Hiburu 9:2 - FỊAFỊA BAỊBỤLỤ

² Ini Akpụrụ tẹkẹ-warị namam, tẹ anị ḅẹ warị-kuḅu mẹ ịn kẹ anị sịn ye Fịafịa Yọ. Anịanga ḅụ tọnjọ-gbanaye na, ịn kẹ Tamụnọ pịrị tẹ fịturu gbana, gbana dẹbịlẹ na sọ simem

Hiburu 9:2 Iomraidhean Croise

Paka-so 25:23

“Ị́ akasiya nwẹn-sịn ḍụḅọ kẹ gbọrụ dẹbịlẹ ịkasị ḅa; anị ḅẹ nangwọ tẹra ḅụọ-kuḅu, anị ḅẹ finjima gbọrụ ḅụọ-kuḅu na ḅara maa ẹnzụ na (44 cm), anị ḅẹ gele maa ḅụọ-kuḅu na ḅara gbọrụ ẹnzụ na (66 cm).

Paka-so 25:30

Ọḅọkụ-Igbe mẹ tọrọkọ mie dẹbịlẹ mẹ sime ḅarị anga, anịsakị ịn kẹ agba mịẹ ị̀ pịrị fịafịa fịturu sakị mamgba anị ọgọnọ sime ḅa.”

Paka-so 25:31

“Karakara golu kẹ tọnjọ-sịẹmaye mịẹẹ. Tọnjọ-sịẹmaye mẹ ḅụ tọnjọ mẹ sịẹma ḅẹ anga mẹ na, anị ḅẹ aḅụọ ma na amana kẹ ḅakụ kọrịnama sọ ḅa; anị ḅẹ kọpụ na, ejikila na, fịlawa amẹẹ na kẹ anị ḅirima ḅẹ aị anị na gbọrụ ḅụụ ḅụ sime aị sọ ḅa.

Paka-so 26:1

Miemẹ sikima, í bulo tọrụ na, pọpụlụ nwẹn-sịn tọrụ na, awụ tọrụ na sụa oyia ḍoritẹ lọkọ-ḅịtẹ kẹ Ọḅọkụ-Igbe mẹ sime ḅarị Akpụrụ-warị mẹ nama ḅa. Ḅara-ḍịn ḅara ḅụ, ḅịtẹ ḍori laga kẹ ịn kẹ sẹrubimu sịn-arị enjẹlị kịkama aị kẹ anị ḅirimaa.

Paka-so 26:33

Í kiki-pẹlẹ-ḅịtẹ mẹ kẹ Akpụrụ-warị mẹ isun mẹ suku-ḅio sụa-kịrịkịrịma wararị ye-sụka-aị ma ḅụ sololo ḅa, tẹ ḍụḅarị maa apakịrị ma simearị Ọḅọkụ-Igbe mẹ kẹ kiki-pẹlẹ-ḅịtẹ mẹ ọḅụjụ koroma ḅa. Kiki-pẹlẹ-ḅịtẹ mẹ nwẹnị Fịafịa Yọ mẹ puu sikima ḅa Fịafịa-tẹịn Yọ mẹ ḅụ.

Paka-so 26:35

Kiki-pẹlẹ-ḅịtẹ mẹ ḅọrọ paka-ḅo ḅụ, ị́ dẹbịlẹ mẹ koroma ḅa, tẹ tọnjọ-sịẹmaye mẹ Akpụrụ-warị mẹ ḅio suku-jụ da pakịrị anga sime tẹ dẹbịlẹ mẹ na dama-dama ḅa. Anịsakị ị́ nwẹnị dẹbịlẹ mẹ kẹ ọgọnọ-jụ da pakịrị anga ḅụ koroma ḅa.”

Paka-so 29:1

“Mịọkụ miemẹ anie ị́ kẹ ịn mịẹ ḅarịye ịn mịẹ fịafịama sikima wẹrị ḅụ, mịẹtẹ ini agbamịẹapụ ḅara kẹ fịrị mẹnjị ị̀ pịrị ḅarị ḅara. Ḅụụ ḅụ ḅẹkụ ofori gbọrụ asambịrịma owi-nambulo na, maa ejimina na,

Paka-so 29:35

“Ye tẹ à wẹrịtẹ tọn ị́ pịrị tẹ aị mamgba, à tọn ḅara mie ị́ kẹ Erọnị na, ori owiapụ-awọmẹ na mịẹ ḅarị ḅara. Sọnọma aḍin ḅụ ị́ ḅara kẹ ini ọgọnọ gbana mịẹye mịẹ fama ḅa.

Paka-so 40:2

Tarị akalụ mẹ ḅẹ tarị eneḅaka ḅụ mie ị́ Kobiri Akpụrụ-warị mẹ pike sịẹma ḅarịye.

Paka-so 40:4

Dẹbịlẹ mẹ ọkị-ḅo suu, tẹ anị kẹ ọrụtọn ḅara ḅụ anị tẹlẹma wẹrịị. Pịkị tọnjọ-sịẹmaye mẹ ọkị-ḅo suu, tẹ anị ḅẹ atọnjọ ma kẹ anị ọgọnọ sịẹma.

Matiyo 12:4

Ọ̀ Tamụnọ-warị mẹ ḅio sọ-mum, tẹ ori na ori atomi ma na ịn kẹ agba mịẹ Tamụnọ pịrị tẹ kẹ Tamụnọ-warị ḅio dẹbịlẹ ọgọnọ gbana wẹrị fịturu mẹ ọkị fịm, anie karakaraye, Oloko mẹ ḅẹẹ ḅara ḅụ, gbọrụḅọ-sọ fị-fịa fịturu mẹ, agbamịẹapụ ma sikima.

Matiyo 5:15

Ene furutẹ amịna warị ḅio tọnjọ tọnjị ḅọ ye kẹ anị jụjụ-a; anie nakara mḅọ anị kẹ tọnjọ sịẹma ye ọgọnọ gbanatẹ anị bele kẹ warị mẹ ḅio sime-ḅọ sime-ḅọ pịrị ḅa.

Hiburu 9:25

Juu-ḅẹ-apụ ma Sịḅịda-Agbamịẹḅọ ḅe, kụra gbọrụ sakị, gbọrụ sakị kẹ nama ọmbie kẹ Fịafịa-tẹịn Yọ mẹ sọ-mu sọ-mum. Kụma Kịrayịsị tọnwa sakị kẹ ọ̀ ḅụụ kẹ agba mịẹ ḅẹ mu-a,