Hiburu 7:9 - FỊAFỊA BAỊBỤLỤ

⁹ Tẹ anị sime-ḅara ḅụ, Ebira-amụ ye kẹ oyia akiri ḍiya ḅẹ gbọrụ kiri mẹ gbẹẹ sakị, Livayị (ó furo-ḅẹ-apụ ye kẹ oyia akiri ḍiya ḅẹ gbọrụ kiri da ḅọ ḅe) sọ anị gbẹẹm.

Hiburu 7:9 Iomraidhean Croise

Suku-saakị 14:20

Tẹ Ebiramụ ye goyegoye ḅụ, oyia akiri ḍiya ḅẹ gbọrụ kiri kẹ Mẹlịkizẹdẹkị pịrịm.

Matiyo 7:8

Kẹ gotẹ ọkọ ḅẹẹarị, ḅiiḅọ-ḅiiḅọ nyana ḅa, tẹ ḍọkịḅọ-ḍọkịḅọ pịkị ḍọkị-ẹrị ḅa, anịsakị ḅọkọ mẹ pịkị finji ḅakụarị ḅọ pịrị ḅa.

Romu 5:12

Si gbọrụ tomḅọ ḅụ ḅọrọ ḅo tomikiri sọ tẹ fịị dogi-ḅom. Mị-ḅara ḅụ ḅẹḅọ-ḅẹḅọ si mịẹ tẹ ẹrẹsị, fịị bebe tomikiri mẹ kana-koro tẹ.

Ditẹrọnọmị 26:12

Tẹra akụra karama kụra mẹ, anie nyana aị kẹ oyia akiri ḍiya tẹ gbọrụ kiri gbẹẹ kụra mẹ ḅụ, ọmịnị ọ́ mịẹ pakama-ḅo aị mamgba kẹ oyia akiri ḍiya tẹ anị ḅụ gbọrụ kiri kẹ Livayị furo-ḅẹ-apụ ma na, jen sịẹ ḅẹ igoniapụ ma na, ḍapụ-na-iyingiapụ-na-fịtẹ-awọmẹ ma na, diapụ-fịtẹ-ereme ma na pịrịị, mịẹtẹ ini ọmịna ama ma ḅio inetẹ sime tẹ fị furo ḅinma ḅẹ ḅara,

Hiburu 7:10

Kẹ gotẹ ọkọ ḅẹẹarị, anị sakị Livayị amụ iyi-a sọ, kẹ ye ḍuko, ḍuko ḅara ḅụ, ori ori atẹngịḅọ Ebira-amụ ḅe oju ḅio simem, Mẹlịkizẹdẹkị ḅe Ebira-amụ na donia sakị.

Hiburu 7:4

Mie ḅụ, ọmịnị ori opu la ḅara ẹrị tẹ. Ebira-amụ wamịna atẹngịḅọ ḅe, tẹ kịnị ẹrẹ naa tẹ ḅọ ḅe, ọmụ ḅụ ọ̀ fọịn ḅo aị kẹ oyia akiri ḍiya ḅẹ gbọrụ kiri kẹ ọ̀ pịrịm.

Hiburu 7:8

Gbọrụ pakịrị anga ḅụ ḍiki kụma, agbamịẹapụ ma tẹ ye kẹ oyia akiri ḍiya ḅẹ gbọrụ kiri ọkị apụ ma anie fịị, fịị atomi, Mẹlịkizẹdẹkị pakịrị anga kụma ye kẹ oyia akiri ḍiya ḅẹ gbọrụ kiri mẹ ọkị ḅọ ḅe anie fịị, fịị-a ḅọ, anie Fịafịa Ḍiri mẹ ḅẹẹarị ḅara.