Hiburu 9:8 - FỊAFỊA BAỊBỤLỤ

⁸ Mịna ọrụtọn aị mamgba ḅụ Fịafịa Tẹmẹ ḅe banabanama ye kẹ wa tolumarị, mịnẹ ḅọrọ Fịafịa-tẹịn Yọ mẹ sọ ḅọkọ mẹ amụ paa finji-a, Akpụrụ tẹkẹ-warị mẹ warị-kuḅu mẹ paa emi sakị goyegoye.

Hiburu 9:8 Iomraidhean Croise

Ayịzaya 63:11

Kụma ọkọ sọ in Mozizi gboloma ḅọrọtẹ ene ma kẹ ḅiokoromam, anie KỊNỊNYANAḄỌ ḅe fịrịmẹnjịḅọ ḅe, tẹ ịn nwẹnị gbela, “KỊNỊNYANAḄỌ ḅe tẹ tọrụ mẹ ḅụ ori atomi ma sịḅịdapụ ma ḅọrọma ḅọ ḅe mịọkụ ọ̀ tọ-anga emi? Ọ̀ tẹmẹẹ kẹ Mozizi pịrị KỊNỊNYANAḄỌ ḅe ọ̀ tọ-anga emi?

Luku 1:80

Tụḅọ ḅe nwẹnị ḍụḅa paka ḅo, oju ḅụ na tẹmẹ ḅụ na. Ịkpa ḅio anie ori anga nwenii tẹ ọ̀ ḅụụ-pakama Izirẹlị ḍie ene la ye.

Jọnị 10:7

Mie ḅụ Jizọsị nwẹnị sin ḅẹẹ, “À karakara ye mẹ ḍuko ọ́ pịrịarị: yẹrị anie anana ma ḅọrọ sọarị onu-ḅọkọ mẹ.

Jọnị 10:9

yẹrị anie ḅọrọ sọ onu-ḅọkọ mẹẹ. Ḅẹḅọ-ḅẹḅọ tẹ ị̀ ḅụụ ḅọrọ sọ ḅọ, sọ ḅọ gberie-sọ ḅarị mḅọ la ḅịa; mḅọ sọ na paka na tẹ pịkị fịye ẹrị fị ḅa.

Jọnị 14:6

Jizọsị nwẹnị ọ̀ pakịrị, “Yẹrị anie etela mẹ, karakara mẹ, pịkị ḍumo mẹ; gbọrụḅọ-sọ mu Ḍaḅọ ḅe la la-a, mḅọ ị̀ ḅụụ ḅọrọ sikima.”

Fịrịmẹnjịapụ 28:25

Mie ḅụ ịn nwẹnị so, tẹ in soarị sakị Pọlụ kọn gbọrụ ẹkwẹn mie ịn kẹ ye-nụnụa ma-so ye. Ori mẹẹ, “Fịafịa Tẹmẹ ḅe ịkịankoro Ayịzaya ḅụ ḅọrọ tẹ kọn ọmịna atẹngịapụ ma pịrị ẹkwẹn mẹ karakara lamam!”

Galesiya 3:8

Fịafịa Ḍiri mẹ tọrọkọ tarị ḍuko wẹrị tẹ, mịnẹ minini ḅụ mie Tamụnọ ḅọrọ tẹ ja asịẹ ḅẹ apụ ma kẹ ọ̀ ḅụụ kura ḅara wẹrị ḅarịye. Tẹ mie ḅụ Fịafịa Ḍiri mẹ nwẹnị Iḅi Oku mẹ ḍuko Ebira-amụ pịrị: “Tamụnọ ị́ ḅụụ ḅọrọ tẹ tomikiri ḅẹ atomi mamgba boma ḅa.”

Ẹfisọsị 2:18

Kịrayịsị ḅụ mie wamịnị-mgba, Juu-ḅẹ-apụ na Ja asịẹ ḅẹ apụ na, inetẹ gbọrụ Tẹmẹ ḅe ḅụ ḅo Ḍaḅọ ḅe tọrọkọ laarị.

Hiburu 10:15

Tẹ Fịafịa Tẹmẹ ḅe sọ anị ḅụ ò nimi ye ḍukoarị. Tarị ye, ori mẹẹ,

Hiburu 3:7

Ọkọẹrẹsị, Fịafịa Tẹmẹ ḅe ḅẹẹarị, “Mịmgba ọ́ Tamụnọ pọkọ naa naa,

Hiburu 9:3

Maaịn karama kiki-pẹlẹ-ḅịtẹ mẹ ọḅụjụ, Akpụrụ tẹkẹ-warị mẹ ḅẹ kala-ḅio mẹ ini anị sịnm, Fịafịa-tẹịn Yọ.

2 Pita 1:21

Kẹ gotẹ ọkọ ḍukoarị, gbọrụ ịkịankoro ẹkwẹn sọ amụ jene-jene tomḅọ kuroma ḅụ ḅo-a, kụma Fịafịa Tẹmẹ ḅe ḅẹrẹtọn tomina aḅioḅẹngbọ pịrịarị ogbo mie ịn Tamụnọ ḅara ḅo oku mẹ ḍuko ye.