Hosiya 1:1 - FỊAFỊA BAỊBỤLỤ

¹ Mie KỊNỊNYANAḄỌ ḅe kẹ Hosiya, Bẹrị tụḅọ ḅe pịrị oku mẹ, Uzaya na, Jotamụ na, Ahazi na Hẹzịkaya na Juda ḅụ ama-da sime asakị mẹ, tẹ Jerobohamụ, Jehohazị tụḅọ ḅe pịkị Izirẹlị ḅụ ama-da sime sakị mẹ.

Hosiya 1:1 Iomraidhean Croise

2 Amadapụ 13:13

Anieḅụ Jehohazị nwẹnị fịị, tẹ Jerobohamụ nwẹnị ori emine mẹ ọgọnọ Lẹgị. Ịn nwẹnị Jehohazị kẹ Sameriya ḅụ Izirẹlị ḅẹ amadapụ ma na ḍiḅi.

2 Amadapụ 14:16

Jehohazị nwẹnị fịị. In nwẹnị ọ̀ kẹ Sameriya ḅụ Izirẹlị ḅẹ amadapụ ma na ḍiḅi; tẹ ori owiḅọtụḅọ Jerobohamụ nwẹnị ò kiri ḅụ ama-da.

2 Amadapụ 14:23

Amazaya Johasị owiḅọtụḅọ, Juda ḅẹ amadaḅọ ḅe ama-da tẹ jei akụra karama kụra ḅụ, Izirẹlị ḅẹ amadaḅọ Jerobohamụ, Johasị owiḅọtụḅọ ḅe saakị ama-dam Sameriya ḅụ, tẹ kụra amesi gbọrụ kụra finji kẹ ama-dam.

2 Amadapụ 15:32

Izirẹlị ḅẹ amadaḅọ, Pẹka, Rẹmalaya owiḅọtụḅọ ḅe ama-da tẹ maaịn karama kụra ḅụ Jotamụ Uziya owiḅọtụḅọ, Juda ḅẹ amadaḅọ ḅe saakị ama-dam.

2 Amadapụ 15:5

KỊNỊNYANAḄỌ ḅe nwẹnị sofịnị-obi kẹ amadaḅọ ḅe fomu tẹ ori anị kọn nwenii ọ̀ fịị ene lam. Ori ngẹrị anie ḅele wararị warị-ḅio anga yee. Amadaḅọ ḅe owiḅọtụḅọ Jotamụ nwẹnị bebe warị mẹ onyo-sẹịn, tẹ ḅẹrẹtọn tomi ma pịrị ama mẹ ḅio.

2 Amadapụ 15:7

Uzaya nwẹnị fịị, tẹ ịn nwẹnị ọ̀ kẹ Devidi opu ama mẹ ḅio ori aḍapụ ma na ḍiḅi gboloma tẹ ori owiḅọtụḅọ Jotamụ nwẹnị ò kiri ḅụ ama-da.

2 Paka-aị 27:1

Jotamụ sịḅị si sọnọ akụra finji ḅọrọ tẹso, ọ̀ saakị ama-dam, tẹ ini akụra fa si kẹ Jeruselemu ḅụ ama-dam, ò iyingi ẹrẹ Jerusa, Zadọkụ ẹrẹḅọtụḅọ ma.

2 Paka-aị 28:1

Ahazi sịḅị si kụra ḅọrọ tẹso, ọ̀ saakị ama-dam, tẹ inia kụra fa si kẹ Jeruselemu ḅụ ama-dam. Ọ̀ KỊNỊNYANAḄỌ ḅe tọrụ ḅụ kuraye mịẹ-a, ọ̀ ḍa Devidi mịẹ ḅara.

2 Paka-aị 29:33

Anịsakị mịẹ fịafịama tẹ in sikima koroma agbamịẹ-aị ma anie, owi-nambulo ẹndẹ oyia asi finji (600) na, anana sọnọma ẹndẹ oyia asi finji (3,000) na.

Ayịzaya 1:1

Mị ḍiri mẹ ḅio simearị oku ma anie Juda na Jeruselemu na gboloma aị tẹ Tamụnọ mịẹfinji Emọsị tụḅọ Ayịzaya pịrị aị. Tamụnọ mịna oku ma kẹ ọ̀ pịrịm, Uzaya na Jotamụ na Ehazi na Hẹzịkaya na Juda ḅụ ama-da ene ma ḅụ.

Ayịzaya 7:1

Amadaḅọ Ehazi, anie Jotamụ owiḅọtụḅọ, pịkị Uzaya taa-owiḅọtụḅọ ḅe Juda daarị sakị ọmụ korom. Rezini, Siriya ḅẹ amadaḅọ na Pẹka, Rimalaya tụḅọ Izirẹlị ḅẹ amadaḅọ ḅe na, owu kẹ Jeruselemu pakam kụma ini inetẹ anị ọkị-a.

Jerimaya 1:2

Josaya Amọnị tụḅọ ḅẹ Juda da tẹ oyi tẹrẹị finji karama kụra mẹ ḅụ mie KỊNỊNYANAḄỌ ḅe ẹkwẹn Jerimaya pịrị yee,

Jerimaya 1:4

KỊNỊNYANAḄỌ ḅe ị̀ ḅẹẹm,

Izikẹlị 1:3

Anị anga Babịlonịya ḅụ Keba Tọrụ akaka mẹ ḅụ, à KỊNỊNYANAḄỌ ḅe ẹkwẹn ị̀ pịrị ye naa tẹ nwẹnị ọ̀ kụrọ ị̀ ḅụụ ḅio sọ tẹ ye mẹ nimim.

Jowẹlị 1:1

Mie KỊNỊNYANAḄỌ ḅe kẹ Jowẹlị Pẹtụwẹlị tụḅọ ḅe ḅara fịrịma oku mẹ:

Emọsị 1:1

Mịna ẹkwẹn-aḅịḅị ma anie Emọsị, anana-ḍikiḍikiḅọ tẹ Tẹkowa ama ḅụ ḅo ḅọ ḅe kọn ẹkwẹn-aḅịḅị ma. Maa akụra kọnm tẹrẹmẹ kiri-jike mẹ paka ḅụ, tẹ Uzaya Juda da sime sakị mẹ, Jerobohamụ, Jehohazị tụḅọ ḅe nwẹnị pịkị Izirẹlị da sime sakị mẹ ḅụ anie Tamụnọ ma mamgba tẹ Izirẹlị gboloma aị ma kẹ Emọsị ḍie yee.

Jona 1:1

Gbọrụ ene ḅụ, KỊNỊNYANAḄỌ ḅe ẹkwẹn Jona, Amitayị tụḅọ ḅe pịrịm.

Mayịka 1:1

KỊNỊNYANAḄỌ ḅe ẹkwẹn-ḅịḅị mẹ tẹ ḅo Mayịka, Morẹsẹtị ḅẹ ḅọ ḅe pịrị ye mẹ Juda ḅẹ amadapụ Jotamụ na, Ahazi na Hẹzịkaya na, Juda ḅụ ama-da sime ene ma ḅụ, ịkịan tẹ Sameriya na, Jeruselemu na gboloma tẹ ori ẹrị ye mẹ.

Zẹkaraya 1:1

Darịyọsị Pasịya sịẹ mẹ da tẹ maaịn karama kụra mẹ ḅụ ḅẹ nine karama akalụ mẹ ḅụ, KỊNỊNYANAḄỌ ḅe mị oku-ḅịḅị mẹ ḍuko kẹ ịkịankoroḅọ Zẹkaraya, Bẹrẹkaya owiḅọtụḅọ pịkị Ido taa-owiḅọtụḅọ ḅe pịrịm.

Jọnị 10:35

Tamụnọ nwẹnị ori ẹkwẹn pịrị apụ ma ḅẹẹm, ‘ọmịnị tamụnọ’, wa pịkị nimi wararị mịnẹ Fịafịa Ḍiri mẹ ḍuko tẹ ye mẹ karakaram;

Romu 9:25

Mie Hosiya ḍiri ḅio ọ̀ ḅẹẹ ḅara: “Ị̀ atomi-a apụ ma arị ịn sịn ḅa ‘Ị̀ Atomi.’ À ḅẹlẹma sime-a sịẹ mẹ arị anị sịn ḅa ‘Ị̀ Ḅẹlẹmaḅọ.’

2 Pita 1:21

Kẹ gotẹ ọkọ ḍukoarị, gbọrụ ịkịankoro ẹkwẹn sọ amụ jene-jene tomḅọ kuroma ḅụ ḅo-a, kụma Fịafịa Tẹmẹ ḅe ḅẹrẹtọn tomina aḅioḅẹngbọ pịrịarị ogbo mie ịn Tamụnọ ḅara ḅo oku mẹ ḍuko ye.