Hiburu 8:9 - FỊAFỊA BAỊBỤLỤ

⁹ Anị à ḅara kẹ ini atẹngịapụ ma ọlọ tẹ Ijiputi ḅụ ịn pakama-ḅo eneḅaka mẹ ḅụ arị ini na fị ọḅọkụ mẹ na kịka ḅịa. In ḅioḅẹngbọ-kẹ-sịrẹrẹ-niḅi ḅara sime àrị ini na fị ọḅọkụ mẹ pịrị-a, anie ḅụ yẹrị sọ ḅarị ịn bala-a.

Hiburu 8:9 Iomraidhean Croise

Suku-saakị 19:16

Kụma ò simetẹ ḅigiri-ḅigiriarị; mie ḅụ Owiapụ ma nwẹnị ḅara-kọngọ ḅụ ori na, ọ̀ ta na, ori maa eremịna-awọmẹ na ọlọ, tẹ opu ama mẹ ḅio ịn pakama-ḅo. KỊNỊNYANAḄỌ ḅe ọkụrụkụrụ nyana ọ̀ pịrịm ẹrẹsị.

Jobu 8:20

Ḍikii, Tamụnọ ḅịḅị ḅụụ la-a tomḅọ sịkị ḅịa, anịanịa siye mịẹarị apụ ma aḅara mịẹ kụrọma.

Devidi-Anume 105:43

Anịẹrẹsị ori ọ̀ sẹlẹ ọkị apụ ma tọrọkọ-sụn tẹ ịn pakama-ḅom, tẹ ịn nwẹnị nume-su tẹ oloku-oloku tẹ ḍereku.

Devidi-Anume 77:20

Ị́yẹrị anana-ḍikiḍikiḅọ ḅara kẹ ị́ atomi ma tọrọkọ-sụn, Mozizi na Erọnị na ịn kẹ sịḅịda ḅara ḅụ.

Devidi-Anume 78:57

kụma ini ịna aḍapụ ma kịka tẹ kọngọ kụrọma tẹ sịḅị-tuu ọ̀ pịrị-a, kpịkịma-kpịkịmatẹ ḍiein tẹ tẹịnḅọ ḅiotọn anga da-mu mu-a ye ọkụ.

Paka-so 32:8

Ịn fọnya ḅara kẹ etela mẹ tẹ à tọn ịn pịrị ye mẹ ḅụ tọrụ pịkị akaka da tẹ, ịn ḅara kẹ kala nambulo tẹmẹ, tẹ sunsin anị pịrị, pịkị agba mịẹ anị pịrị tẹ ḅẹẹm, ‘yei Izirẹlị, mịna oru-atamụnọ ma anie ọmịna oru-tamụnọ ma tẹ Ijiputi ama ḅụ ọ́ pakama-ḅo aị ma!’ ”

Paka-so 34:10

KỊNỊNYANAḄỌ ḅe nwẹnị Mozizi ḅẹẹ, “Ị́ atomi mamgba tọrọkọ ḅụ àrị ị́nịna ọḅọkụ fịarị. Jene-jene bebe tomikiri mamgba, anịanịa ḅẹ opu sịẹ, opu sịẹ ḅụ amụ kọrị-a ḅụụ-gbiripuma-aị à nwẹn kọrị ḅa; anịsakị inima tẹ ogbo-ḅio ḅụ ọmịnị emi atomi mamgba ị̀ kọrịnama mẹ ẹrị ḅa; kẹ gotẹ ọkọ ḅẹẹarị, tẹmẹ-naịn-naịnmaye mie à mịẹ ọ́ pịrị ḅarịye.

Sọlọmọnị Ḅẹlẹtẹịn Nume 8:5

Nwẹn kẹ piri-agara mẹ ḅio sime tẹ amịna ḅẹlẹmaḅọ na ọlọma-ọlọma tẹ ḅoarị ḅọ ma ḅọrọ tụḅọ? Apụlụ sịn mẹ suku àrị í jike saakịm, ini í iyi anga mẹ ḅụ.

Ayịzaya 40:11

Ori anana-ḍikiḍikiḅọ ḅara kẹ ori atomi koko ḅa; Ori awọmẹ ma kobiri gboloma ḅa tẹ ori aḅara ḅụ in dogi ḅa; ọ̀ nwẹnị deinma iyingi apụ ma tọrọkọ sụn tẹ ini na mu ḅa.

Ayịzaya 41:13

Yẹrị ị́ nyana Tamụnọọ; Àrị ị́ kụrọma tẹ ḅẹẹarị, Ḅalafa ma; à ḅarasụa ị́ pịrị ḅa!

Ayịzaya 51:18

Gbọrụḅọ-sọ ofori etela kẹ í ḍie, ị́ atomi ma ogboku ḅụ gbọrụḅọ-sọ ofori ḅara kẹ ị́ ọlọ mẹnjị.

Ayịzaya 63:9

ịna tọrụsiẹrị mamgba ḅụ. Enjẹlị-a, kụma KỊNỊNYANAḄỌ ḅe ḅioju mie ịn ḅọrọma ye. Ọ̀ ḅẹlẹma na sịḅị-kụrụkụrụ na ḅụ ori ịn pụkọ-pakamaḅom. Sakị mamgba ori ịn balarị ḅọrọtẹ sakị ḅụ sọ,

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Kururu Owu-apọkọ 4:16

KỊNỊNYANAḄỌ ḅe ḅioju ḅarana ịn gala-galama tẹ, ọ̀ ḅarị jen-maaịn kẹ ịn kẹ ye-sịn ḅịa ọ̀ ḅarị kụn nyana agbamịẹapụ ma pịrị-a, ọ̀ ḅarị tọrụ-ḅẹlẹ nyana omongiapụ ma pịrị-a.

Izikẹlị 16:59

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Àrị ị́ gbẹẹ ḅara kẹ ị́ na mịẹ ḅa, ị́ ị́ minini aị ma tan anga pịrịtẹ pịkị ọḅọkụ mẹ kan tẹ ẹrẹsị.

Izikẹlị 16:8

“À siin mẹnjị-ḅọrọarị ogbo, àrị ẹrịm mịnẹ ị́ na ḅẹlẹma ḅẹ sakị mẹ ḅo laa tẹẹ. À nwẹnị ì opu kapa kẹ ị́ paụtẹ oju gbaịn tẹ minini mịnẹ àrị ị́ ḅẹlẹma ḅa. Inn, àrị ị́ na sime ḅẹ ọḅọkụ kẹ ị́ na fịm, tẹ í ḅo ì nye sọm.” Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye.

Emọsị 5:22

Ọ́ dọkịma-agba ma na mgbọlị fịaị ḍiepịrị-aị ma tẹ ọ́ kẹ ḅo ị̀ pịrịarị aị ma à daa ḅịa. Ó koko tim-tim-ma tẹ kẹ ḅo ḍie ị̀ pịrịarị anana ma àrị ọkị ḅịa.

Malakayị 2:13

Mie jen tẹ ọ́ mịẹarị ye. Ọmịnị owu-minji kẹ KỊNỊNYANAḄỌ ḅe agbamịẹ-anga mẹ ḅilemarị, tẹ lee-leema owuarị, ọ̀ ḅarị jen kẹ ọmịnị ọkị-ḅoarị ḍiepịrị-aị ma da-a ẹrẹsị.

Makị 8:23

Jizọsị ḅara kẹ tọrụngbọ-pụụntẹ owiḅọ ḅe ọlọ tẹ ọ̀ kẹ ama mẹ ḅio mẹnjị pakam. Jizọsị fịla kẹ owiḅọ ḅe atọrụngbọ isi tẹso, ọ̀ nwẹnị ḅara kẹ ori ọgọnọ gbana tẹ ò gbela, “Ị́ kọkọ inetẹ ye ẹrịarị?”

Fịrịmẹnjịapụ 13:11

Mịọkụ KỊNỊNYANAḄỌ ḅe ḅara kẹ ị́ lama ḅa, tẹ ị́ tọrụngbọ-pụụntẹ ị́ ḅarị bele ẹrị ḅịa mu gbọrụ sakị la ḅa.” Anị gbọrụ kiri kpiti tẹ oḅuto nwẹnị Ẹlịmasị atọrụngbọ gbaịn, tẹ ọ̀ nwẹnị ikelekele tẹ ḅara kẹ ori ọlọ mẹnjị ḅẹ ḅọ ḍọkị.

Fịrịmẹnjịapụ 7:36

Ò tomi ma tọrọkọ-sụn tẹ Ijiputi ḅụ Izirẹlị awọmẹ ma pakama-ḅom, ḅụụ-buama-aị na ḅụụ-gbiripuma aị na mịẹ ḅụ, anie Ijiputi na Awụ Tọrụ mẹ ḅụ na, pịkị ịkpa mẹ ḅio ḅụ sọ, kụra amesi na gbasị ye ḅụ.

Fịrịmẹnjịapụ 9:8

Sọlụ nwẹnị kiri mẹ ḅio saakị tẹ tọrụ finji, kụma ọ̀ ḅarị inetẹ ye ẹrị-a. Mie ḅụ ịn ḅara kẹ ori ọlọ mu Damasịkọsị ḅio sọm.

Galesiya 4:24

Mịna aị ma egberima-aị ḅara mie kịnị kẹ inetẹ arị naa ḅarịye: maa ereme ma sịẹ maa ọḅọkụ pịrị wararị. Omoni kiri ḅụ amịna awọmẹ iyi ḅọ ma anie Ega, anịsakị árị sịẹ Sayịnayị Tụndụ ọgọnọ fị ọḅọkụ mẹ pịrịm.

Ditẹrọnọmị 29:1

Mịna aị ma anie ọḅọkụ mẹ ḅẹ ẹkwẹn-aḅịḅị ma tẹ KỊNỊNYANAḄỌ ḅe tọn Mozizi pịrịm, Izirẹlịapụ ma na fị nwẹn ḅẹẹ ye mẹ Mohabụ ḅẹ ama mẹ ḅio, ọḅọkụ mẹ tẹ Orẹbụ ḅụ ori inina fị ye mẹ sikima.

Ditẹrọnọmị 29:12

mịẹtẹ ọ́ KỊNỊNYANAḄỌ ọmịna Tamụnọ ḅe na ọḅọkụ mẹ tẹ KỊNỊNYANAḄỌ ọmịna Tamụnọ ḅe ye karị ḅara kẹ mịmgba ọmịnị na fị ḅarị ọḅọkụ mẹ fị ḅarị ḅara,

Ditẹrọnọmị 29:25

Anịtẹso ọkụma tomi nwẹnị ḅẹẹ ḅa: Anị gotẹ ọkọ mịẹ ye, ịn KỊNỊNYANAḄỌ ịna aḍapụ ma Tamụnọ ḅe ọḅọkụ mẹ tẹ ori Ijiputi ḅẹ ama mẹ ḅio ini ọkị-ḅo sakị mẹ ḅụ ini na fị ye mẹ sịkịm,