Hiburu 8:13 - FỊAFỊA BAỊBỤLỤ

¹³ Ịwọ ọḅọkụ ḅẹrẹ ḍuko ḅụ, Tamụnọ tarị ye mẹ kẹ elemu ye mịẹ tẹ; anịsakị elemu tẹ ḅarị mịẹye ḅụ sọ-a ye goyegoye ḅarị sime tẹ kịnị ẹrị ḅịa.

Hiburu 8:13 Iomraidhean Croise

Ayịzaya 51:6

Ọ́ tọrụ saakị So ḍikii; ó kiri mẹ ḍikii! Kịnị ḅarị So mẹ ẹrị ḅịa, onwin kaan so ye ọkụ. Kiri mẹ elemutẹ kapa kịka tẹ sịkịrị-faa ḅa, tẹ tomi mamgba ọmọmọ kịka tẹ fịị sara ḅa. Kụma arị ọkị-ḅoarị ḍụa-ḅọrọma mẹ sime gbamaso ḅa; ì owu-ḅara-iḅi mẹ kunoma ye sọ ḅa.

Matiyo 24:35

So na Kiri na ḅọrọ so ḅa, kụma ị̀ ẹkwẹn ma gbala-gbala ḅọrọ so ḅịa gbamasom.

Luku 22:20

Anị gbọrụ ḅara ḅụ, in ye mẹ fị fama tẹso, ọ̀ mọngị mẹ kẹ ịn pịrị tẹ ḅẹẹm, “Mie Tamụnọ ịwọ ọḅọkụ mẹ tẹ ị̀ ọmbie mẹ mịẹ kụrọmarị ye mẹ, tẹ ọsụ-sara ọ́ pịrị ye mẹ.

1 Kọrịntị 13:8

Ḅẹlẹma sime gbamasom; Fịafịa Tẹmẹ ḅe tomina ḅioḅẹngbọ jike tẹ ịn kọn-arị ẹkwẹn ma emi, kụma arị sime gbamaso-a; kịrị aḅẹlẹ kẹ ẹkwẹn ḍiepịrị-aị emi, kụma arị kuno ḅa; ḍawọye ḍin emi, kụma anị ḅọrọ-so ḅa.

2 Kọrịntị 3:6

ori mie mịẹtẹ wa ịwọ ọḅọkụ mẹ ḅẹ fịrị mẹ mẹnjịarị, anie kẹẹ koro wararị Oloko ḅụ ofori ye mẹ, kụma Tẹmẹ ḅe ḅụ. Kẹẹ koro wararị Oloko mẹ fịị dogi-ḅoarị, kụma Tẹmẹ ḅe ḍumo pịrịarị.

2 Kọrịntị 5:17

Ḅẹḅọ-ḅẹḅọ tẹ Kịrayịsị na gboloma tẹ ḅọ, mḅọ ịwọ tomḅọ sọ tẹ; elemu ye mẹ ḅọrọ-so tẹ, ịwọ ye mẹ ḅo la tẹ.

Hiburu 1:11

Ini ịmaịn-faa ḅa, kụma Ị́yẹrị í sime ḅa; kapa sụa nwenii tẹ anị ḅuu tẹ kaan faa ḅara, anie inimgba faa ḅarị ḅara.

Hiburu 12:24

Ó ḅo Jizọsị la tẹẹ, anie ịwọ ọḅọkụ mẹ na, si-mịẹapụ asana ọmbie mẹ, tẹ kpọma iḅi Ebẹlị ọmbie nẹngị ye mẹ na tẹlẹma tẹ ḅọ ḅe.

Hiburu 7:22

Mie ḅụ, mị kịrị mẹ mịẹtẹ Jizọsị sịẹ iḅi jen nẹngị ọḅọkụ pịrị ḅọ sọ tẹ.

Hiburu 8:6

Kụma mịọkụ, Tamụnọ agbamịẹ fịrị kẹ Jizọsị pịrị tẹ, iḅi ịna nye nẹngị lama ye, anie pịkị Tamụnọ na tomi na ogboku ọ̀ tọn pakama ọḅọkụ mẹ sọ iḅi tarị ye mẹ nẹngị ḅara, anie iḅi tarị aị ma nẹngịm minini pịrị-aị ḅụ anị sịrẹrẹ wararị ẹrẹsị.

Hiburu 8:8

Kụma mị ẹkwẹn mẹ kọn sakị KỊNỊNYANA-TAMỤNỌ ḅe anị kẹ ori atomi ma si goarị, “KỊNỊNYANAḄỌ ḅe ḅẹẹarị, ene ma ḅoarị, arị ịwọ ọḅọkụ kẹ Izirẹlịapụ na, Juda ḅẹ atomi ma na fị ḅẹ sakị mẹ.

Hiburu 9:15

Miemẹ ẹrẹsị, Kịrayịsị ḅo ịwọ ọḅọkụ tọn-pakamaḅọ sọ tẹ, mịẹtẹ Tamụnọ sịn ḅụụ pịrị tẹ apụ ma sime gbamaso aboma ma, tẹ Tamụnọ minini tomi pịrị tẹ aị ma nyana ḅẹ ḅara. Miemẹ inetẹ mịẹ ḅa, Kịrayịsị fịị tẹ, elemu ọḅọkụ mẹ sakị ḅụ tomi mịẹ asi ma ḅụ ịn ḅọrọmarị ye mẹ gotẹ.