Hiburu 7:16 - FỊAFỊA BAỊBỤLỤ

¹⁶ Tomi ye kẹ ọrụtọn tọn ḅara na oloko na ḅụ ini ọ̀ kẹ agbamịẹḅọ sọma-a, kụma kuno, kuno-a ḍumo kụrọ ḅụ.

Hiburu 7:16 Iomraidhean Croise

Romu 7:14

Wa nimi wararị Oloko mẹ anie tẹmẹ ḅụ ḅẹ ye; kụma yẹrị meni-oju sụa tomḅọ, tẹ ịn kẹ si dẹrị tẹ ḅọ.

Galesiya 4:3

Mị gbọrụ ḅara ḅụ, wamịnị sọ omoni-sọ so na kiri na ḅụ ḅẹrẹtọn sime atẹmẹ ma pịrị ḅara, amụ wa tẹmẹ gboloma aị ḅụ ḍụḅa paka-ḅo-a sakị mẹ ḅụ.

Galesiya 4:9

Kụma mịọkụ ó ḅo Tamụnọ nimi tẹ ḅẹẹ sakị, anịanịa yee à ḅẹẹ, mịọkụ Tamụnọ ó nimi tẹ ḅẹẹ sakị, ó tiegotẹ pịkịma ịnyọ sọ nyana-a, sịḅị-jịrịma ḅara simearị tẹ ḅẹrẹtọn-arị nwẹn ḅẹẹ atẹmẹ ma dama-muarị? Ó tiegotẹ mu sin omoni-sọ ịn pịrị ḅẹ-ḅiiarị?

Kọlọsị 2:14

ọ̀ wamịna asaa ma tẹ wamịna ẹrẹ sima ḅụ kẹẹ koro sime aị ma, kan siinm, pịkị wa fịnama sime oloko ma sọ ọ̀ kẹ sụa kan sin tẹ gbọrsịḅị arị mịẹ famam, arị kẹ ẹngbẹsẹ-sịn mẹ ḅụ ḅakụ ḅụ.

Kọlọsị 2:20

Ọ́ Kịrayịsị na fịị tẹ mẹ mịẹtẹ so na kiri na ḅụ ḅẹrẹtọn-arị atẹmẹ ma ḅarị ọmịna ḅụ kụrọ nyana-a. Anị kụma, ó tiegotẹ sime tomikiri mẹ pịrị apụ ḅara kẹ ḍumo kọn-arị? Ó tiegotẹ ma oloko ma kokoarị mịnẹ,

Hiburu 10:1

Juu-ḅẹ-apụ Oloko mẹ, anị karakara aị ma kịka fama-a; ịn gbala ḅọrọ anị kẹ boowa kala ḅara kẹ ḅo ḅarị iḅi aị ma tọnmam. Kuno-a ḅara kẹ, kụra, kụra ḅụ ịn gbọrụ agba ḅara mịẹarị. Ndẹẹ mị-ḅara ḅụ Oloko mẹ inetẹ mịna agba ma ḅụ ḅọrọ tẹ Tamụnọ ḍọkụma-ḅoarị apụ ma mịẹ karakarama fama ḅẹ ḅara?

Hiburu 7:15

Ḅẹrẹ mẹ gbọrsịḅị giregire tarị ḅara mẹ nẹngịarị; ḅie kịrị agbamịẹḅọ ḅe tolu-paka tẹ, anie Mẹlịkizẹdẹkị kịkaḅọ ḅe.

Hiburu 7:17

Kẹ gotẹ ọkọ ḍukoarị Fịafịa Ḍiri mẹ ḅẹẹarị, “Ị́ agbamịẹḅọ sọ gbamaso ḅa, Mẹlịkizẹdẹkị agbamịẹ ọrụ sime-ḅara.”

Hiburu 7:21

Kụma Jizọsị ḅo agbamịẹḅọ sọ sakị, Tamụnọ karịm, “KỊNỊNYANAḄỌ ḅe karị tẹ à pịkị ì kuroma ḍima ḅịa: ‘Ị́ agbamịẹḅọ sọ gbamaso ḅa.’ ”

Hiburu 7:28

Mozizi Oloko mẹ la-a atomi tọn-arị ịn Sịḅịda-Agbamịẹapụ sọ; kụma Tamụnọ karị tẹ minini ye mẹ, anie Oloko mẹ ḅọrọ tẹrẹmẹ ḅo ye mẹ, Tụḅọ ḅe tọnm, anie Tamụnọ mịẹ tẹ laa gbamaso tẹ ḅọ ḅe.

Hiburu 7:3

Mẹlịkizẹdẹkị ḅe ọ̀ ḍa, anịanịa ò iyingi, anịanịa ọ̀ paka-furo ḅẹ gbọrụḅọ-sọ gbolomaye kẹẹ koro anga ofori; ori ḅẹ iyi, anịanịa fịị, gbolomaye sọ ḍiri ḅio ofori. Ọ̀ kịkarị ḅọ anie Tamụnọ Tụḅọ ḅee, ori agbamịẹḅọ sọ gbamasom.

Hiburu 9:14

Miemẹ karakara ye sakị goyegoye, Kịrayịsị ọmbie mẹ kpọma ọkọ nẹngị ḅara mịẹ tẹ! Sime gbamaso Tẹmẹ ḅe ḅụ mie ọ̀ ḅọrọ tẹ ọ̀ ḅụụ kẹ la tẹ agba mịẹ Tamụnọ pịrị ye. Ori ọmbie mẹ wamịna tẹmẹ aḅioḅẹngbọ ma sịkịrị fịafịama ḅa, ye ḅụ ofori amịẹaị ḅụ, mịẹtẹ wa fịrịmẹnjị ḍumo wararị Tamụnọ ḅe pịrị ḅẹ ḅara.

Mịẹfinji 1:18

Yẹrị anie ḍumo wararị ḅọ ḅe! À fịịm, kụma mịọkụ à ḍumo wararị, mu ḅẹ sakị ḅẹ sakị la. À kụrọ nyana wararị fịị ḅụ, pịkị Ḍuḅu ḅio ḅụ.