Hiburu 6:1 - FỊAFỊA BAỊBỤLỤ

¹ Ọkọẹrẹsị, ó yee wa ḍawọye mẹ ḅụ mẹnjị tọrọkọ mu, tẹ ye-nimi ḅiri la tẹ apụ ḍawọ na-iḅi aị toluma, tẹ Kịrayịsị etela mẹ ḅẹ Suku-saakị aị ma ḅụ ḅara-siin. Wa Kịrayịsị etela mẹ ḅẹ Suku-saakị gboloma aị tẹ wa toluma sime aị ma ḅụ ḅara-siin ḅa, tẹ ḅarị jen Suku-saakị aị toluma ḅịa — anie si amịẹaị ḅụ pịkị tẹ Tamụnọ minini na;

Hiburu 6:1 Iomraidhean Croise

Egberima-Ẹkwẹn 4:18

Karakaraye-mịẹapụ ma mẹnjị muarị etela mẹ saakị paka-ḅoarị ịrụa na kịkam, anị ḅịya kụrọ-kụrọ nwenii ḅo eneḅaka ogbo laarị.

Zẹkaraya 12:10

Devidi furo-ḅẹ-apụ ma na Jeruselemu ḅụ simearị osi apụ ma na arị ọkụrụkụrụ tẹmẹ na tẹkẹ tẹmẹ na kẹ ịna aḅụụ suu ḅinma ḅa. Ini ini ogie kẹ temi ḅaa ḅọ ḅe ḍiki ḅa, tẹ ò ḍuu ḅa, ngẹrị tụḅọ ḍuu ḅara kịka ḅara. Ini akụ tẹmẹ kẹ ḍuu ḅa, amịna mgbe fịị ḍuuarị apụ kịka ḅara.

Matiyo 21:29

Ọ̀ nwẹnị pakịrị, ‘À mu ḅẹ ḅii-a,’ kụma anị sakị mẹ ḅọrọ tẹso, ori ò kuroma ḍima tẹ mum.

Matiyo 21:32

Kẹ gotẹ ọkọ ḅẹẹarị, Minji-sara Jọnị ḅo tẹ ọ́ ḅọrọ ḅarị karakara etela kẹ ó ḍie sakị ọmịnị ò minini ḍụkụ-a; kụma ini ama-igbigi da apụ ma na ama-mẹnjị-ereme ma na ò mininim. Ọ́ tọrụngbọ kẹ miemẹ ẹrị sakị sọ ọmịnị ọmịna akuroma ḍima tẹ ò minini-a.”

Matiyo 3:2

Ọ̀ kọn ẹkwẹn mẹ ḅẹ sịḅị anie, “Ọmịnị ọmịna asi ḅụ pịkị tẹ Tamụnọ ḍọkụma-muu, gbala Tamụnọ Ama-da mẹ ḅo laa ḅẹ tẹ.”

Matiyo 4:17

Anị sakị ḅụ mie Jizọsị saakị ori oku mẹ ḍuko tomi pịrị tẹ ḅẹẹ ye: “Ọmịnị ọmịna asi ḅụ ḅara-siin tẹ pịkịị, gbala Tamụnọ Ama-da mẹ ḅo kpeki tẹ ẹrẹsị.”

Matiyo 5:48

Iḅiye mịẹ ḅụ ọ́ kara-gbasị tẹ ḅara simee, anie ọmịna Ḍaḅọ So-ḅio simearị ḅọ ḅe sọ simearị ḅara mẹ!

Matiyo 7:25

Eene nwẹnị ọsụma sara, opu minji nwẹnị sun tọrụ akaka ma kpọlị iwo, tẹ erise fẹrụ nwẹnị kụrọma fie, tẹ arịmgba nwẹnị mu kụrọma warị mẹ bịan. Kụma anị ḅịkị-a, ini anị kẹ ịkụ ọgọnọ namam ẹrẹsị.

Makị 1:1

Mie Jizọsị Kịrayịsị, Tamụnọ Tụḅọ ḅe gboloma Iḅi-Oku mẹ.

Makị 6:12

Mie ḅụ ịn paka mu tẹ Tamụnọ ẹkwẹn kọnm, mịnẹ tomi ịna asi ḅụ pịkịị.

Luku 6:48

Mḅọ kịkarị ḅọ anie amịna warị nama ḅẹ tẹ kpọma kiri mẹ soku pokoloma tẹ anị kẹ ịkụ ọgọnọ sịẹma ḅọ. Opu minji sun mu warị mẹ la tẹ sọ anị jike-a, ini anị nama kụrọma lamam ẹrẹsị.

Jọnị 12:44

Jizọsị nwẹnị oloku pakama tẹ ḅẹẹ, “Ì minini ḅọ, minini ḅọ mḅọ ị̀ ḅụụ ngẹrị minini-a, kụma ị̀ kẹ fịrịmaḅọ ḅe ḅụụ sọ.

Jọnị 14:1

Jizọsị nwẹnị ḍuko ịn pịrị, “Ọ́ ḅụụ-ḅalaḅala nyana tẹ ọmịna aḅioḅẹngbọ pikirima ma. Ọ́ Tamụnọ ḅụ minini nyana-a, pịkị ị̀ ḅụụ sọ.

Jọnị 5:24

“Karakara mẹ mie à ḍuko ọ́ pịrịarị; ḅẹḅọ-ḅẹḅọ tẹ ị̀ ẹkwẹn mẹ naa tẹ anị ḅẹẹ ḅara mịẹarị tẹ ị̀ kẹ fịrịmaḅọ ḅe minini ḅọ, minini ḅọ mḅọ sime gbamaso ḍumo nyana tẹ. Tamụnọ ḅarị mḅọ kọn ḅịa, kụma mḅọ fịị ḅụ ḅọrọ mu ḍumo ḅụ sọ tẹ.

Fịrịmẹnjịapụ 11:18

In miemẹ naa tẹso, ịn ḅarị nụnụa-a, tẹ nwẹnị Tamụnọ boma mịnẹ ò kiri kẹ Ja asịẹ ḅẹ apụ sọ pịrị tẹ mịnẹ in si ḅụ pịkị tẹ ḍumoo.

Fịrịmẹnjịapụ 17:30

Elemu sakị tomi nimi-a ḅụ mịẹ-mịẹ aị ma Tamụnọ arị ḍiki-tọrụsin tẹ, kụma mịọkụ ọ̀ tọn kịnị mamgba pịrịarị, in sime anga, sime anga, mịnẹ ini ịna si etela ma ḅụ pịkịị.

Fịrịmẹnjịapụ 2:38

Pita nwẹnị ịn ḅẹẹ, “Sime ḅọ, sime ḅọ amịna asi ḅụ pịkịị, tẹ Jizọsị Kịrayịsị ẹrẹ ḅụ minji sara-a, anị sakị Tamụnọ ọmịna asi ma wẹrịso ọ́ pịrị ḅa; tẹ ọ́ pịkị Tamụnọ ḍiepịrịye mẹ nyana ḅa, anie Fịafịa Tẹmẹ ḅee.

Fịrịmẹnjịapụ 20:21

Gbọrụ ḅara mie à kẹ Juu-ḅẹ-apụ na Ja asịẹ ḅẹ apụ na ḅeri nụnụ ye, mịnẹ ini ịna asi ḅụ pịkị Tamụnọ daa, tẹ Wa nyanaḅọ Jizọsị ḅe mininii.

Fịrịmẹnjịapụ 26:20

À tarị Damasịkọsị ḅụ saakịm, anịtẹso Jeruselemu na, bebe Judiya mẹ ḅụ na, pịkị Ja asịẹ ḅẹ apụ ogboku ḅụ na, arị ẹkwẹn tomi pịrị tẹ ịn ḅẹẹm mịnẹ ini ịna asi ḅụ pịkịị, tẹ Tamụnọ ḍukamẹnjị, tẹ ịn si ḅụ pịkị tẹ nwẹn ḅẹẹ ḍumo kọn.

Fịrịmẹnjịapụ 3:19

Ọkọẹrẹsị ọmịnị ọmịna asi ḅụ ḅara-siin, tẹ pịkị Tamụnọ daa, tẹ ori ọmịna asi wẹrịso ọ́ pịrị ḅarị ḅara. Ọmịnị ọkọ mịẹ-mịẹ,

1 Kọrịntị 13:10

kụma kara-gbasị tẹ ye mẹ ḅo la sakị, bebe-a ye mẹ kịnị ḅarị anị ẹrị ḅịa.

1 Kọrịntị 2:6

Anịsọ, tẹmẹ etela mẹ nimi lamatẹ apụ ḅụ à ḍuko wasamarị oku mẹ ḅụ nimi emi, kụma mị tomikiri mẹ ḅẹ nimi-a, pịkị mị tomikiri mẹ ḅụ ḅẹrẹtọn-arị tẹ amịna kụrọ ḅara ḅụ soarị apụ ma nye-a.

2 Kọrịntị 7:1

Ì iḅi ikiapụ, mịna aị mamgba Tamụnọ minini wa pịrị tẹẹ. Ọkọẹrẹsị, ó yee wa ye goyegoye, tẹ oju na tẹmẹ na simearị ye ḅụ, wamịna-aḅụụ wẹrị fịafịama, tẹ wa nwẹnị gbọrsịḅị fịafịa fama, Tamụnọ ḍiki-ḅalafa ḅụ ḍumo kọn ḅụ.

2 Kọrịntị 7:10

Kẹ gotẹ ọkọ ḍukoarị, Tamụnọ kururu mẹ kẹ mịẹtẹ ḅioḅẹngbọ ḍima paka tẹ, ọ́ kẹ mu ḅọrọma ḅụ suu tẹ — anie ḅụ tomḅọ gotẹ tiye-ì-gbo ḅẹẹ ḅẹẹ ye ofori! Kụma papaa tomina ḅara kẹ kururu mẹ fịị dogi-ḅoarị.

Ẹfisọsị 2:1

Ọmịna ḅịḅịpoki-a na ọmịna asi na gotẹ, ḅọrọtẹ sakị mẹ ḅụ ọ́ tẹmẹ ḅụ fịịm.

Ẹfisọsị 2:5

mịẹtẹ wa ḅịḅịpoki-a ḅụ tẹmẹ ḅụ fịị wararị ogbo ọ̀ wa kẹ Kịrayịsị ḅụ sụa ḍumomam. Tamụnọ ḍiki-ḅụụjịrị ḅụ mie ọ́ ḅọrọma ye.

Ẹfisọsị 4:12

Ò miemẹ mịẹtẹ kẹ Tamụnọ atomi ma tẹlẹma tẹ kẹ Kịrayịsị ḍukamẹnjịapụ fịrị mẹ mẹnjị ḅẹm, tẹ ịn warị nama ḅara kẹ Kịrayịsị oju mẹ nama sịẹma ḅẹ ḅara.

Kọlọsị 1:28

Mie ḅụ wa Kịrayịsị ḅe ḍuko ḅẹḅọ-ḅẹḅọ pịrịarị wa nyana nimi mamgba ḅụ wa ịna ḅeri nụnụ tẹ pịkị ye kẹ in tolumarị, mịẹtẹ wa ọrụḅọ-ọrụḅọ kẹ ḍụḅa paka-ḅo tẹ si, siye nimi tẹ ḅọ ḅara kẹ Kịrayịsị na gbọrụ ḅụụ sime ḅụ Tamụnọ tọrọkọ ḅo ḅẹ ḅara ẹrẹsị.

Kọlọsị 3:14

Mịna iḅi aị mamgba ḅụ ọ́ ḅẹlẹma kẹ sụa, anie mie arịmgba ọlọ kpesi ḅarịye, karakara gbọrụ ḅụ sime ḅụ.

Kọlọsị 4:12

Ẹpafarasị sọ ó ḅiim; ori anie pịkị ọmịna ogbo mẹ ḅẹ jụmọ, tẹ fịrịmẹnjị Kịrayịsị Jizọsị pịrịarị ḅọ. Sakị mamgba ọ̀ tẹmẹ-la ḅara kẹ tẹkẹ ọ́ pịrịarị, Tamụnọ ḅara ḅiiarị mịnẹ ọ̀ mịẹtẹ ọ́ sịẹ-kụrọ, mịẹarị ye nimi tẹ ḅioḅẹngbọ mẹmgba kẹ minini tẹ Kịrayịsị ḍukamẹnjịapụ ḅara, tẹ busunu tẹ ḅara kẹ Tamụnọ ḅịḅị poki, tẹ ó ḅii ye mịẹ.

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

1 Timoti 6:19

Mị ḅọkọ ḅụ ini ngọ koko ịna aḅụụ wẹrịma tẹ, karakara suku-saakị tọrọkọ-jụ ḅo ḅarị sakị pịrị ḅa. Anịtẹso ịn nwẹnị ḍumo mẹ ḅẹ karakaraye mẹ nyana ḅa.

2 Timoti 2:19

Kụma kụrọtẹ suku mẹ tẹ Tamụnọ saakị tẹ ye mẹ, inetẹ jike ḅịa; tẹ anị ọgọnọ mie mịna ẹkwẹn ma kẹẹ wararị ye: “KỊNỊNYANAḄỌ ḅe sime ọ̀ pịrị apụ ma nimi wararị” na “Ḅẹḅọ-ḅẹḅọ tẹ ḅẹẹarị mḅọ sime KỊNỊNYANAḄỌ ḅe pịrịm nwẹn ḅẹẹ ḅọ, kura-a mịẹye ḅụ ḅụụ ḅelemaa.”

Hiburu 11:6

Minini nyana-a tomḅọ inetẹ Tamụnọ ḅụụ-ḅẹlẹ ye mịẹ ḅịa, kẹ gotẹ ọkọ ḍukoarị, Tamụnọ ḍọkụma-ḅoarị ḅọ, ḅoarị ḅọ minini ḅa mịnẹ ori emi, tẹ gbẹẹ-ye kẹ ò nimi ḅẹ ḍọkịarị apụ pịrịarị.

Hiburu 12:13

Ó gono-gono etela ngẹrị ḅụ mẹnjịị, mịẹtẹ ekeli wararị ḅụọ mẹ ḅarị gbọrsịḅị ḅo kẹ mịẹ mịẹye-ofori ḅara sime ḅịa ḅara, kụma, anie nakara, anị ḅo gwọọtẹ ye sọ ḅe ḅara.

Hiburu 7:11

Livayị agbamịẹ ọrụ mẹ mie Tamụnọ ḍiki tẹ Oloko mẹ kẹ Izirẹlịapụ ma pịrị ye. Livayị agbamịẹ ọrụ mẹ ḅẹ agbamịẹapụ ma kọrịnama mẹ ḅụ ḅẹẹ, ḅẹẹ ye ofori namịna, kịrị agbamịẹ ọrụ paka na-iḅi-a, anie Mẹlịkizẹdẹkị kịka agbamịẹḅọ, Erọnị ọrụ ḅụ ḅo ḅọ-a.

Hiburu 9:14

Miemẹ karakara ye sakị goyegoye, Kịrayịsị ọmbie mẹ kpọma ọkọ nẹngị ḅara mịẹ tẹ! Sime gbamaso Tẹmẹ ḅe ḅụ mie ọ̀ ḅọrọ tẹ ọ̀ ḅụụ kẹ la tẹ agba mịẹ Tamụnọ pịrị ye. Ori ọmbie mẹ wamịna tẹmẹ aḅioḅẹngbọ ma sịkịrị fịafịama ḅa, ye ḅụ ofori amịẹaị ḅụ, mịẹtẹ wa fịrịmẹnjị ḍumo wararị Tamụnọ ḅe pịrị ḅẹ ḅara.

Jemụsị 1:4

Ọmịnị ẹrị mịnẹ ọmịna ye-inema ó dogi tọrọkọ mu lamam, ọḅụ da-a ḅara ḅụ, mịẹtẹ ó bebe tẹ kara-gbasị tẹ ḅara sime ḅẹ ḅara, gberie-sọ ọmịna ḅara kọn-a ḅara.

1 Pita 1:21

Ọ̀ ḅụụ mie ọ́ ḅọrọ tẹ Tamụnọ minini ye, anie fịị ḅụ ọ̀ saakịma tẹ ebube kẹ ọ̀ pịrị ḅọ ḅe; anie ḅụ, ọmịna minini na ḅiokpọ na Tamụnọ ḅụ sọ ḍiḅi wararị.

1 Pita 5:10

Kụma ọ́ kẹlẹ kẹ tọrụsiẹrị tẹso, sakị, ḍiki-ḅụụjịrị ye mẹmgba Tamụnọ ḅe, tẹ ọ́ sịn-arị ó ḅo Kịrayịsị na gbọrụ ḅụ sime tẹ ó sime gbamaso ebube nyana ḅẹẹ ḅọ ḅe, ọ́ mịẹtẹ ó busunu ḅa, tẹ kụrọ-sịẹ na, ịnyọ na, jike jike-a kuno na kẹ ọ́ pịrị ḅa.

1 Jọnị 4:12

Tụkụmaye, jen sakị tọrụngbọ kẹ Tamụnọ ẹrị tẹ ḅọ ofori sọ, wa nwẹnị jụmọ-jụmọ ḅẹlẹmarị ḅẹ kụma, Tamụnọ wamịnị na gbọrụ ḅụ angarị, tẹ ọ̀ ḅẹlẹma pịkị wamịna ḅụụ ḅio bebe ye sọ tẹ.