Hiburu 7:2 - FỊAFỊA BAỊBỤLỤ

² tẹ Ebira-amụ nwẹnị ọmụ mẹ ḅụ ọ̀ fọịn ḅo aị mamgba kẹ oyia akiri ḍiya ḅẹ gbọrụ kiri kẹ ọ̀ pịrị. (Tarị ye Mẹlịkizẹdẹkị ẹrẹ mẹ fiearị ye anie “Karakara mịẹ Amadaḅọ”, tẹ ori Salẹmụ ḅẹ amadaḅọ ẹrẹsị ori ẹrẹ mẹ pịkị fiearị ye anie “Dein Amadaḅọ.”)

Hiburu 7:2 Iomraidhean Croise

Suku-saakị 28:22

anịsakị mị ḍụḅarị mẹ tẹ à saakị ogbo da ḅeriye ḅara sịẹma ye mẹ, Tamụnọ warị sọ ḅa, tẹ ḅẹẹye-ḅẹẹye tẹ ị́ kẹ ị̀ pịrị ḅarị aị mamgba à kẹ oyia akiri ḍiya ḅa tẹ gbọrụ kiri kẹ ị́ pịrị ḅa.”

2 Samụẹlị 23:3

Izirẹlị ḅẹ Tamụnọ ḅe ẹkwẹn tẹ, Izirẹlị Ịkụ ḅe ị̀ ḅẹẹ tẹ: gbọrụḅọ karakara ḅara kẹ ḅẹrẹtọn tomi pịrị sakị goyegoye, tẹ Tamụnọ mangịma ḅụ ḅẹrẹtọn-arị ḅẹḅẹ,

2 Samụẹlị 8:15

Anieḅụ Devidi ama-da Izirẹlị mẹmgba pịrịm; tẹ Devidi karakara ḅẹrẹtọn na, kịnị na-iḅi ḅẹ ḅara kẹ ḅẹrẹtọn tomi mamgba pịrịm.

1 Paka-aị 22:9

Kụma ị́ gbọrụ owiḅọtụḅọ iyi ḅa. Ò dein tomḅọ sọ ḅa, tẹ ori na fịya-a apụ mamgba ikelema-koro ḅụ à dein kẹ ọ̀ pịrị ḅa; ịn kẹ ọ̀ sịn ḅarị ẹrẹ Sọlọmọnị, anịsakị à dein na gbene na kẹ ori ene ma ḅụ Izirẹlị pịrị ḅa.

Devidi-Anume 72:7

Yee ori ama-daarị sakị mẹ ḅụ karakara mịẹ ama mẹ ḅio kama, tẹ lọkọlọkọ pịkị sime akalụ mẹ ḅịya mu la sakị, la sakị la.

Lẹvitikọsị 27:32

Ọmịnị ọmịna anama ma na, nambulo ma na, anana ma na, oḅori ma na kịẹn sakị goyegoye, oyi ḅụ gberie fịafịa ḅara sime KỊNỊNYANAḄỌ ḅe pịrị ḅa.

Mayịka 5:5

Tẹ ò dein kẹ ḅo tomikiri mẹ pịrị ḅa. Asiriya ḅẹ apụ ḅo wamịna opu sịẹ gbaịn, tẹ wa kikima onu mẹ kan sakị, wa wamịna kụrọ tẹịn tọrọkọ-tarịapụ ma fịrịma mu inina owu sọ ḅa.

Kịẹn-aḅịḅị 18:21

“Izirẹlịapụ ma ịn nyana aị kẹ oyia akiri ḍiya tẹ kẹ ị̀ pịrị gbọrụ kiri goyegoye, à kẹ ḍuu ḅụ Livayị furo-ḅẹ-apụ ma pịrị tẹẹ, ịna fịrị mẹ tẹ Kobiri Akpụrụ-warị mẹ ḅio ịn mẹnjịarị ye mẹ gotẹ.

Matiyo 1:23

“Ḅụụ-gboloa iriawọ-tụḅọ fura tẹ owiḅọtụḅọ iyi ḅa, tẹ ịn kẹ ọ̀ sịn ḅarị ẹrẹ Ịmanụwẹlị” (anie fiearị, “Tamụnọ wamịnị na emi”).

Luku 2:14

“Ebube sime Tamụnọ pịrị geletẹịn so mẹ ḅio, tẹ dein tomikiri sime ịna mịẹye ọ̀ ḅụụ-ḅẹlẹarị apụ ma pịrịị!”

Romu 3:26

Ò gotẹ miemẹ mịẹ ye, kẹ ọ̀ karakara mịẹ mẹ ḍie-pakama mị sakị mẹ ḅụ, mie ḅụ ọ̀ karakara mịẹḅọ sọ tẹ, ọ̀ pịkị Jizọsị ḅụụ minini nyana tomḅọ mẹ sọ kẹ karakara mịẹ ḅọ sọma tẹ.

Hiburu 7:1

Ḅị Mẹlịkizẹdẹkị ḅe anie Salẹmụ ḅẹ amadaḅọ, tẹ pịkị Geletẹịn Tamụnọ ḅe agbamịẹḅọ. Ebira-amụ ori inia amadapụ nẹngịma ọmụ mẹ ḅụ pịkị-ḅoarị ogbo, Mẹlịkizẹdẹkị ori na donia tẹ ò bomam,

Hiburu 7:3

Mẹlịkizẹdẹkị ḅe ọ̀ ḍa, anịanịa ò iyingi, anịanịa ọ̀ paka-furo ḅẹ gbọrụḅọ-sọ gbolomaye kẹẹ koro anga ofori; ori ḅẹ iyi, anịanịa fịị, gbolomaye sọ ḍiri ḅio ofori. Ọ̀ kịkarị ḅọ anie Tamụnọ Tụḅọ ḅee, ori agbamịẹḅọ sọ gbamasom.

1 Samụẹlị 8:15

Ori ọmịna sịnmgbọlị na, kụrọ aḍụọ na kẹ oyia akiri ḍiya ḅẹ gbọrụ kiri mẹ ọkị tẹ anị kẹ ọ̀ fịrịmẹnjị-opuapụ na, ori afịrịmẹnjịapụ na pịrị ḅa.

1 Samụẹlị 8:17

Ori ọmịna anana-ogbo ma kẹ oyia akiri ḍiya ḅẹ gbọrụ kiri ọkị ḅa, tẹ ọmịnị ori omoniapụ sọ ḅa.