ẹrẹ kẹẹ wararị: “Opu Babịlọnị, ama-mẹnjị-ereme mamgba iyingiḅọ, anie tomikiri mẹ pịkị-iḅoarị apụ ma.”