Hiburu 8:8 - FỊAFỊA BAỊBỤLỤ

⁸ Kụma mị ẹkwẹn mẹ kọn sakị KỊNỊNYANA-TAMỤNỌ ḅe anị kẹ ori atomi ma si goarị, “KỊNỊNYANAḄỌ ḅe ḅẹẹarị, ene ma ḅoarị, arị ịwọ ọḅọkụ kẹ Izirẹlịapụ na, Juda ḅẹ atomi ma na fị ḅẹ sakị mẹ.

Hiburu 8:8 Iomraidhean Croise

Ayịzaya 55:3

Mịọkụ ó pokii, ị̀ atomi, tẹ ị̀ ḍọkụma-ḅoo; ọmịnị ị̀ ḍọkụma-ḅoo, tẹ ó ḍumo nyana ḅa! À sime alama ḅarị ọḅọkụ kẹ ọmịnị na fị ḅa tẹ à minini Devidi pịrị aboma ma kẹ ọ́ pịrị ḅa.

Jerimaya 23:5

KỊNỊNYANAḄỌ ḅe mẹẹ, “Sakị mẹ ḅoarị, à karakara mịẹarị ḅọ sẹlẹ pakama-ḅo ḅarị sakị mẹ Devidi furo ḅụ, ama-da ḅẹ ḅọ ḅara ḅụ. Anị amadaḅọ ḅe nimi ḅara kẹ ḅẹrẹtọn ḅa, tẹ kura ḅara na inoma ofori ḅara kẹ ye mịẹ ḅa bebe amakiri mẹ ḅụ.

Jerimaya 23:7

KỊNỊNYANAḄỌ ḅe mẹẹ, “Sakị mẹ ḅoarị, kịnị ḅarị jen kẹ ị̀ ḅụ ye karịarị tẹ ḅẹ ḅịa sakị mẹ ḅarị ḍumo wararị Tamụnọ ḅe tẹ Ijiputi amakiri ḅụ Izirẹlịapụ pakama-ḅo ḅọ ḅe.

Jerimaya 30:3

arị ị̀ atomi, Izirẹlị na Juda na, kẹ pịkị-ḅo ḅarị sakị mẹ ḅoarị ẹrẹsị. Arị ịn kẹ pịkị-ḅo à kẹ ịna elemu aḍapụ ma pịrị amakiri mẹ lama tẹ in siin ọkị tẹ kẹ ịna nye sọma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 31:27

“Yẹrị, KỊNỊNYANAḄỌ ḅe mẹẹ mịnẹ sakị ḅoarị anie à tomi na nama amẹẹ na kẹ Izirẹlị na Juda na amakiri mẹ ḅio ḅinma ḅẹ sakị mẹ.

Jerimaya 31:38

KỊNỊNYANAḄỌ ḅe mẹẹ, “Sakị mẹ ḅoarị, bebe Jeruselemu mẹ ḅio ịn warị-warị nama ḅinma ḅa, Hananẹlị Kụrọtẹ gele-warị ḅụ ịrụa-ideriarị-anga ḅụ ọkị mu Ịkọlị Ḅẹ Onu Ḅọkọ mẹ la.

Jerimaya 32:40

À sime-gbamaso ọḅọkụ kẹ ini na fị ḅa. Iḅi aị mịẹ ịn pịrị ḅụ gbala-gbala à ḅara-siin ḅịa, tẹ à mịẹ tẹ ini ịna ḅioḅẹngbọ mẹmgba kẹ ị̀ ḍiki-ḅalafaa ḅa, mịẹ tẹ ịn ḅarị gbala-gbala ị̀ ḅụụ pịkị-so ḅịa ḅara.

Izikẹlị 37:26

Àrị ini na fị ḅarị ọḅọkụ mẹ mịẹ tẹ ye ḅarị ịn la ḅịa gbamaso ḅa. Àrị ịn mịẹ kụrọma tẹ ịna kịẹn-ḅịḅị ḍụḅama ḅa, tẹ ị̀ Warị kẹ ịna amakiri ḅụ nama ḅa, anị sime gbamaso ḅẹ anga mẹ.

Matiyo 26:28

mie ị̀ ọmbie mẹ, tẹ Tamụnọ kẹ ori ọḅọkụ mẹ mịẹ kụrọmarị ye mẹ, ị̀ ọmbie tẹ tọnwa atomi asi wẹrịso gotẹ ọsụ-sara ye mẹ.

Makị 14:24

Jizọsị nwẹnị ḅẹẹ, “Mie ị̀ ọmbie, ọsụ tọnwa-apụ pịrị ye mẹ, ị̀ ọmbie tẹ Tamụnọ ọḅọkụ mẹ mịẹ kụrọmarị ye mẹ.

Luku 17:22

Anịtẹso ọ̀ nwẹnị ò ḍukamẹnjịapụ ma ḅẹẹ, “Sakị ḅo ḅa tẹ ó ḅii ḅa ọ́ paa Tomḅọ Tụḅọ ḅe sakị mẹ ḅẹ gbọrụ ene kịngẹ ẹrị, kụma ọmịnị ẹrị ḅịa.

Luku 22:20

Anị gbọrụ ḅara ḅụ, in ye mẹ fị fama tẹso, ọ̀ mọngị mẹ kẹ ịn pịrị tẹ ḅẹẹm, “Mie Tamụnọ ịwọ ọḅọkụ mẹ tẹ ị̀ ọmbie mẹ mịẹ kụrọmarị ye mẹ, tẹ ọsụ-sara ọ́ pịrị ye mẹ.

Luku 5:38

Anie nakara ịwọ iru sụa ḅaḅa anie ịwọ iru gbẹẹ-ye.

1 Kọrịntị 11:25

Anị gbọrụ ḅara ḅụ, in ḅoḅiri fịye mẹ fị fama tẹso, ori iru kọpụ mẹ ọkị tẹ ḅẹẹm, “Mị kọpụ mẹ anie Tamụnọ ịwọ ọḅọkụ mẹ, tẹ ị̀ ọmbie mẹ mịẹ kụrọma ye mẹ. Ọmịnị anị ḅuu sakị, ḅuu sakị, ọmịnị ị̀ kẹ ḅiokoroma ḅẹ ẹrẹsị ọkọ mịẹ.”

2 Kọrịntị 3:6

ori mie mịẹtẹ wa ịwọ ọḅọkụ mẹ ḅẹ fịrị mẹ mẹnjịarị, anie kẹẹ koro wararị Oloko ḅụ ofori ye mẹ, kụma Tẹmẹ ḅe ḅụ. Kẹẹ koro wararị Oloko mẹ fịị dogi-ḅoarị, kụma Tẹmẹ ḅe ḍumo pịrịarị.

Ditẹrọnọmị 29:14

Àrị ọmịnị ngẹrị na mị ye karị ọḅọkụ mẹ fị-a, ọmịnị tẹ mịmgba ḅụ wamịnị na KỊNỊNYANAḄỌ wamịna Tamụnọ ḅe tọrọkọ sịẹsime wararị apụ,

Hiburu 12:24

Ó ḅo Jizọsị la tẹẹ, anie ịwọ ọḅọkụ mẹ na, si-mịẹapụ asana ọmbie mẹ, tẹ kpọma iḅi Ebẹlị ọmbie nẹngị ye mẹ na tẹlẹma tẹ ḅọ ḅe.

Hiburu 7:22

Mie ḅụ, mị kịrị mẹ mịẹtẹ Jizọsị sịẹ iḅi jen nẹngị ọḅọkụ pịrị ḅọ sọ tẹ.

Hiburu 8:13

Ịwọ ọḅọkụ ḅẹrẹ ḍuko ḅụ, Tamụnọ tarị ye mẹ kẹ elemu ye mịẹ tẹ; anịsakị elemu tẹ ḅarị mịẹye ḅụ sọ-a ye goyegoye ḅarị sime tẹ kịnị ẹrị ḅịa.

Hiburu 8:6

Kụma mịọkụ, Tamụnọ agbamịẹ fịrị kẹ Jizọsị pịrị tẹ, iḅi ịna nye nẹngị lama ye, anie pịkị Tamụnọ na tomi na ogboku ọ̀ tọn pakama ọḅọkụ mẹ sọ iḅi tarị ye mẹ nẹngị ḅara, anie iḅi tarị aị ma nẹngịm minini pịrị-aị ḅụ anị sịrẹrẹ wararị ẹrẹsị.

Hiburu 9:15

Miemẹ ẹrẹsị, Kịrayịsị ḅo ịwọ ọḅọkụ tọn-pakamaḅọ sọ tẹ, mịẹtẹ Tamụnọ sịn ḅụụ pịrị tẹ apụ ma sime gbamaso aboma ma, tẹ Tamụnọ minini tomi pịrị tẹ aị ma nyana ḅẹ ḅara. Miemẹ inetẹ mịẹ ḅa, Kịrayịsị fịị tẹ, elemu ọḅọkụ mẹ sakị ḅụ tomi mịẹ asi ma ḅụ ịn ḅọrọmarị ye mẹ gotẹ.