Hiburu 6:2 - FỊAFỊA BAỊBỤLỤ

² minji-sara gboloma toluma aị na, ḅara kẹ sịḅị ḅụ gbana na, fị-ḅụ-saakị na, kunoma ḅẹrẹkọn mẹ na.

Hiburu 6:2 Iomraidhean Croise

Nimi Tolumaḅọ 12:14

Kẹ gotẹ ọkọ ḅẹẹarị, Tamụnọ wa mịẹ ye goyegoye kẹ ḅẹrẹkọn ḅo ḅa, anị ḅọị ḅara ḅọị ḅara sọ, anị ḅọrọ iḅiye-o, anịanịa siye sọ.

Ayịzaya 26:19

Wamịna atomi ḅụ fịị tẹ apụ ma in sin ḍumo ḅa! Ịna oju akpakpa ma pịkị-ḅo ḍumo ḅụ sọ ḅa. Inimgba tẹ amịna aḍuḅu ḅio monoarị apụ ma saakị tọ nume su, su ḍereku ḅa. Ḅịya tọrụngbọ ḅio sọarị igirigi mẹ ịwọ ịnyọ kẹ kiri pịrịarị ḅara, anị ḅara mie KỊNỊNYANAḄỌ ḅe kẹ ala lamatẹ sakị ḅụ fịị apụ mịẹtẹ in sin ḍumo ḅarị ḅara.

Danẹlị 12:2

Ini ḅẹ tọnwa-apụ tẹ fịị tẹrẹmẹ sakị mẹ laa apụ fị-ḅụ-saakị tẹ ḍumo ḅa: jen-apụ sime gbamaso ḍumo tọrụ-ḅẹlẹ nyana ḅa, tẹ jen-apụ sime gbamaso tọrụ-tuu ḅụụ-fụka da ḅa.

Matiyo 28:19

Ọkọẹrẹsị, ó mu tẹ ḅẹ anga, ḅẹ anga ḅụ simearị atomi mamgba mịẹ tẹ ini ì ḍukamẹnjịapụ sọọ; ó minji kẹ ịn sara-a, Ḍaḅọ ḅe na, Tụḅọ ḅe na, Fịafịa Tẹmẹ ḅe na ẹrẹ ḅụ,

Matiyo 3:14

Kụma Jọnị nwẹnị Jizọsị ḅioḅẹngbọ ḍima ḅẹ ḅara ḍọkị tẹ ọ̀ ḅẹẹ, “Yẹrị rẹ mie ị́ dama-ḅo tẹ ị́ minji kẹ ị̀ sara ḅẹ ye-a, kụma ị́yẹrị rẹ ị̀ dama-ḅo!”

Makị 16:16

Minini tẹ in minji kẹ sara ḅọ sara ḅọ ḅọrọma ḅa; minini-a ḅọ minini-a ḅọ ḅẹrẹ-ḅarasii nyana ḅa.

Makị 7:4

ịn ogumaḅiri mu tẹ ḅo sọ, ini ịn fẹ ḅo ye mẹ sịkịrị-a sime-ogbo, ini anị fị-fịa. Tẹ ịn pịkị ja tọnwa oloko sọ daa-ọkịm, anie kọpụ na, ḅẹlẹ na, ojo ye-sụa-aị na, mono aị na, sịkịrị sịkịrị karakara ḅara.)

Makị 7:8

“Ọ́ Tamụnọ tọn koroma ye mẹ saakị anga pịrị tẹ tomina atoluma-aị ma poki tẹ mịẹarị.”

Luku 11:38

Jizọsị tarị ḅara sịkịrị-a tẹ ye mẹ fị ḅẹ-yearị ye mẹ nwẹnị Farịsiiḅọ ḅe ḅụụ yee.

Luku 12:50

À sara ḅẹ ḅo minji ḅara emi; anị mịẹ-a sime-ogbo ị́ tẹmẹ ị́ ḅụụ ḅụ dein ḅịa.”

Luku 14:14

Anị sakị ini ma ini inetẹ ị́ gbẹẹ ḅịa sakị í ḅo boma ḅa. Iḅi apụ fị-ḅụ-saakị ḅẹ ene mẹ ḅụ Tamụnọ kẹ ị́ gbẹẹ ḅa.”

Luku 3:16

Mie ḅụ Jọnị nwẹnị inimgba ḅẹẹ, “Yẹrị minji kịngẹ mie à kẹ ọ́ sararị, kụma ị̀ nẹngị lama ḅọ ḅoarị. Anị ḅọ ḅe ḅụọ ḅẹ okuro ḍiki kịngẹ sọ à fima gbẹẹ-a. Tamụnọ Fịafịa Tẹmẹ ḅe na kọrị-fịnị na mie ọ̀ kẹ minji kiri ḍima tẹ kẹ ọ́ sara ḅarịye.

Jọnị 1:33

Anịsọ à paa amụ nimi-a ori ḅara, kụma Tamụnọ ḅe tẹ ị́ fịrịmam à mu minji kẹ tomi sara ḅẹẹ ḅọ ḅe mẹẹ, ‘Ị́ Tẹmẹ ḅe ẹrị ḅa ò ḅo tẹ gbọrụḅọ ọgọnọ gbana sime ḅa; ori ḅe anie Fịafịa Tẹmẹ ḅe kẹ minji kẹ kịnị sara ḅarị ye.’ ”

Jọnị 5:29

tẹ ini ịna aḍuḅu ḅio sime tẹ saakị paka-ḅo ḅa, ịna ḅụ iḅiye mịẹ apụ saakị tẹ ḍumo ḅa, tẹ ịna ḅụ siye mịẹ apụ saakị tẹ ḅẹrẹ-ḅarasii ḅụ sọ ḅa.”

Fịrịmẹnjịapụ 10:47

“Mịna apụ ma Fịafịa Tẹmẹ ḅe nyana tẹ, wamịnị sọ nyana gbọrụ ḅara mẹ. Mie ḅụ tiye pịkị ịn kiki ḅẹ minji kẹ ịn sara ḅụ?”

Fịrịmẹnjịapụ 13:3

Ịn ḅuru-ịmọ tẹ tẹkẹ, tẹ ḅara kẹ ịna ọgọnọ gbana tẹso ini ịn fịrịma pakamam.

Fịrịmẹnjịapụ 16:15

Tẹ árị na á warị ḅẹ apụ na minji sara tẹso, á nwẹnị wa ḅẹẹ, “Ó nimim à KỊNỊNYANAḄỌ ḅe minini wararị ḅẹḅẹ, ó ḅo ị̀ warị simee.” Tẹ árị ịgbanị nwenii tẹ wa nwẹnị mu.

Fịrịmẹnjịapụ 16:33

Anị gbọrụ sakị mẹ, ḍin mẹ ḅụ, ikoliapụ-ḍikiḍikiḅọ ḅe ini ọkị tẹ ịna ịnọ ma mịẹm; tẹ anị gbọrụ kiri mẹ ḅụ ịn nwẹnị minji kẹ ori na ọ̀ warị ḅẹ apụ mamgba na sara.

Fịrịmẹnjịapụ 17:18

Ja ye-tolumapụ tẹ ịn kẹ Ẹpikuria apụ na Sịtọyịkị apụ na sịn apụ na sọ Pọlụ na ḅẹrẹ nụnụam. Ini ḅẹ ja apụ gbelam, “Ḅie ḍiri sọ ẹrị-a ḅọ ḅe ḅọrọ tiye ḍuko ḅẹ ḍọkịarị?” Anga mẹẹ, “Kịnị nimi-a apụ oru aḅẹrẹ mie ó ḍukoarị.” Pọlụ ḅe Jizọsị na fị-ḅụ-saakị mẹ na gboloma ye ḍuko ye mie in gotẹ ọkọ ḅẹẹ ye.

Fịrịmẹnjịapụ 2:38

Pita nwẹnị ịn ḅẹẹ, “Sime ḅọ, sime ḅọ amịna asi ḅụ pịkịị, tẹ Jizọsị Kịrayịsị ẹrẹ ḅụ minji sara-a, anị sakị Tamụnọ ọmịna asi ma wẹrịso ọ́ pịrị ḅa; tẹ ọ́ pịkị Tamụnọ ḍiepịrịye mẹ nyana ḅa, anie Fịafịa Tẹmẹ ḅee.

Fịrịmẹnjịapụ 2:41

Tẹ ini ḅẹ tọnwa-apụ nwẹnị ò ḍuko ye mẹ minini tẹ minji sara, tẹ anị gbọrụ ene mẹ ḅụ kịnị sọnọma ẹndẹ oyia asi finji ịna ḅụụ sọm.

Fịrịmẹnjịapụ 23:6

Pọlụ ḍiki kụma Ḅẹrẹ-siri mẹ ḅụ Sadusiiapụ na Farịsiiapụ na emi ḅẹ sakị, ọ̀ nwẹnị oloku pakama, “Ị̀ amịnapụ, Izirẹlị awọmẹ! Yẹrị Farịsiiḅọ-e, pịkị Farịsiiḅọ iyiḅọ tụḅọ. À tọrụ kẹ fịtẹ-apụ saakị tẹ ḍumo ḅarị mẹ ḍikiarị mẹ kịngẹ mie in gotẹ ị̀ kẹ ḅẹrẹkọn ḅo ye!”

Fịrịmẹnjịapụ 24:15

Ini Tamụnọ ḅụ nyana wararị ḅiokpọmaye mẹ mie yẹrị sọ nyana ye, mịnẹ tomi mamgba, iḅi-apụ na si-mịẹapụ na, saakị ḅa fịị ḅụ.

Fịrịmẹnjịapụ 24:21

Mị gberie mẹ sikima tẹ, ịna tọrọkọ arị oloku pakamam: ‘Ó gotẹ mịmgba ị̀ kẹ ḅẹrẹkọn ḅo ye anie, à mininim mịnẹ fịtẹ-apụ saakị ḅa tẹ ḍumo ḅa.’ ”

Fịrịmẹnjịapụ 24:25

Kụma Pọlụ ẹkwẹn ma ḅo iḅi ḍumo na, ḅụụ ọlọ kpaịnma na Ḅẹrẹkọn Ene ḅoarị ye na la sakị, Fẹlịkisi ḅalafa tẹ nwẹnị ọ̀ ḅẹẹ, “Mị sakị kẹ so tẹrẹmẹ, jen sakị paka sakị, à pịkị fịrịma ị́ sịn ḅa.”

Fịrịmẹnjịapụ 26:8

Ndẹẹ ọmịnị mịanga simearị apụ ma gotẹ Tamụnọ fịtẹ-apụ saakịmarị ye mẹ minini-a tẹ kẹ inetẹ mịẹ ḅịa ye ọkịarị ḅara?

Fịrịmẹnjịapụ 4:2

Ịn nwẹnị maa fịrịmẹnjịapụ ma Jizọsị fị-ḅụ-saakị tẹ ye mẹ ḍuko tomi ma pịrị ye mẹ gotẹ ịganị, gbala Jizọsị fị-ḅụ-saakị tẹ mẹ ḍukoarị mịnẹ fịtẹ-apụ saakị ḅa.

Fịrịmẹnjịapụ 6:6

Kobiri ogbo mẹ ịn kẹ fịrịmẹnjịapụ ma pịrị tẹ ịn tẹkẹ tẹ ḅara kẹ ịna ọgọnọ gbanam.

Romu 2:16

Mie ḅụ à kẹ ḅo Iḅi Oku mẹ sime-ḅara anie, Tamụnọ Jizọsị Kịrayịsị ḅụ ḅọrọ tẹ tomikiri mẹ kọn ḅarị Ene mẹ, ọrụḅọ-ọrụḅọ ḅioḅẹngbọ suku-ḅio sime ḅọị wararị aị mie ọ̀ kẹ mḅọ kọn ḅarịye.

1 Kọrịntị 10:2

Inimgba oḅuto mẹ ḅio na tọrụ mẹ ḅio na minji saram, Mozizi ḍukamẹnjịapụ ḅara ḅụ.

1 Kọrịntị 12:13

Anị gbọrụ ḅara ḅụ, wamịnị-mgba, ḅọrọ Juu-ḅẹ-apụ-o, Ja asịẹ ḅẹ apụ-o; omoniapụ-o, amịna sịḅị atomi-o, gbọrụ Tẹmẹ ḅe minji kẹ wa sara tẹ wa kẹ gbọrụ oju mịẹ tẹ, wamịnị-mgba pịkị anị gbọrụ Tẹmẹ ḅe nyana tẹ Kịrayịsị ọmbie mẹ ḅuu tẹ.

2 Kọrịntị 5:10

Kẹ gotẹ ọkọ ḍukoarị, wamịnị-mgba Kịrayịsị tọrọkọ paka-ḅo tẹ ọ̀ wa kọn ḅa. Ọrụḅọ-ọrụḅọ mḅọ ọkị gbẹẹ ye ọkị ḅa, anie mḅọ meni-oju mẹ ḅụ ḅẹ ḍumo ḅụ sime sakị mḅọ mịẹ ye, mịẹ ye sime-ḅara, iḅiye-o, siye — ó.

Filipayị 3:21

Ọ̀ wamịna ịnyọ ofori, fịị-fịị oju ma ḍima tẹ arị ori ebube oju mẹ kịka ḅa, ọ̀ kẹ inetẹ ye mamgba ọkị-ḅo ò suku-ḅio suuarị kụrọ mẹ ḅụ.

Kọlọsị 2:12

Kẹ gotẹ ọkọ ḍukoarị, ó minji sara sakị, ọ́ Kịrayịsị na sọ tẹ ḍiḅim, tẹ pịkị mị gbọrụ minji-sara mẹ ḅụ, Tamụnọ kẹ kọrịnama kọrịarị kụrọ mẹ ḅụ ọ́ nyana minini ḅụ, ori ọ́ kẹ Kịrayịsị na sụa saakịmam, anie fịị ḅụ Kịrayịsị saakịma ḅọ ḅe.

2 Timoti 2:18

Ịn karakara etela mẹ koroma-so tẹ minini apụ ma ḅẹ ja apụ minini pikirimarị, ḅẹẹarị mịnẹ wamịna fị-ḅụ-saakị mẹ kiri ọkị ḅọrọma kụra-ḅio iḅerea.

Hiburu 11:35

Minini ḅụ ereme ḅọrọ tẹ ịna fịtẹ amịnapụ nyanam, fị-ḅụ-saakị ḅụ. Osi apụ, ini ịn pọnjị ḅaarị sọ, ịn ḅịḅị ḍima tẹ paka-ḅo ḅẹ nakara ịn pọnjị ḅara mẹ ḅio sime tẹ fịịm, ịn fị-ḅụ-saakị ḅo iḅi in sime tẹ fịịarị ḍumo mẹ nẹngị ye la ḅẹ ẹrẹsị.

Hiburu 9:10

arị fịye na, ḅuu ye na, ja kịrị ḅụụ fịafịama amịẹaị na ngẹrị gboloma ye ẹrẹsị. Mịna aị mamgba papaa tomi ẹrịarị aị, na mịẹarị aị na gboloma oloko, tẹ Tamụnọ ịwọma tọn pakama ye mẹ amụ ḅo sịẹsime-a sakị mẹ ngẹrị ḅụ mie arị ye ḅụ sọ ye.

2 Pita 3:7

Kụma mịọkụ simearị So ma na Kiri mẹ na Tamụnọ tọn gbọrụ ḅara mẹ ḅụ mie arị simearị ye, mịẹtẹ kunoma ḅụ fịnị arị guluguluma fama ḅarị ḅara. Ini arị kẹ ịn Tamụnọ nimi-a atomi ma kọntẹ ịn ḅaa guluguluma ḅarị ene mẹ wẹrịmarị.