Hiburu 8:11 - FỊAFỊA BAỊBỤLỤ

¹¹ Ịna ḅụ gbọrụḅọ-sọ amịna ama ḅẹ ḅọ toluma ḅịa, anịanịa mḅọ na gbọrụ sịẹ ḅẹ ḅọ ḅẹẹ, ‘KỊNỊNYANAḄỌ ḅe nimii.’ Kẹ gotẹ ọkọ ḍukoarị, inimgba ì nimi ḅa, iderima tẹịnḅọ ḅụ saakị mu opu sọ tẹịnḅọ la.

Hiburu 8:11 Iomraidhean Croise

1 Paka-aị 28:9

“Anịsakị ị́yẹrị ị̀ owiḅọtụḅọ, Sọlọmọnị, ị́ aḍapụ Tamụnọ ḅe nimii, tẹ í bebe ḅioḅẹngbọ na mịẹ pọkọ-tarị kuroma kẹ fịrịmẹnjị ọ̀ pịrịị; kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹngbọ mamgba ḍọkị ḍikiarị, tẹ ḅioḅẹngbọ ḅụ tọn tẹ mịẹ ḅẹ ye goyegoye fie ye naarị. Ị́ ọ̀ sịkị-sịkị, ori ị́ kẹ gbin nguma gbamaso ḅa.

2 Paka-aị 30:22

Hẹzịkaya nwẹnị ḅiokpọma ḅara kẹ ẹkwẹn Livayị furo-ḅẹ-apụ mamgba tẹ ẹkwẹn KỊNỊNYANAḄỌ ḅe fịrị mẹ ḅụ iḅiye mịẹ ḍin ḍie-pakama apụ ma pịrị. Anieḅụ tomi ma sọnọma aḍin kẹ Alalị mẹ ḅẹ fịye mẹ fịm, dein-pịrị-agba mịẹm, pịkị ịmịẹtẹ kẹ KỊNỊNYANAḄỌ ịna aḍapụ ma Tamụnọ ḅe ḅẹẹm.

Ẹzịra 7:25

Anịsakị ị́yẹrị Ẹzịra, ị́ Tamụnọ ḅe nimi mẹ tẹ ị́ ḅụụ ḅụ simearị ye mẹ la ḅara ḅụ, ḅẹrẹtọn-apụ tẹ ị́ Tamụnọ ḅe oloko ma wẹrịtẹ sime-ḅara nimi apụ tọn, inima tẹ Tọrụ ọgọnọ ḅẹ itu mẹ ḅẹ atomi mamgba kọn ḅarị apụ, anịsakị oloko ma nimi-a apụ ma ị́ kẹ in toluma ḅa.

Ayịzaya 2:3

tẹ ịna atomi ḅẹẹ ḅa, “Ó yee wa KỊNỊNYANAḄỌ ḅe tụndụ mẹ kpọlị iwo mu Izirẹlịapụ tẹkẹarị Tamụnọ ḅe Warị mẹ la. Ori ò ḅiiarị wa mịẹ ḅẹ ye kẹ wa toluma ḅa; wa ori sẹlẹ-ọkị tẹ etela mẹ ḅụ mẹnjị ḅa. KỊNỊNYANAḄỌ ḅe tolumaye mẹ Jeruselemu ḅụ paka-ḅoarị ẹrẹsị; Zayọnị mie ò sime tẹ ẹkwẹn ori atomi pịrịarị.”

Ayịzaya 54:13

Yẹrị ḅarana ye kẹ í atomi toluma ḅa, tẹ lọkọlọkọ na dein na kẹ ịn pịrị ḅa.

Jerimaya 24:7

Àrị ịn kẹ ì nimi ḍọkị ḅẹ tẹmẹ kẹ ịn pịrị ḅa, mịnẹ yẹrị anie KỊNỊNYANAḄỌ ḅee. Ini ị̀ atomi sọ ḅa, tẹ yẹrị ịna Tamụnọ sọ ḅa, ini ịna ḅioḅẹngbọ mẹmgba kẹ pịkị ị̀ dama-ḅo ḅa ẹrẹsị.

Jerimaya 31:34

Ịna ḅụ gbọrụḅọ-sọ mḅọ pembema Izirẹlị ḅẹ ḅọ toluma ḅịa mḅọ KỊNỊNYANAḄỌ ḅe nimi, inimgba ì nimi ḅa ẹrẹsị, iderima-tẹịn ḅọ ḅụ ọkị mu geletẹịn ḅọ la. Arị ịna asi wẹrịso ịn pịrị tẹ ḅarị jen kẹ ịna mịẹ-irima ma kẹ ḅiokoroma ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 42:1

Anịtẹso ọmụ-sịḅịdapụ mamgba — Johananị, Kariya tụḅọ na; Azaraya, Hosaya tụḅọ na sọ ịna ḅụ simem — nwẹnị tomi ma ḅẹ opu-apụ na kala-apụ na kẹ ị̀ dama-ḅo

Jerimaya 42:8

mie ḅụ à Johananị na, ọmụ sịḅịdapụ mamgba na, osi apụ mamgba na sịn kobirim.

Jerimaya 44:12

Juda ḅẹ apụ tẹ kirikọn-apụ ma kịngẹ kụma, tẹ ịn mu Ijiputi ḅụ anga-anga-a ịgbanịarị apụ ma, arị ẹrị ḅa mịnẹ inimgba gulugulu-faam. Inimgba, opu na kala na, Ijiputi ḅụ fịị ḅa, anị ḅọrọ ọmụ ḅio-o, anịanịa ḅuru-ḅa ḅụ sọ. Ịn sịḅị-kanakanama ye sọ ḅa ḍiki-tọrụ ḅụ; tomi ịn ḍiki-iderima ḅara kẹ ini na mịẹ ḅa tẹ ịna ẹrẹ kẹ ye karị ḅa.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Izikẹlị 34:30

Ḅẹḅọ-ḅẹḅọ nimi ḅa mịnẹ yẹrị Izirẹlị gbaịn-arị, anịsakị ini pịkị ị̀ atomii. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Habakọkụ 2:14

Kụma KỊNỊNYANAḄỌ ḅe ebube mẹ tomikiri mẹ ḅin ḅa minji abajị ma ḅio ḅin ḅara.

Jọnị 6:45

Ịkịankoro apụ ma kẹẹm, ‘Tamụnọ ye kẹ ḅẹḅọ-ḅẹḅọ toluma ḅa.’ Ḍaḅọ ḅe ḍukoarị ye naa tẹ ọ̀ ḅara ye ḍawọarịḅọ mie ị̀ ḍọkụma-ḅoarị ḅọ.

Fịrịmẹnjịapụ 8:10

Tẹ opu ama mẹ ḅio sime-ḅọ sime-ḅọ, opu-o, kala-o, inimgba ọ̀ kẹ ye-sịn lamam. Ini mẹẹ, “Ḅieḅe anie Tamụnọ kụrọ tẹ ini ‘Opu Kụrọ’ kẹ sịn-arị ye mẹ.”

1 Jọnị 2:27

Ọmịnị kịngẹ kụma, Kịrayịsị ọ̀ Tẹmẹ ḅe kẹ ọmịna ọgọnọ ọsụma sara tẹ. Ọ̀ Tẹmẹ ḅe ọmịna ḅụụ ḅio emi sakị goyegoye, ò ḅii ḅịa kịnị ye kẹ ó toluma. Kẹ gotẹ ọkọ ḍukoarị, ọ̀ Tẹmẹ ḅe ye goyegoye kẹ ó tolumarị, anịsakị ò tolumarị ye mẹ karakaram, iruo ye ofori. Ọ́ Fịafịa Tẹmẹ ḅe tolumarị ye mẹ mịẹ, tẹ Kịrayịsị na gbọrụ ḅụ simee.

1 Jọnị 5:20

Wa karakara ḅara kẹ Tamụnọ nimi ḅẹ ẹrẹsị Tamụnọ Tụḅọ ḅe ḅo tẹ ò gboloma nimi mẹ kẹ wa pịrịm. Mịọkụ wa Tamụnọ na pịkị ọ̀ Tụḅọ Jizọsị Kịrayịsị ḅe na gbọrụ ḅụ angarị. Mị karakara ḅara mẹ kẹ Tamụnọ nimi mẹ anie pịkị sime gbamaso ḍumo mẹ.