Hiburu 8:2 - FỊAFỊA BAỊBỤLỤ

² Fịafịa-tẹịn Yọ mẹ ḅụ mie ò sime tẹ Sịḅịda-Agbamịẹḅọ fịrị mẹ mẹnjịarị, karakara akpụrụ tẹkẹ-warị mẹ tẹ KỊNỊNYANAḄỌ ḅe ḅarana nama, tomḅọ nama-a ye mẹ ḅio.

Hiburu 8:2 Iomraidhean Croise

Paka-so 25:9

Fịafịa-yọ mẹ wẹrịtẹ nama ḅarị ḅara mẹmgba na, kẹ anị ḅio ḅirima ḅarị aị mamgba na tẹ à kẹ í ḍie ḅara mie ị́ kẹ anị mịẹ ḅarị ḅara.”

Paka-so 28:1

“Í iyimbere Erọnị na, ori owiapụ-awọmẹ Nadabụ na, Abihu na, Ẹlịyeza na, Itama na ọkị-ḅo ị́ ḅụụ kpekimaa, Izirẹlịapụ ma ḅụ. Ini agbamịẹapụ ḅara ḅụ fịrịmẹnjị ị̀ pịrị ḅa.

Paka-so 28:35

Erọnị anị sụa ḅa ọ̀ kọrịnama sakị ḅụ, anịsakị ọ̀ mẹnjị Fịafịa Yọ mẹ sọ KỊNỊNYANAḄỌ ḅe tọrọkọ muarị sakị ḅụ na, ọ̀ paka-ḅoarị sakị na ḅụ arị fie tẹ kịnị naa ḅa, anieofori ò ḅofa fịị.”

Paka-so 33:7

Mịọkụ Mozizi kobiri-ogbo mẹ ḅụ Akpụrụ-warị mẹ ḅelema tẹ pike, pikem ala-jụ ḅụ, tẹ anị sịnm Kobiri Akpụrụ-warị, anịsakị ḅẹḅọ-ḅẹḅọ tẹ KỊNỊNYANAḄỌ ḅe ḍọkị ḅọ, ḍọkị ḅọ paka Kobiri Akpụrụ-warị mẹ tẹ kobiri-ogbo mẹ ḅụ ḅele tẹ simearị ye mẹ mu ḅa.

Luku 24:44

Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Romu 15:8

À gbala mịẹ tẹ ó nimiarị mịnẹ Kịrayịsị ḅo kọn, kọrịnama kọrị ja apụ pịrị ḍumo mẹ, Juu-ḅẹ-apụ sịḅị mie ó gotẹ anị kọn ye, kẹ mịẹtẹ tomi ẹrị, mịnẹ Tamụnọ anie ḅioḅẹngbọ-kẹ-sịrẹrẹ-niḅi ḅọ; ọ̀ mịẹ tẹ ò minini ịna atẹngịapụ ma pịrị aị ma mịẹ tẹ aị sọ ḅẹ ḅara;

2 Kọrịntị 5:1

Wa nimi wararị mị tomikiri ḅụ wa angarị akpụrụ-warị mẹ, anie wamịna oju mẹ, ḅịkị sakị, Tamụnọ So-ḅio ḅẹ warị kẹ wa pịrị anga ḅa, ori ḅarana nama warị, tẹ sime gbamaso ḅarịye mẹ.

Kọlọsị 2:11

Kịrayịsị na gbọrụ ḅụ sime ḅụ ọ́ tarị-ḅụụ siinm, tomi sin-arị tarị-ḅụụ sin mẹ-a, kụma Kịrayịsị sin-arị tarị-ḅụụ sin mẹ ḅụ, anie ḅụ simearị ye anie, tomḅọ si sime-ḅara kụrọ mẹ kẹ mḅọ sọmarị ikoli mẹ ḅio paka-ḅo.

Hiburu 10:11

Juu-ḅẹ-apụ agbamịẹḅọ nwẹn sin ḅọ, sin ḅọ amịna afịrị mẹnjịarị, ene, ene ḅụ, tẹ tọnwa asakị kẹ gbọrụ agba ḅara mẹ mịẹarị; kụma mịna agba ma inetẹ gbala-gbala tomina asi sin-a.

Hiburu 10:21

Wa gbọrụ opu agbamịẹḅọ nyana wararị, tẹ Tamụnọ-warị mẹ ḅẹ kụrọ-ḅara ḅụ simearị ḅọ.

Hiburu 11:10

Kẹ gotẹ ọkọ ḍukoarị, Ebira-amụ ọ̀ Tamụnọ ḅarana tọn tẹ nama ama mẹ koru simem, anie sime gbamaso aḍụḅarị kẹ suku sakị ama mẹ.

Hiburu 9:1

Tarị Ọḅọkụ mẹ ịn kẹ Tamụnọ tẹkẹ ḅẹ ḅara na, in sime tẹ tẹkẹ ḅẹ anga na tọn koromam.

Mịẹfinji 21:3

À nwẹnị emine mẹ ọgọnọ lẹgị ḅọ ḅe gele pọkọ kẹ kọn ẹkwẹn naa, “Mịọkụ Tamụnọ ḅo tomina ogboku anga tẹẹ! Ori ini na sime ḅa, tẹ ini ori atomi sọ ḅa. Tamụnọ ḅarana ini na sime tẹ ịna Tamụnọ sọ ḅa.