Hiburu 7:3 - FỊAFỊA BAỊBỤLỤ

³ Mẹlịkizẹdẹkị ḅe ọ̀ ḍa, anịanịa ò iyingi, anịanịa ọ̀ paka-furo ḅẹ gbọrụḅọ-sọ gbolomaye kẹẹ koro anga ofori; ori ḅẹ iyi, anịanịa fịị, gbolomaye sọ ḍiri ḅio ofori. Ọ̀ kịkarị ḅọ anie Tamụnọ Tụḅọ ḅee, ori agbamịẹḅọ sọ gbamasom.

Hiburu 7:3 Iomraidhean Croise

Paka-so 6:18

Kohatị owiapụ-awọmẹ ma anie; Amụramụ na, Izarị na, Hẹbụrọnị na pịkị Uziyẹlị na. Kohatị ḍumo ḅụ ọ̀ sịḅị ḅọrọ akụra anie: Kụra sonioa asi oyi finji na tẹra akụra na (133).

Kịẹn-aḅịḅị 1:18

tẹ maaịn karama akalụ mẹ ḅẹ tarị eneḅaka mẹ ḅụ bebe tomina-ogbo mẹ sịn kobiri gbolomam, inima tẹ si kụra sịḅị ḅụ ḅọrọtẹ apụ ḅụ ọkị iwo ḅụ, furo-furo na, ḍa warị-warị na ḅụ ịn wẹrịtẹ sịḅị-sịḅị ḅụ ịna ẹrẹ ma sụa ḅara ḅụ.

Matiyo 4:3

Anịtẹso Ekwesu ḅe nwẹnị ọ̀ dama-ḅo tẹ ọ̀ ḅẹẹ, “Ị́yẹrị kọkọ Tamụnọ Tụḅọ. Tọn mịna ḍụḅarị apakịrị ma pịrị tẹ arị fịturu kpo kpo sọ.”

Hiburu 4:14

Ọkọẹrẹsị, ó yee wa kụrọma wa ḍuko finjiarị mininiye mẹ ọlọ sịẹma. Kẹ gotẹ ọkọ ḍukoarị, wa gbọrụ opu Sịḅịda-Agbamịẹḅọ nyana wararị, tẹ tolu-ḅọrọ mu gbọrsịḅị Tamụnọ tọrọkọ la tẹ ḅọ, Jizọsị, Tamụnọ Tụḅọ ḅe.

Hiburu 7:1

Ḅị Mẹlịkizẹdẹkị ḅe anie Salẹmụ ḅẹ amadaḅọ, tẹ pịkị Geletẹịn Tamụnọ ḅe agbamịẹḅọ. Ebira-amụ ori inia amadapụ nẹngịma ọmụ mẹ ḅụ pịkị-ḅoarị ogbo, Mẹlịkizẹdẹkị ori na donia tẹ ò bomam,

Hiburu 7:17

Kẹ gotẹ ọkọ ḍukoarị Fịafịa Ḍiri mẹ ḅẹẹarị, “Ị́ agbamịẹḅọ sọ gbamaso ḅa, Mẹlịkizẹdẹkị agbamịẹ ọrụ sime-ḅara.”

Hiburu 7:2

tẹ Ebira-amụ nwẹnị ọmụ mẹ ḅụ ọ̀ fọịn ḅo aị mamgba kẹ oyia akiri ḍiya ḅẹ gbọrụ kiri kẹ ọ̀ pịrị. (Tarị ye Mẹlịkizẹdẹkị ẹrẹ mẹ fiearị ye anie “Karakara mịẹ Amadaḅọ”, tẹ ori Salẹmụ ḅẹ amadaḅọ ẹrẹsị ori ẹrẹ mẹ pịkị fiearị ye anie “Dein Amadaḅọ.”)

Hiburu 7:6

Mẹlịkizẹdẹkị ḅe Livayị furo ḅụ ọ̀ paka-a, kụma ori Ebira-amụ ḅara ḅụ ye kẹ oyia akiri ḍiya ḅẹ gbọrụ kiri ọkị tẹ ò bomam, anie Tamụnọ minini aị ma daa-ọkị tẹ tomḅọ ḅe.