Hiburu 6:4 - FỊAFỊA BAỊBỤLỤ

⁴ Ndẹẹ tomḅọ inetẹ amịna mininiye sịkị tẹ apụ sịn pịkị-ḅo tẹ kẹ sin si ḅụ pịkị ḅụ suu ḅẹ ḅara? Ini ma gbọrụ sakị ḅụ ịn Tamụnọ bele mẹ ḅio simem, so ḍiepịrịye mẹ sọ ịn gbọn ḅẹlẹ lamam, tẹ pịkị Fịafịa Tẹmẹ ḅe ḅụ ịna ḍiekiri nyanam;

Hiburu 6:4 Iomraidhean Croise

Lẹvitikọsị 13:55

Anị sịkịrị tẹsọ, agbamịẹḅọ ḅe otito sọ ye mẹ pekele-ḍiki tẹ anị ḅịya sime tọrụ mẹ ḅụ anị wasama mu jen anga la-a sọ, anị ḍima-a ḅẹḅẹ, anị ye mẹ fịafịa-a; fịnị ḅio ḅụ ọmịnị anị kẹ sụa dọkịma ḅa, otito sọ anga mẹ ḅọrọ tọrọkọ-o, ọḅụjụ-o.

Lẹvitikọsị 14:43

“Ori otito sọ aḍụḅarị sin tẹ warị-anga ma kọrọrọ tẹ mịẹ miniminima tẹrẹmẹ jen otito pịkị sin paka-paka;

Kịẹn-aḅịḅị 24:3

tẹ ọ̀ nwẹnị ori ẹkwẹn saakị kọọn, tẹ ḅẹẹ, Balamụ, Bẹyọ owiḅọtụḅọ ḅe oku-ḅịḅị mẹ, oriḅe tẹ tọrụngbọ finji wararị ḅọ ḅe oku-ḅịḅị mẹ,

Matiyo 12:45

ọ̀ paka mu tẹ ja sii ọ̀ nẹngị sọnọma atẹmẹ ọkị amịna ḅụụ sụa tẹ ḅo anịjụ anga ḅa. Tẹ anị ọkọ sime fama tẹ ḅẹḅẹ, si-atẹmẹ ma ḅụụ ḅio sọ-mu tẹ tomḅọ ḅe sime-ḅara ḅo sii tarị ò sime-ḅara nẹngị tẹẹ. Mie anị paka mị sakị mẹ ḅẹ si-mịẹapụ ma pịrị ḅarị ḅara.”

Matiyo 5:13

“Ọ́ kịkarị ye anie ó simearị tomina-ogbo mẹ ḅẹ fụn. Tẹ fụn ḅarị fụn ḅẹlẹ-a kụma ndẹẹ ịn kẹ anị mịẹ tẹ anị pịkị fụn ẹrẹ fị ḅẹ ḅara? Anị gbala ḅo kịnị kẹ mịẹ, mịẹye ofori ye sọ tẹ, tomi anị kẹ wakị nguma tẹ nanga, nanga ḅọrọ ḅẹ tẹ ḅa.”

Jọnị 15:6

Ị̀ ḅụụ ofori ḅọ, ofori ḅọ, ini mḅọ kẹ wakị nguma ḅa, ḅịyatẹ sịn wakị nguma ḅara; ọkọ sime sịn-aḅara ma ini arị kobiri tẹ kẹ fịnị ḅio gbin suu dọkịma dọkịmam.

Jọnị 3:27

Jọnị nwẹnị pakịrị, “Tamụnọ ḅara ḅo-a tẹ tomḅọ inetẹ nyana ḅẹ ye ofori.

Jọnị 4:10

Jizọsị nwẹnị pakịrị, “Ị́ nwẹnị Tamụnọ kẹ tomi pịrị, pịrị ye na, ị́ ḅara minji mẹ ḅiiarị ḅọ ḅe na nimi namịna, mimgbe rẹ mie ọ̀ ḅara ị́ ḍumo-pịrịarị minji ḅii ọkị ḅarịye.”

Jọnị 6:32

Jizọsị nwẹnị ḅẹẹ, “À karakara mẹ ḍuko ọ́ pịrịarị; Mozizi kẹ ọ́ pịrị ye mẹ anie So-ḅio koro ḅo fịturu mẹ anị-a; ị̀ Ḍa ḅe anie So-ḅio koro ḅo karakara fịturu mẹ kẹ ọ́ pịrịarị.

Fịrịmẹnjịapụ 10:45

Juu-ḅẹ-apụ tẹ Jizọsị minini apụ ma, tẹ Jọpa ḅụ Pita ḍuka-ḅo apụ ma nwẹnị ḅụụ-bua, mịnẹ Tamụnọ Fịafịa Tẹmẹ ḅe ḍiepịrịye mẹ ịn kẹ Ja asịẹ ḅẹ apụ sọ pịrị tẹ.

Fịrịmẹnjịapụ 11:17

Ọmịnị ẹrị tẹ mịnẹ wa KỊNỊNYANAḄỌ Jizọsị Kịrayịsị ḅe minini tẹ Tamụnọ kẹ wa pịrị ḍiepịrịye mẹ anie ọ̀ pịkị kẹ Ja asịẹ ḅẹ apụ ma sọ pịrị ye ḅẹ sakị, yẹrị tụḅọ tẹ Tamụnọ kiki ḅẹ!”

Fịrịmẹnjịapụ 15:8

Tẹ Tamụnọ, ọrụḅọ-ọrụḅọ akuroma nimi ḅọ ḅe, Ja asịẹ ḅẹ apụ ma daa-ọkị ye mẹ ḍie-pakamam, ori ọ̀ Fịafịa Tẹmẹ ḅe kẹ wa pịrị gbọrụ ḅara mẹ kẹ ini sọ pịrị ḅụ.

Fịrịmẹnjịapụ 8:20

Kụma Pita ọ̀ pakịrịm, “Yee ị́yẹrị na í igbigi na mu ẹlị ḅio sọ, í kuromam í inetẹ igbigi kẹ Tamụnọ ḍiepịrịye mẹ fẹẹ ḅẹ ye gotẹ!

Romu 1:11

À kpọma ḅii lamarị mịnẹ à ḅo tẹ ọmịnị na tẹmẹ boma ḍiema tẹ ọ́ mịẹ kụrọma.

2 Kọrịntị 4:4

In gotẹ minini-a ye anie mị tomikiri mẹ ḅẹ oru ḅe ịna akuroma kẹ kanakana ḅio wẹrị wararị. Ọ̀ ḍụkụ tẹ ịn ḅịya ịn saramarị bele mẹ ẹrị-a, anie Kịrayịsị ebube mẹ gboloma Iḅi-Oku mẹ ḅẹ bele mẹ. Kịrayịsị ḅe anie karakara ḅara kẹ Tamụnọ na kịkarị ḅọ ḅe.

2 Kọrịntị 4:6

Tamụnọ ḅe tẹ ḅẹẹm, “Bele kanakana ḅio ḅịya paka ḅa”, ḅẹẹ Tamụnọ ḅe mie mịẹtẹ ò bele wamịna aḅioḅẹngbọ ḅụ ḅịya tẹ ye, mịẹtẹ wa Tamụnọ ebube mẹ tẹ Kịrayịsị tọrụkuḅu ḅịya pakarị ye mẹ ḅẹ nimi mẹ ḅo wa pịrị ḅẹ ḅara.

Galesiya 3:2

Ọ́ mị gberie mẹ kịngẹ pakịrị ị̀ pịrị: Oloko mẹ ḅii ye mịẹ ḅụ ọ́ ḅọrọ tẹ Tamụnọ Tẹmẹ ḅe nyana, mụnọọ iḅi oku mẹ naa tẹ anị minini ḅụ?

Galesiya 3:5

Ọmịnị Oloko mẹ ḅiiarị ye mịẹarị ye, mie Tamụnọ gotẹ Tẹmẹ ḅe kẹ ọ́ pịrị, tẹ ọmịna ogboku ḅụụ-buama-aị mịẹarị ye mụnọọ, ọmịnị iḅi-oku mẹ naa tẹ anị minini ye ḅụ?

Ẹfisọsị 1:18

À tẹkẹarị mịnẹ Tamụnọ ọmịna akuroma ma finji tẹ ọmịnị ò bele ẹrị, mịẹtẹ ọmịnị ò gotẹ ọ́ sịn ḅụụ pịrị wararị ḅiokpọma ye mẹ nimi, anie ò minini ori atomi pịrị aboma ngọ ma ḅụụ-buama la ḅara,

Ẹfisọsị 2:8

Kẹ gotẹ ọkọ ḍukoarị, Tamụnọ ḍiki-ḅụụjịrị ḅụ mie ọ́ ḅọrọ tẹ ḅọrọma ye, minini nyana ḅụ, ọmịna aḅụụ ḅụ ḅo ye-a, kụma Tamụnọ ḍiepịrịye;

Ẹfisọsị 3:7

Tamụnọ karakara ḍiepịrịye mie mịẹtẹ àrị iḅi oku mẹ ḅẹ fịrịmẹnjịḅọ sọ yee, anie ọ̀ kụrọ mẹ kọrịarị kọrịnama mẹ ḅụ ọ̀ ḅọrọ tẹ kẹ ị̀ pịrị ye mẹ.

Ẹfisọsị 4:7

Kịrayịsị ḍiepịrị-aị kẹ ọ̀ ḅara tọn wamịna-aḅụụ ọrụḅọ-ọrụḅọ so ḅẹ ye kẹ mḅọ pịrị tẹ.

1 Timoti 4:14

Tẹmẹ ḍiepịrịye tẹ ị́ ḅụụ ḅio ḅụ simearị ye mẹ kẹ gbin koroma tẹ anị papaa fama, anị ḍiepịrịye mẹ tẹ ịkịankoroapụ ma Tamụnọ ẹkwẹn kọn tẹ omongiapụ ma ịna aḅara kẹ ị́ ọgọnọ gbana sakị ị́ nyana ye mẹ.

2 Timoti 2:25

anie gbene tẹ mḅọ na tụḅụrụarị apụ datụkụmarị ḅọ, kẹ gotẹ ọkọ ḍukoarị ye, ẹbịsịya Tamụnọ sakị kẹ ịn pịrị tẹ in si ḅụ pịkị tẹ ḅọ karakara mẹ nimi ḅarị ḅoto.

2 Timoti 4:14

Alẹkịzanịda, kọpa (anie alapẹlẹa) tẹmẹḅọ ḅe kẹ ị̀ mịẹ siye ḅakam; KỊNỊNYANAḄỌ ḅe ọ̀ mịẹ ḅara ḍiki tẹ gbẹẹ-ye kẹ ọ̀ pịrị ḅa.

Hiburu 10:32

Ọ́ ḅọrọtẹ sakị ḅụ ye ọmịnị na sime-ḅara kẹ ḅiokoromaa. Arị ene ma ḅụ, tẹ Tamụnọ bele mẹ ḅo ọ́ la sakị mẹ, ọ́ kpọma tọnwa ḅụụ-fụka dam, anịsọ arị ọ́ nẹngịma-a.

Hiburu 2:4

Anị gbọrụ sakị mẹ ḅụ Tamụnọ sọ in ḍuko ye mẹ mịẹ kụrọmam, ḅụụ-buama-aị na, ḅụụ-gbiripuma-aị na, Fịafịa Tẹmẹ ḅe ḍiepịrịye kẹ ọrụḅọ-ọrụḅọ pịrị na ḅụ, anị ọ̀ ḅụụ-ḅẹlẹ ḅara ḅụ.

1 Jọnị 5:16

Ị́ ị́ mịnaḅọ ẹrịm ọ̀ fịị dogi-ḅo ḅịa si mịẹarị ḅẹḅẹ, Tamụnọ tẹkẹ ọ̀ pịrị, oriḅe tẹ ḍumo kẹ ọ̀ pịrị ḅarị ḅọ ḅe. Miemẹ fịị dogi-ḅo ḅịa si mịẹ apụ kịngẹ mie anị sime pịrị ye. Kụma fịị dogi-ḅoarị si emi, à ḅẹẹ-a mịnẹ ọmịnị ọkọ sime si gbolomaye go Tamụnọ tẹkẹẹ.