Hiburu 9:3 - FỊAFỊA BAỊBỤLỤ

³ Maaịn karama kiki-pẹlẹ-ḅịtẹ mẹ ọḅụjụ, Akpụrụ tẹkẹ-warị mẹ ḅẹ kala-ḅio mẹ ini anị sịnm, Fịafịa-tẹịn Yọ.

Hiburu 9:3 Iomraidhean Croise

1 Amadapụ 6:16

Tẹkẹ-warị mẹ ḅẹ ịlụkụlụkụ ḅụ gbọrụ kala-ḅio nama wararị ịn kẹ Fịafịa-tẹịn Yọ sịn anga mẹ. Anịḅẹ nangwọ anie ḅụọ-kuḅu asuei (9 m), tẹ ịn nwẹnị finjimatẹ sida ḍụḅọ pakịrị-pakịrị kẹ isun kikima ye mẹ ḅụ ọkị-ḅo kiri la ḅụ kiki-pẹlẹ anị pịrị sikima wararị warị-iyingi mẹ ḅụ.

1 Amadapụ 8:6

Anịtẹrẹmẹ agbamịẹapụ ma Ọḅọkụ-Igbe mẹ dogi tẹ kẹ Tamụnọ-warị mẹ ḅio Fịafịa-tẹịn Yọ mẹ ḅụ Sẹrubimu ma suku-ḅio koromam.

2 Paka-aị 3:14

Ọ̀ nwẹnị bulo tọrụ na, pọpụlụ nwẹn-sịn tọrụ na, awụ tọrụ na sụa ḅịtẹ na lọkọ-ḅịtẹ na kẹ kpọ Fịafịa-tẹịn Yọ mẹ kikima. Ḅịtẹ ma ḅụ in Sẹrubimu kịka enjelị mịẹ sụa wararị.

Paka-so 40:21

Ọ̀ nwẹnị Ọḅọkụ-Igbe mẹ ọkị-ḅo Akpụrụ-warị mẹ ḅio suu, tẹ kiki-pẹlẹ-ḅịtẹ mẹ kẹ kiki-pẹlẹ tẹ kẹ Ḅụụ Ḍie-pakama, Ọḅọkụ-Igbe mẹ kikimam; KỊNỊNYANAḄỌ ḅe wẹrịtẹ tọn Mozizi pịrị tẹ ḅara.

Paka-so 40:3

Oyia Oloko simearị Ọḅọkụ-Igbe mẹ kẹ anị ḅio suu, tẹ kiki-pẹlẹ-ḅịtẹ kẹ anị kikimaa.

Ayịzaya 25:7

Mịanga ḅụ ọ̀ kịnị ḅiotọn-a ḅara kẹ sịẹ mamgba ọgọnọ gbana wararị kururu oḅuto mẹ kan sin ḅa.

Izikẹlị 41:4

Ò ḅio mẹ tọnm, tẹ anị nwẹnị pakịrị oyi amita oyi amita (10 m) paka. Anịtẹso ori ị̀ ḅẹẹm, “Mie Fịafịa-tẹịn Yọ mẹẹ.”

Kịẹn-aḅịḅị 4:5

Akpụrụ-warị mẹ sin tẹ anị saakị so sakị la tẹ ḅẹḅẹ, Erọnị na, ori owiapụ-awọmẹ na sọ-mu tẹ kiki-pẹlẹ-ḅịtẹ mẹ sin koroma ḅa, tẹ anị kẹ Ḅụụ ḍie-pakama Ọḅọkụ-Igbe mẹ gbaịn ḅa.

Matiyo 27:51

Anịtẹso ịn kẹ Tamụnọ-warị mẹ ḅio kiki-pẹlẹ-ḅịtẹ mẹ, tẹ sololo sime ye mẹ, maaịn puum, ọgọnọ ideri-ḅo suku la. Kiri jikem, ịkụ ma puu kọsịm,

Hiburu 6:19

Mị ḅiokpọmaye mẹ lụmọ sọ wamịna ḍumo pịrị wararị. Wa ḅiokpọ wararị mịnẹ anị fa ḅịa ḅara sime tẹ, anị So-ḅio ḅẹ Tamụnọ-warị mẹ ḅẹ kiki pẹlẹ ḅịtẹ mẹ tolu-ḅọrọ mu anị ḅẹ ḅioju mẹ laarị.

Hiburu 9:7

kụma Sịḅịda-Agbamịẹḅọ ḅe ngẹrị mie Akpụrụ tẹkẹ-warị mẹ ḅẹ kala-ḅio mẹ sọ-muarị ye, kụra gbọrụ sakị, gbọrụ sakị. Ori ọkọ muarị sakị ori ọmbie kẹ mu tẹ kẹ ori na ja apụ na nimiatẹ mịẹ asi ḅẹ agba mịẹ Tamụnọ pịrịarị, tarị ọ̀ ḅụụ gotẹ, anịtẹso ja apụ.

Hiburu 9:8

Mịna ọrụtọn aị mamgba ḅụ Fịafịa Tẹmẹ ḅe banabanama ye kẹ wa tolumarị, mịnẹ ḅọrọ Fịafịa-tẹịn Yọ mẹ sọ ḅọkọ mẹ amụ paa finji-a, Akpụrụ tẹkẹ-warị mẹ warị-kuḅu mẹ paa emi sakị goyegoye.