Hiburu 9:5 - FỊAFỊA BAỊBỤLỤ

⁵ Ọḅọkụ Fị Igbe mẹ ọgọnọ Sẹrubimu amẹẹ ịn nwẹn tẹmẹ koromam, kẹ Tamụnọ anịanga emi mẹ ḍie-pakama ḅẹ gotẹ, anịsakị ịna apamba ma nwẹnị finjima mu Tamụnọ si-wẹrịsoarị anga mẹ gbaịn. Kụma mịọkụ wa sakị nyana tẹ kẹ ḅintẹ ḅara kẹ ye goyegoye ḍuko finji fama ḅịa.

Hiburu 9:5 Iomraidhean Croise

2 Amadapụ 19:15

tẹ Hẹzịkaya nwẹnị KỊNỊNYANAḄỌ ḅe tẹkẹ tẹ ḅẹẹ, “Yei KỊNỊNYANAḄỌ Izirẹlị ḅẹ Tamụnọ, oriḅe tẹ Sẹrubimu ma ọgọnọ ḅụ emine ọgọnọ lẹgị-sime wararị ḅọ, ị́yẹrị ngẹrị anie tomikiri sịẹ-sịẹ mamgba ḅụ Tamụnọ; ị́yẹrị so mẹ na kiri mẹ na tẹmẹm.

1 Paka-aị 28:11

Anịtẹso Devidi nwẹnị Tamụnọ warị mẹ ḅẹ iḅoma mẹ na, anị ḅe awarị ma na, anị ḅẹ ye koko anga ma na, anị ḅẹ ọgọnọ ḅẹ aḅio ma na, anị ḅẹ akala-ḅio ma na, ọkụrụkụrụ Emine mẹ sime ḅẹ Fịafịa-tẹịn Yọ mẹ na sime ḅarị ḅara ḅe elekima kẹ ori owiḅọtụḅọ Sọlọmọnị pịrị.

Devidi-Anume 80:1

Yei, Anana-ḍikiḍikiḅọ ḅara kẹ Izirẹlị ḍikiḍikiarịḅọ, wa pokii; tọrọkọ tarị amịna anana-ogbo pịrịarị ḅọ, wa naa. Ị́yẹrị amịna tẹmẹ tẹ pamba-sụa wararị aị ọgọnọ jụ ḅụ emine kuroma tẹ lẹgị wararị ḅọ,

Devidi-Anume 99:1

KỊNỊNYANAḄỌ ḅe anie amadaḅọọ; tomi ma oju sẹkịarị. Ori tẹmẹ tẹ pamba-sụa aị ma ọgọnọ-jụ ori amịna emine ọgọnọ lẹgị wararị tẹ kiri mẹ jikearị.

Lẹvitikọsị 16:13

tẹ KỊNỊNYANAḄỌ ḅe tọrọkọ ḅụ kụnụaị ma kẹ kọrịarị anyịmgbọ ma ọgọnọ sara ḅa, mịẹtẹ kụnụaị ma ḅẹ onwi mẹ ọkụrụkụrụ Emine mẹ tẹ ḅụụ ḍie-pakamaye mẹ ọgọnọ simearị ye mẹ gbaịn ḅarị ḅara, anieofori ò ḅofa fịị.

Lẹvitikọsị 16:2

KỊNỊNYANAḄỌ ḅe Mozizi ḅẹẹm, “Ḍuko í iyimbere Erọnị pịrịị, ọ̀ sakị mamgba kiki-pẹlẹ-ḅịtẹ mẹ ḅio sọ Fịafịa-tẹịn Yọ mẹ ḅio ọkụrụkụrụ Emine mẹ tẹ Ọḅọkụ-Igbe mẹ ọgọnọ simearị ye mẹ tọrọkọ ḅo-ma ḅọrọ ma, anieofori ò ḅofa fịị, kẹ gotẹ ọkọ ḅẹẹarị, arị oḅuto ḅio ọkụrụkụrụ Emine mẹ ọgọnọ tolu-sịẹ ḅa.

Kịẹn-aḅịḅị 7:89

Tẹ Mozizi mẹnjị Kobiri Akpụrụ-warị mẹ ḅio sọ, tẹ KỊNỊNYANAḄỌ ḅe na ẹkwẹn ḅẹ mu tẹso, ọkụrụkụrụ Emine mẹ tẹ Ḅụụ ḍie-pakama Ọḅọkụ-Igbe mẹ ọgọnọ-jụ maa Sẹrubimu ma ogboku ḅụ ọ̀ nwẹnị ẹkwẹn ọ̀ pịrịarị pọkọ mẹ naa tẹ anị ẹkwẹn ọ̀ pịrịm.

Romu 9:4

Ini anie Tamụnọ atomi ma; ori ḅarana ịn kẹ ori awọmẹ sọma, tẹ ori ebube kẹ in ḍiem; ori ini na ọḅọkụ fị tẹ Oloko mẹ kẹ ịn pịrịm; ini anie karakara Tamụnọ tẹkẹ mẹ nyana ye; Tamụnọ minini ịn pịrị aị ịn nyana tẹ;

Ẹfisọsị 3:10

mịẹtẹ mị sakị mẹ ḅụ sọsị mẹ na, ḅẹrẹtọn-arị enjẹlị apụ ma na, so ama ḅẹ akụrọ ma na Tamụnọ nimi mẹ sime-ḅara ḍawọ ḅarị ḅara, kịrị-kịrị aḅara ḅụ.

Hiburu 4:16

Ọkọẹrẹsị, ó yee wa ḅalafa-a ḅara kẹ Tamụnọ ḍiki-ḅụụjịrị emine mẹ dama-mu, ḍiki-ḅụụjịrị emi anga mẹ. Anịanga wa ọkụrụkụrụ na ḍiki-ḅụụjịrị na nyana tẹ kẹ ḅarasụa ḅụụ pịrị ḅa, wa ḅii sakị, ḅii sakị.

1 Pita 1:12

Tamụnọ mịẹfinji mịna ịkịankoroapụ ma pịrịm, mịnẹ ịna kọrịnama mẹ ḅẹ iḅi ini fị ḅịa, kụma ọmịnị, anie ini arị aị ma gboloma ye, tẹ Fịafịa Tẹmẹ ḅe So-ḅio ḅo kụrọ ḅụ Iḅi Oku mẹ ḅẹ oku-mẹnjịapụ ḍuko wasama ye mẹ ḍuko sakị mẹ. Mịna aị ma enjẹlị apụ sọ nimi ḅẹ ḍọkịm.

1 Samụẹlị 4:4

Anieḅụ tomi ma fịrịma Silo mum, tẹ anịjụ Ọmụ-ogbo ma ḅẹ KỊNỊNYANAḄỌ ḅe tẹ Sẹrubimu ma ọgọnọ ḅụ emine ọgọnọ lẹgị-sime wararị ḅọ ḅe Ọḅọkụ-Igbe mẹ ọkị-ḅom; tẹ Ịlayị maa owiapụ-awọmẹ Hofini na, Finihasi na anịjụ Tamụnọ Ọḅọkụ-Igbe mẹ na simem.