Hiburu 8:5 - FỊAFỊA BAỊBỤLỤ

⁵ Karakara-ḅara-ḅụ, ini kọrịarị agbamịẹ kọrịnama mẹ anie papaa kẹ So-ḅio ḅẹ ye mẹ tọnma tẹ mịẹarị ye, ịrụa ḅịya ye sarama tẹ anị ḅẹ tẹmẹ tọn ḅara pembe ye. Anie Mozizi eneḅaka ḅụ sọ anị sime gbọrụ ḅara mẹ. Ori ọḅọkụ Akpụrụ-warị mẹ nama ḅẹ-yearị sakị, Tamụnọ ọ̀ ḅẹẹm, “Ẹrị mịnẹ í ye goyegoye kẹ tụndụ mẹ ọgọnọ ịn kẹ í ḍie ḅara mẹ ḍiki tẹ mịẹm.”

Hiburu 8:5 Iomraidhean Croise

1 Paka-aị 28:12

KỊNỊNYANAḄỌ ḅe warị mẹ ḅẹ ḅẹrẹkọn awarị ma sime ḅarị ḅara tẹ ò ḅioḅẹngbọ anị sime-ḅara mẹmgba na, arị ikelema-koro akala-ḅio mamgba na, Tamụnọ warị mẹ ḅẹ ye koko anga mamgba na, in mịẹ fịafịamatẹ sikima koroma ḍiepịrị-aị ma koko ḅẹ anga ma na sime ḅarị ḅara ḅẹ elekima sọ ọ̀ kẹ ọ̀ pịrịm.

1 Paka-aị 28:19

KỊNỊNYANAḄỌ ḅe anị gbolomaye ḅụ kẹẹ ye ḅụ ò mie mẹmgba mịẹ giregiremam, kọrị ḅẹ kọrịnama mẹmgba anị wẹrịtẹ tọn ḅara ḅụ sime ḅẹ ḅara.

Paka-so 25:40

Ẹrị mịnẹ arị wẹrịtẹ sime tẹ tụndụ mẹ ọgọnọ ḅụ à kẹ í ḍie ḅara mẹ mie ị́ kẹ arị tẹmẹ ḅarị ḅara.”

Paka-so 25:9

Fịafịa-yọ mẹ wẹrịtẹ nama ḅarị ḅara mẹmgba na, kẹ anị ḅio ḅirima ḅarị aị mamgba na tẹ à kẹ í ḍie ḅara mie ị́ kẹ anị mịẹ ḅarị ḅara.”

Paka-so 26:30

Anịsakị ị́ anị sime-ḅara mẹ tẹ tụndụ mẹ ọgọnọ à kẹ í ḍie ḅara mẹ kẹ Akpụrụ-warị mẹ nama sịẹma ḅa.

Paka-so 27:8

Í finjima-finjimatẹ ḍụḅọ apakịrị kẹ agbamịẹ-anga mẹ nama tẹ anị foo-foo ḅara sime ḅa, tụndụ mẹ ọgọnọ à kẹ í ḍie tẹ ḅara mẹ mie ị́ kẹ anị nama ḅarị ḅara.”

Kịẹn-aḅịḅị 8:4

Mị-ḅara mịẹ ịn kẹ tọnjọ-sịẹmaye mẹ kọrị ḅara; golu mịẹ ini amana kẹ ḅakụ-ḅakụ anị tẹmẹ ye, anị ḅẹ suku ḅụ saakị mu anị ḅẹ ọgọnọ-jụ in tẹmẹ anị ḅirima afịlawa la, anị anie amana kẹ ḅakụ kọrịnama. Anị ḅẹ sime-ḅara mẹ tẹ KỊNỊNYANAḄỌ ḅe kẹ Mozizi ḍie tẹ ḅara mẹ mịẹ ọ̀ kẹ tọnjọ-sịẹmaye mẹ mịẹ ḅara.

Matiyo 2:12

Anịtẹso in jen etela ḅụ ḅọrọ so ịna ama mum. Tamụnọ ḍawọ-jụ ḅụ ịna ḅeri nụnụ tẹ ẹrẹsị, mịnẹ ịn ḅarị pịkịma Ẹrọdị dama-mu ma.

Fịrịmẹnjịapụ 7:44

“Tamụnọ na wamịna atẹngịapụ ma na emi ye mẹ ḍie-pakama Akpụrụ-warị mẹ mie ini na sime ye ịkpa mẹ ḅio. Tamụnọ ḍuko Mozizi pịrị ḅara mie ịn pịkị kẹ anị nama ḅara, ọ̀ kẹ Mozizi ḍie gbọrụ ḅara mẹ.

Kọlọsị 2:17

Arị aị mamgba papaa tọrọkọ ḅo ḅarị aị ḅẹ tẹmẹ, tẹ ịrụa ḅịya ye sarama tẹ kiri ḅụ tọn-arị ye pembe aị ma; karakaramatẹ ye ḅẹ karakara mẹ anie Kịrayịsị.

Hiburu 10:1

Juu-ḅẹ-apụ Oloko mẹ, anị karakara aị ma kịka fama-a; ịn gbala ḅọrọ anị kẹ boowa kala ḅara kẹ ḅo ḅarị iḅi aị ma tọnmam. Kuno-a ḅara kẹ, kụra, kụra ḅụ ịn gbọrụ agba ḅara mịẹarị. Ndẹẹ mị-ḅara ḅụ Oloko mẹ inetẹ mịna agba ma ḅụ ḅọrọ tẹ Tamụnọ ḍọkụma-ḅoarị apụ ma mịẹ karakarama fama ḅẹ ḅara?

Hiburu 11:7

Minini mịẹtẹ Noha tọrọkọ-jụ ḅo ḅarị sakị ḅẹ aị, tẹ ori inetẹ ẹrị ḅịa aị ma ḅụ Tamụnọ kẹ ò ḅeri nụnụ ye mẹ naa ye. Ọ̀ nwẹnị Tamụnọ ḅịḅị poki, tẹ arụ ịkasị tẹ kẹ ọ̀ ḅụụ na ọ̀ warị-suku na ḅọrọma. Anị dogi-ḅo ye anie, tomikiri mẹ ḅẹrẹ-ḅarasii ḅụ sọm, tẹ Noha nwẹnị Tamụnọ ḅara ḅụ minini ḅụ ḅọrọ tẹ ḅo, ḅo karakara mịẹ mẹ nyana.

Hiburu 12:25

Ọkọẹrẹsị, ọmịnị ẹbịị, tẹ ḍụkụ tẹ ẹkwẹn ọ́ pịrịarị ḅọ ḅe poki-a sọma. Tomikiri ḅụ Tamụnọ oku mẹ ḍuko ḅọ ḅe poki ḍụkụ-a apụ ma ịn papaa ḅara kẹ ịn wẹrịso-a. Ọkọẹrẹsị, wamịnị sọ wẹrịtẹ pụkọ-paka ḅẹ gbọrụ kala ḅọkọ sọ ofori, wa ọḅụ pịkị So-ḅio sime tẹ ẹkwẹn wa pịrịarị ḅọ ḅe gbin kụma!

Hiburu 13:10

Agbamịẹapụ ma tẹ Juu-ḅẹ-apụ Tamụnọ tẹkẹ anga mẹ ḅụ fịrịmẹnjịapụ ma, ini wamịna agbamịẹ-anga mẹ ọgọnọ ḅẹ agbamịẹ-aị ma ḅụ ḅẹ gberie-sọ fị kụrọ nyana-a.

Hiburu 9:9

Miemẹ anie tọnma ye, tẹ anị ḅara-tụngbalị kẹ mị sakị mẹ tọkịmarị. Anị fiearị mịnẹ ḍiepịrị-aị ma na, nama agba ma na, tẹ ịn kẹ Tamụnọ pịrị tẹ aị ma inetẹ Tamụnọ tẹkẹarị apụ ma ḅioḅẹngbọ mịẹ iḅima fama-a,

Jọsụwa 22:28

Wa ḅiotọnm, tọrọkọ ḅo ḅarị sakị ḅụ ịn miemẹ kẹ wa ḅẹẹ ḅẹẹ, anịanịa kẹ wamịna aḅụụ paka-ḅo apụ ḅẹẹ ḅẹẹ, wa ḅẹẹ ḅa, ‘KỊNỊNYANAḄỌ ḅe agbamịẹ-anga mẹ sime-ḅara sime ye mẹ tẹ wamịna aḍapụ ma mịẹ ye mẹ, sime kẹ dọkịma-agba, anịanịa agba mịẹ pịrị-a, kụma kẹ wamịnị na, ọmịnị na ogboku ḅụ ogbo-sịẹye mịẹ.’

Mịẹfinji 15:5

Anịtẹso à nwẹnị So-ḅio ḅụ Tamụnọ-warị mẹ ẹrị, anị finji sara wararị, pịkị Tamụnọ anịanga Emi mẹ ḍie-pakamarị ye mẹ sọ ẹrị.