Hiburu 8:12 - FỊAFỊA BAỊBỤLỤ

¹² Àrị ịna asi wẹrịso ḅa, tẹ à ḅarị jen kẹ ịna amịẹ-irima ma kẹ ḅiokoroma ḅịa.”

Hiburu 8:12 Iomraidhean Croise

Devidi-Anume 25:7

Ị̀ asambịrịma sakị ḅẹ asi ma na mịẹ-irima aị ma na wẹrịso ị̀ pịrị; KỊNỊNYANAḄỌ, í kuno-a ḅẹlẹma mẹ na í iḅi na ḅụ, ị̀ kẹ ḅiokoromaa!

Devidi-Anume 65:3

ịna asi gotẹ. Wamịna amịẹ-kọn ma wa nẹngịmarị, kụma arị wẹrịso wa pịrịarị.

Ayịzaya 43:25

Tẹ anịsọ, yẹrị anie ị́ asi wẹrịsoarị Tamụnọ ḅe, Yẹrị anie yẹrị ẹrẹsị mie à gotẹ mie mịẹarị. Arị ị́ asi kẹ ị́ ọgọnọ gbana ḅịa.

Ayịzaya 44:22

Oḅuto So-tọrụ kaan-so ḅara arị ị́ asi ma ọfịn siin tẹ. Pịkị ị̀ ḍọkụma-ḅoo; yẹrị anie ị́ ḅọrọmarị ḅọ ḅee.”

Jerimaya 31:34

Ịna ḅụ gbọrụḅọ-sọ mḅọ pembema Izirẹlị ḅẹ ḅọ toluma ḅịa mḅọ KỊNỊNYANAḄỌ ḅe nimi, inimgba ì nimi ḅa ẹrẹsị, iderima-tẹịn ḅọ ḅụ ọkị mu geletẹịn ḅọ la. Arị ịna asi wẹrịso ịn pịrị tẹ ḅarị jen kẹ ịna mịẹ-irima ma kẹ ḅiokoroma ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 33:8

Arị ịn mịẹ fịafịama ḅa ịn kẹ ị̀ mịẹ asi ma ḅụ, tẹ arị ịna asi na kọngọ-kụrọma ị̀ pịrị mẹ na wẹrịso ịn pịrị ḅa.

Jerimaya 50:20

Anị sakị mẹ ḅụ, Izirẹlị ḅụ si paka ḅịa, tẹ si-sịḅịḅio sọ paka ḅịa Juda ḅụ, kẹ gotẹ ọkọ ḍukoarị, à ḍumo fama-a so apụ ma si à wẹrịso ḅa. Yẹrị, KỊNỊNYANAḄỌ ḅe ọkọ ḅẹẹm.”

Mayịka 7:18

Yei KỊNỊNYANAḄỌ, ị́ kịka jen tamụnọ ofori; ị́ atomi ma ḅụ fịị-a tẹ ḍumo apụ ma, í si-wẹrịso ịn pịrị famam. Ị́ ịganị ḅụ sime gbamaso-a; kụma í jike-a ḅẹlẹma kẹ wa ḍie mẹ, ị́ ḅụụ-ḅẹlẹ ye sọm.

Mayịka 7:19

Ị́ ọkụrụkụrụ mẹ pịkị siin gbọrụ sakị kẹ sime wa pịrị ḅa. Ị́ wamịna asi nanga ḅa ị́ ḅụọ-suku ḅụ, tẹ arịmgba kẹ tọrụ mẹ ḅẹ owolo ḅio wakị nguma ḅa!

Romu 11:27

Tẹ àrị ịna asi ma saakị-siin sakị, àrị ini na mị ọḅọkụ mẹ fịị ḅa.”

Ẹfisọsị 1:7

Kẹ gotẹ ọkọ ḍukoarị, Kịrayịsị fịị mie ọ̀ kẹ si omoni ḅara-ḅio wa pakama-ḅo tẹ si mẹ wẹrịso wa pịrị yee. Tamụnọ ḍiki-ḅụụjịrị mẹ ḍụḅa la ḅara ḍikii,

Kọlọsị 1:14

ḅụụ ḅụ wa ḅọrọ tẹ pakịrị-ḅo nyana ḅọ ḅe, anie wamịna asi ma wẹrịso wa pịrị mẹ.

Mịẹfinji 1:5

pịkị Jizọsị Kịrayịsị, ḅẹrẹ paka ḅara ngẹrị kẹ ḅẹrẹ ḍukoarị ḅọ ḅe, fị-ḅụ-saakị apụ ma ḅẹ tarị ḅọ ḅe, tẹ pịkị ḅẹrẹtọn tomikiri ḅẹ amadapụ ma pịrịarị ḅọ ḅe na ḅara ḅụ ḅo ye sime ọ́ pịrịị. Ori ḅe anie wa ḅẹlẹmarị tẹ amịna fịị kẹ wamịna asi ḅụ wa fima ḅọ ḅe,