Hosiya 1:10 - FỊAFỊA BAỊBỤLỤ

¹⁰ Izirẹlịapụ ma ḅo tọrụ-kọngọ ḅẹ onwi na kịka ḅa, ịn ḅaka ḅarị ḅara kịẹnkịẹn-ọkụ-ofori ḅara anịanịa iku-la-ḅara tọn-ḍikiḍiki-a ḅara. Mịọkụ Tamụnọ ịn ḅẹẹm, “Ọmịnị ị̀ atomi-a,” kụma gbọrụ ene ḅụ ori ịn ḅẹẹ ḅa, “Ọmịnị ḍumo wararị Tamụnọ ḅe awọmẹ!”

Hosiya 1:10 Iomraidhean Croise

Suku-saakị 13:16

Àrị í furo-ḅẹ-apụ mịẹ tẹ ịn kiri-ḅio ḅẹ fọọn ḅin ḅara ḅin ḅa, anie ḅụ kịnị inetẹ kiri-ḅio ḅẹ fọọn mẹ kịẹn-kịẹn, í furo-ḅẹ-apụ sọ kịnị inetẹ kịẹn ḅa.

Suku-saakị 22:17

piki-pikiye-ofori ḅara ḅụ arị í boma ḅa, à mịẹtẹ í furo-ḅẹ-apụ So-ḅio ḅẹ alolia ma na, onwi ma tẹ tọrụ akaka ḅẹ mịmọ mẹ ọgọnọ simearị aị ma sara ḅara kama ḅa. Anịsakị í furo-ḅẹ-apụ ini na fịya-a apụ ma ogigo mẹ ọkị nyana ḅa,

Suku-saakị 32:12

Kụma ị́yẹrị mie ḅẹẹ ye, ‘Àrị iḅi kẹ ị́ mịẹ ḅa, tẹ mịẹtẹ í furo-ḅẹ-apụ tọrụ-minji ḅẹ onwi mẹ tẹ kịnị inetẹ kịẹn ḅịa ye mẹ sime-ḅara sime inweni-ogbo sọ ḅa.’ ”

2 Samụẹlị 7:24

Tẹ ị́ ị́ atomi Izirẹlị sịẹma kụrọma ị́ ḅụụ pịrịm ini ị́ atomi sọ gbamaso ḅẹ ḅara anịsakị Yei KỊNỊNYANAḄỌ, ị́yẹrị ḅo ịna Tamụnọ sọm.”

Ayịzaya 43:6

Arị ọgọnọ-jụ mẹ ḅẹ tẹ anị ịn wẹrịso tẹ in so ḅa tẹ suku-jụ mẹ ini ọlọ ọḅụ pịrị ḅịa. Yee ị̀ atomi sụma-jụ ḅẹ amakiri ma ḅụ pịkị-ḅo, tomikiri mẹ ḅụ ḅẹ pakịrị-pakịrị goyegoye ḅụ.

Ayịzaya 48:19

Mimgbe ó furo-ḅẹ-apụ ma onwin ḅin ḅara ḅin tẹ à mịẹ tẹ gbala-gbala kịnị ịn ḅaa guluguluma-a so tẹẹ.”

Ayịzaya 63:16

Ị́yẹrị wamịna Ḍaḅọọ. Wamịna elemu aḍapụ, Ebira-amụ na Jekọbụ na ọkọ kẹ wa ọkị-a-o, kụma, KỊNỊNYANAḄỌ, anie wamịna ḍaḅọ, sakị mamgba wa pụkọ-pakamaḅoarị ḅọ ḅe.

Ayịzaya 64:8

Kụma, KỊNỊNYANAḄỌ, wamịna Ḍaḅọọ. Wa ọgbọịn-lịka na kịkam, tẹ aḅaịn-ḅẹlẹ tẹmẹḅọ na kịkam. Ị́yẹrị wa tẹmẹm,

Ayịzaya 65:1

KỊNỊNYANAḄỌ ḅe mẹẹ, “À tẹlẹma tẹ ì atomi atẹkẹ naa ḅẹm, kụma ịn tẹkẹ-a. À tẹlẹma simem, ini ị̀ ḍọkị-ẹrị ḅẹ ḅara, kụma ḅụụkụrọma kịngẹ sọ ịn ḅụụkụrọma-a. Sịẹ mẹ ị̀ tẹkẹ-a, tomi-juḅẹye sakị mamgba à tẹlẹma tẹ ḅịḅị-ọkịya ḅẹ-yearị sọ. ‘Mie yẹrịị, à ḅarasụa ọ́ pịrị ḅa.’

Ayịzaya 66:20

Ini ọmịna sịẹ ḅẹ apụ ma kẹ pịkị-ḅo ḅa sịẹ-sịẹ ma ḅụ, kẹ ḅo ḍiepịrịye ḅara kẹ ịn pịrị. Ini ịn kẹ Jeruselemu ị̀ fịafịa tụndụ mẹ ḅo ḅa, asụ na, kụrọ-sịḅịsụa-asụ na, ike-sụa-anama na, yedogi-kirimẹnjị-arụ na ọgọnọ ḅụ, anie Izirẹlịapụ mgbọlị afịaị kẹ fịafịa yedogi-aị ḅio sụa tẹ kẹ Tamụnọ-warị ḅo-ḅo gbọrụ ḅara mẹ.

Jerimaya 33:22

Arị ị̀ fịrịmẹnjịḅọ Devidi furo-ḅẹ-apụ ma kịẹn-ḅịḅị mịẹ ḍụḅama ḅa, pịkị Livayị furo ḅẹ agbamịẹapụ kịẹn-ḅịḅị sọ, mịẹ tẹ kịnị inetẹ ịn kịẹn nimi ḅịa ḅara, anị sime So-tọrụ ḅẹ alolia ma anịanịa tuḅu ọgọnọ ḅẹ onwin kịẹn pịrị ḅara mẹ.”

Danẹlị 6:26

Àrị oloko sụarị mịnẹ à daarị tomikiri mẹ ikelema-koro ḅụ, ọrụḅọ-ọrụḅọ Danẹlị Tamụnọ ḅe ḍiki-ḅalafa tẹ ọ̀ mangịma nyanam. “Ori anie ḍumo wararị Tamụnọọ, tẹ ọ̀ ḅẹrẹtọn mu ḅẹẹ-sakị ḅẹẹ-sakị la ḅa. Ori ama-da mẹ gbala-gbala gulugulu ḅịa, tẹ ọ̀ kụrọ gbala-gbala kunoma ḅịa;

Hosiya 1:9

KỊNỊNYANAḄỌ ḅe Hosiya ḅẹẹm, “Ọ̀ sịịn, Lo-ami, kẹ gotẹ ọkọ ḅẹẹarị, Izirẹlịapụ ma ị̀ atomi-a, tẹ yẹrị sọ pịkị ịna Tamụnọ-a.”

Hosiya 2:23

À mịẹ tẹ ị̀ atomi ịna amakiri mẹ ḅụ sime tẹ lolo ḅa. Àrị ọkụrụkụrụ kẹ tomi kẹ “Ọkụrụkụrụ Nyana-a” sịn apụ ma ḍie ḅa, tẹ ini ma tẹ tomi kẹ “Ị̀ Atomi-a” sịn apụ ma ḅụ, à ḅẹẹ ḅa, “Ọmịnị ị̀ atomi” tẹ ịn pakịrị ḅa, “Ị́yẹrị wamịna Tamụnọ.”

Jọnị 1:12

Anịsọ ja apụ ọ̀ daa-ọkịm tẹ ò mininim, mie ḅụ ori ịn mịẹtẹ ịn Tamụnọ awọmẹ sọm.

Romu 8:19

Bebe Tamụnọ tẹmẹ ye mẹmgba opu ḅio-sẹsẹ ḅụ Tamụnọ ori awọmẹ pakama-ḅo ḅarị ene koruarị.

2 Kọrịntị 6:18

Àrị ọmịna Ḍaḅọ sọ ḅa, tẹ ọmịnị ị̀ owiapụ-awọmẹ na ị̀ eremịna-awọmẹ na sọ ḅa, Kụrọmamgba nyana KỊNỊNYANAḄỌ ḅe ọkọ ḅẹẹarị.”

Hiburu 11:12

Tụkụmaye, Ebira-amụ aḍin ḅo la tẹ ḅara ḅụ, fịtẹ ḅọ famam, anịsọ mị gbọrụ tomḅọ ḅe ḅụ mie kịẹnkịẹn-ọkụ-ofori awọmẹ paka-ḅo ye, gbala So-tọrụ ḅẹ alolia ma na tuḅu ọgọnọ ḅẹ onwin na sara ḅara.