Hiburu 8:1 - FỊAFỊA BAỊBỤLỤ

¹ Wa ḍukoarị aị ma ḅẹ sịḅị anie, wa ọkọ sime gbọrụ Sịḅịda-Agbamịẹḅọ nyana wararị, tẹ So-ḅio simearị Opu Tamụnọ ḅe emine mẹ ḅẹ ama-ḅara anga lẹgị wararị.

Hiburu 8:1 Iomraidhean Croise

1 Paka-aị 29:11

Yei KỊNỊNYANAḄỌ gburo-gburo mẹ na, kụrọ mẹ na, ebube mẹ na, owu-ḅara-iḅi mẹ na, opu mẹ na í nyee; So ma ḅio na Kiri mẹ ḅio na simearị aị mamgba ị́ aị; ama-da mẹ í nyee, Yei KỊNỊNYANAḄỌ, anịsakị ị́yẹrị anie sịḅịdaḅọ tẹ saakị gele inweni-mgba nẹngị wararị ḅọ.

Jobu 37:22

Ọgọnọ-jụ mẹ ḅụ mie golu-golu iḅi ebube mẹ paka ḅoarị; Tamụnọ tẹmẹ-naịn-naịnma na-iḅi ama-da opu kẹ ọ̀ ḅụụ gbaịn wararị. Elihu piki ḅẹẹm:

Devidi-Anume 104:1

Ị̀ tẹmẹ, KỊNỊNYANAḄỌ ḅe tokinii! Yei KỊNỊNYANAḄỌ, ị̀ Tamụnọ, ị́ kpọma ḍụḅa ḅara ḍiki! Ị́ ḅaka na ebube na kẹ kapa sọma tẹ sụa wararị;

Devidi-Anume 110:1

KỊNỊNYANAḄỌ ḅe ị̀ nyana amadaḅọ ḅe ḅẹẹm, “Mịanga ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ gbana ye mịẹ sakị la.”

Devidi-Anume 145:12

mịẹ tẹ ḅẹḅọ-ḅẹḅọ í opu kụrọtẹ amịẹaị ma nimi pịkị ị́ ama-da kiri mẹ ḅẹ ebube na ḅaka na sọ.

Devidi-Anume 21:5

Ị́ ḅarasụa gotẹ ori opu ebube nyanam: ereso na tọrụ-ḅaa opu na ị́ nwẹn kẹ ọ̀ pịrị tẹ.

Ayịzaya 24:14

Fịị-a so apụ nume su, su ḍereku ḅa. Ịrụa-ideriarị-anga anga sime apụ ḍuko ḅa KỊNỊNYANAḄỌ ḅe ḍụḅa la ḅara,

Mayịka 5:4

Ò ḅo sakị, KỊNỊNYANAḄỌ ḅe ịnyọ mẹ ḅụ, KỊNỊNYANAḄỌ ọ̀ Tamụnọ ḅe ẹrẹ mẹ ḅẹ ama-da opu mẹ ḅụ, ọ̀ sịẹ sime tẹ ḅẹrẹtọn ori atomi pịrị ḅa. Anịsakị mị sakị mẹ, ò gburo-gburo mu tomikiri mẹ ḅẹ akunoma ma la ḅa, tẹ ori atomi kpaịn tẹ gberie-sọ ḅụụ la-a ḅara kẹ anga ḅa.

Makị 16:19

KỊNỊNYANAḄỌ Jizọsị ḅe ini na ẹkwẹn fama tẹso, Tamụnọ ori ọkị iwo so mu tẹ ori ori ama-ḅara anga lẹgịm.

Ẹfisọsị 6:20

Mị iḅi-oku mẹ sịḅị ẹrẹsị àrị amanyanaḅọ ẹrẹ ḅụ jen sịẹ mu ḅọ sọ wararị, karakaraye mịọkụ ikoli-warị ḅio arị emi ḅẹsọ. Ọ́ tẹkẹ ị̀ pịrị mịnẹ à ḅiokpọ tẹ iḅi-oku mẹ ḅẹ ẹkwẹn kọn, à mịẹ na-iḅi ḅara ḅụ.

Kọlọsị 3:1

Tamụnọ ọ́ kẹ Kịrayịsị na sụa saakịma ḍumo ḅụ suu tẹ, mie ḅụ, ọmịnị ọmịna aḅioḅẹngbọ kẹ So-ḅio simearị aị ḅụ gbanaa, anie Kịrayịsị amịna emine kẹ Tamụnọ ama-ḅara anga lẹgị wararị anga mẹ.

Hiburu 1:13

Jene-jene, Tamụnọ amụ ori enjẹlị ma ḅẹ gbọrụḅọ-sọ ḅẹẹ-a: “Mịanga lẹgị ị̀ ama-ḅara anga, nwenii à si kẹ ị́ tọn apụ ma kẹ ị́ aḅụọ gbana ịkasiye sọma.”

Hiburu 1:3

Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.

Hiburu 10:12

Anị sime-ḅara, sime-ḅara sọ, Kịrayịsị si gotẹ mịẹ gbọrụ agba mẹ, anị kụrọ nyana mu ḅẹẹ-sakị ḅẹẹ-sakị laarị, anịtẹso ọ̀ nwẹnị Tamụnọ ama-ḅara anga lẹgị-sime.

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

Hiburu 2:17

Miemẹ fiearị ye anie ḅọkọ, ḅọkọ mamgba ḅụ ori ori amịnapụ ma na kịka fama ḅẹm, mịẹtẹ ò ḅioḅẹngbọ-kẹ-sịrẹrẹ-niḅi tẹ pịkị ọkụrụkụrụ nyana wararị Sịḅịda-Agbamịẹḅọ sọ ḅẹ ḅara, Tamụnọ fịrị mẹ ḅụ, mịẹtẹ Tamụnọ tomina asi wẹrịso ḅarị ḅara.

Hiburu 3:1

Kịrayịsị ḅụ ị̀ amịnapụ, tẹ Tamụnọ kẹ wamịnị na sụa sịn apụ! Ó Jizọsị, Tamụnọ kẹ fịrịmaḅọ ḅe tẹ wa ḍuko pakamarị minini oku mẹ ḅẹ Sịḅịda-Agbamịẹḅọ sọma ḅọ ḅe, kẹ ḅiokoromaa.

Hiburu 4:14

Ọkọẹrẹsị, ó yee wa kụrọma wa ḍuko finjiarị mininiye mẹ ọlọ sịẹma. Kẹ gotẹ ọkọ ḍukoarị, wa gbọrụ opu Sịḅịda-Agbamịẹḅọ nyana wararị, tẹ tolu-ḅọrọ mu gbọrsịḅị Tamụnọ tọrọkọ la tẹ ḅọ, Jizọsị, Tamụnọ Tụḅọ ḅe.

Mịẹfinji 3:21

Owu-ḅara-iḅi nyana apụ ma à kụrọ kẹ ịn pịrị tẹ ini ị̀ na palịa ḅa ì emine ọgọnọ ḅụ, anie yẹrị sọ owu-ḅara-iḅi nyana tẹ mịọkụ ị̀ Ḍa na palịa wararị ḅara, ori emine ọgọnọ ḅụ.