Hiburu 9:4 - FỊAFỊA BAỊBỤLỤ

⁴ Anị ḅio ḅụ golu kẹ tẹmẹ Kụnụaị-dọkịma-dẹbịlẹ tẹ ini anị ọgọnọ kụnụaị dọkịma dọkịma ye mẹ na, Ọḅọkụ Igbe mẹ tẹ golu gbaịn koro ye mẹ — tẹ anị ḅio ịn mana kẹ sụa wararị golu-mọngị sime ye mẹ — na, Erọnị mkpara tẹ ịnyịnya sụa ye mẹ na, ḍụḅarị maa apakịrị ma tẹ Oyia Oloko ma kẹẹ wararị aị ma na sọ simem.

Hiburu 9:4 Iomraidhean Croise

1 Amadapụ 7:50

Kọpụ ma na, tọnjọ wiki ḅụ dọkị tẹ ḅịḅị pẹlẹ-siin aị ma na; bọlị ma na, kụnụaị dọkịma ẹfẹrẹ ma na, kẹ biinya anyịmgbọ tan-arị apanị ma na; pịkị Fịafịa-tẹịn Yọ mẹ ḅọkọ ḅẹ insisi na Tamụnọ-warị mẹ ḅẹ etela da aḅọkọ ma ḅẹ insisi ma na. Mịna namakọrịaị mamgba golu ịn nwẹn kẹ arị mịẹ famam.

1 Amadapụ 8:21

À pịkị Tamụnọ-warị mẹ ḅio gbọrụ anga sọ pakama tẹẹ, KỊNỊNYANAḄỌ ḅe wamịna atẹngịapụ ma Ijiputi ḅụ ịn pakama-ḅo sakị ọ̀ kẹ ini na fị wararị ọḅọkụ mẹ ḅẹ ḍụḅarị-apakịrị ma simearị Ọḅọkụ-Igbe mẹ gotẹ.”

1 Amadapụ 8:9

Ọḅọkụ-Igbe mẹ ḅio jen gberie-sọ ofori, ḍụḅarị maa apakịrị ma tẹ Mozizi Sayịnayị Tụndụ ọgọnọ ḅụ kẹ anị anga koroma aị ma sikima tẹ, Izirẹlịapụ ma Ijiputi ḅụ paka-ḅoarị sakị KỊNỊNYANAḄỌ ḅe kẹ ịn paka-ḅoarị ogbo ini na ọḅọkụ fị aị ma.

2 Paka-aị 5:10

Izirẹlịapụ Ijiputi ḅụ paka-ḅo tẹ KỊNỊNYANAḄỌ ḅe Izirẹlịapụ ma na ọḅọkụ fị sakị Mozizi kẹ Horẹbụ ḅụ anị ḅio sụa maa ḍụḅarị apakịrị ma sikima jen ye Ọḅọkụ-Igbe mẹ ḅio ofori.

Paka-so 26:33

Í kiki-pẹlẹ-ḅịtẹ mẹ kẹ Akpụrụ-warị mẹ isun mẹ suku-ḅio sụa-kịrịkịrịma wararị ye-sụka-aị ma ḅụ sololo ḅa, tẹ ḍụḅarị maa apakịrị ma simearị Ọḅọkụ-Igbe mẹ kẹ kiki-pẹlẹ-ḅịtẹ mẹ ọḅụjụ koroma ḅa. Kiki-pẹlẹ-ḅịtẹ mẹ nwẹnị Fịafịa Yọ mẹ puu sikima ḅa Fịafịa-tẹịn Yọ mẹ ḅụ.

Paka-so 31:18

Sayịnayị Tụndụ ọgọnọ ḅụ ò Mozizi na ẹkwẹn fama tẹso ori oloko ma ḍie-pakamarị ḍụḅarị maa apakịrị ma, Tamụnọ ḅara-tụngbalị kẹ kẹẹ aị ma kẹ Mozizi pịrịm.

Paka-so 32:15

Mozizi nwẹnị tụndụ mẹ ọgọnọ vuunma pịkị tẹ ọ̀ ḅara ḅụ simearị Oyia Oloko ma kẹẹ wararị maa ḍụḅarị apakịrị ma tẹ maa anga mamgba ḅụ ye kẹẹ wararị aị ma kẹ ideri-ḅo.

Paka-so 34:29

Mozizi Sayịnayị Tụndụ ọgọnọ ḅụụ ḍie-pakama maa ye kẹẹ aị ma ọ̀ ḅara-ḅio emi tẹ ori arị na tụndụ mẹ ọgọnọ ideri-ḅo sakị, Mozizi nimi-a mịnẹ ọ̀ tọrụkuḅu mẹ ḅẹ oju-kiri mẹ ḅịyarị, gbala ọ̀ Tamụnọ na ẹkwẹn simem ẹrẹsị.

Paka-so 37:25

Ori ịn kẹ akasiya sịn-arị sịn kẹ kụnụaị dọkịma ḅẹ agbamịẹ-anga mẹ namam; anị ḅẹ nangwọ gbọrụ ḅụọ-kuḅu na pakịrị na (45 cm) anịsakị anị ḅẹ finjima pịkị gbọrụ ḅụọ-kuḅu na pakịrị na (45 cm); anị ḅẹ nangwọ na finjima na gbasịm, tẹ anị tẹra ḅụọ-kuḅu (90 cm) kẹ gelem; anị ḅụ sụa-paka ịfalị ma na anị na gbọrụ ḅụ ḅụ emi.

Paka-so 39:35

ḅụụ Ḍie-pakama Ọḅọkụ igbe mẹ na anị ḅẹ nangwọtẹ asịn ikiḅa ma na kẹ sụa, na pịkị ịn kẹ Ọkụrụkụrụ Emine sịn Ọḅọkụ-Igbe mẹ ḅịḅị-gbaịnye mẹ na;

Paka-so 40:3

Oyia Oloko simearị Ọḅọkụ-Igbe mẹ kẹ anị ḅio suu, tẹ kiki-pẹlẹ-ḅịtẹ kẹ anị kikimaa.

Lẹvitikọsị 16:12

Ọ̀ gbọrụ anyịmgbọ tan ye ọkị mu KỊNỊNYANAḄỌ ḅe tọrọkọ ḅụ agbamịẹ-anga mẹ suku ḅụ ku-ku-kụma kọrịarị anyịmgbọ tan ḅinma ọkị, pịkị maa ḅara kuḅu ḅin mgbọlị ḍọkọḍọkọtẹ kụnụ lamarị kụnụaị ọkị tẹ arị Fịafịa-tẹịn Yọ mẹ sọ-ḅo ḅa;

Kịẹn-aḅịḅị 17:10

KỊNỊNYANAḄỌ ḅe nwẹnị Mozizi ḅẹẹ, “Erọnị mkpara mẹ pịkịma mu Ọḅọkụ-Igbe mẹ tọrọkọ koromaa, mịẹtẹ anị elekima sọ ḅara kẹ sime sịḅị-kụrọtẹ apụ ma pịrị, mịẹtẹ ọmịnị ịn kọọn ị̀ pịrịarị ịna mbụrụmbụrụ ma kunoma ḅarị ḅara, anieofori ịn ḅofa fịị.”

Kịẹn-aḅịḅị 17:5

Anịsakị tomḅọ ḅe tẹ à sẹlẹ-ọkị ḅọ ḅe mkpara mẹ so-paka ḅa; mị-ḅara mie à mịẹtẹ kẹ ị̀ ḅụụ ḅụ Izirẹlịapụ ma mbụrụmbụrụ ma dasịẹma ḅarị ḅara, arị aị ma tẹ ịn kẹ mbụrụmbụrụ ọ́ pịrịarị aị ma.”

Kịẹn-aḅịḅị 17:8

Tẹ ene-ḅaa ḅụ, Mozizi nwẹnị mẹnjị Ọḅọkụ-Igbe mẹ ḅẹ Akpụrụ-warị mẹ ḅio sọ-mu. Ori ẹrịm Erọnị mkpara, sime Livayị warị mẹ pịrị ye mẹ so-paka tẹ panga-ḅaa tẹ ịn kẹ alịmọnịdị nwẹn-sịn ḅịyatẹ asịnmgbọlụ sụa tẹẹ.

Ditẹrọnọmị 9:11

Anịsakị eneḅaka amesi na, ḍin amesi ma na kunoma ḅụ KỊNỊNYANAḄỌ ḅe ọḅọkụ mẹ ḅẹ ye kẹẹ maa aḍụḅarị ma kẹ ị̀ pịrịm.

Ditẹrọnọmị 9:9

À tụndụ mẹ kpọlị iwo tẹ ye kẹẹ aḍụḅarị ma ọkị ḅẹ mu sakị, ọḅọkụ mẹ ḅẹ ye kẹẹ aḍụḅarị ma tẹ KỊNỊNYANAḄỌ ḅe ọmịnị na mịẹ ye mẹ; arị eneḅaka amesi na ḍin amesi na kẹ tụndụ mẹ ọgọnọ simem; à fịye fị-a, à minji sọ ḅuu-a.

Mịẹfinji 11:19

Tẹ So-ḅio ḅụ Tamụnọ-warị mẹ nwẹnị finji sara, tẹ kịnị anịanga ḅụ Ọḅọkụ fị Igbe mẹ ẹrịm. Anịtẹso So-tọrụ kọrị-kọrị saḅa-ḅọrọ, tẹ So fie-fie tẹ so-alagba tẹịnm; tẹ kiri jike tẹ opu eene mgbọlị mgbọlị saram.

Mịẹfinji 8:3

Tẹ jen enjẹlị, tẹ golu kụnụaị dọkịma ye ọlọ ḅọ ḅo agbamịẹ-anga mẹ akaka sịẹm. Ịn nwẹnị tọnwa dọkịma ḅẹ kụnụaị kẹ ọ̀ pịrị, ọ̀ kẹ Tamụnọ atomi ma kọn-arị atẹkẹ ma ḅụ sụa tẹ kẹ golu agbamịẹ-anga mẹ, tẹ Tamụnọ emine mẹ tọrọkọ sịẹ wararị ye mẹ ọgọnọ agba mịẹ Tamụnọ pịrịị.