Biblia Todo Logo
Bìoball air-loidhne

- Sanasan -




Hiburu 5:9 - FỊAFỊA BAỊBỤLỤ

9 Tamụnọ mịẹtẹ ò ḅo kara-gbasị tẹso, ò sime gbamaso ḅọrọma nyana ḅẹ ḅọkọ sọ ọ̀ ḅịḅị poki apụ mamgba pịrịm,

Faic an caibideil Dèan lethbhreac




Hiburu 5:9
39 Iomraidhean Croise  

À kẹ í bomarị nume mẹ mịẹ tẹ ị́ ereso mẹ sime mu ḅẹẹ-sakị ḅẹẹ-sakị la ḅa, tẹ tọrọkọ-jụ ḅo ḅarị sakị mamgba ḅụ ḅẹḅọ-ḅẹḅọ í tokini ḅa.


Aka ofori ḅioḅẹngbọ na karakara na mie í ḅiiarị, ị́ ḅara ḅo nimi kẹ ì kuroma suu ḅinma.


Yee à ḍereku na ḅioḅẹlẹ na fiearị apọkọ ma naa; karakaraye ị́ ị̀ mgbe ma gbẹẹ-kọsịma tẹ sọ, à pịkị siin jen kẹ ḅioḅẹlẹ ḅa.


Mịọkụ ọ́ pịkị ị̀ daa, tẹ ḅọrọmaa, bebe tomikiri mẹ kana-koro ḅẹ atomi! Yẹrị kịngẹ anie Tamụnọ tẹ emi ḅọ.


KỊNỊNYANAḄỌ ḅe ị̀ ḅẹẹm: Ị̀ fịrịmẹnjịḅọ, à tarị fịrị mẹ nẹngị ye nyana ị́ pịrị wararị. Ị́ Izirẹlịapụ tẹ fịị-a so apụ ma kẹ ḅo elemu in nyana opu mẹ lama ḅarị mẹ kịngẹ-a, kụma à pịkị ị́ kẹ bele sọma sịẹ-sịẹ ma pịrị ḅa, mịẹ tẹ bebe tomikiri mẹ ḅọrọma ḅẹ ḅara.


Ọmịnị-mgba tẹ KỊNỊNYANAḄỌ ḅe kụn-arị apụ tẹ ọ̀ fịrịmẹnjịḅọ ḅe ẹkwẹn ma poki tẹ mịẹarị apụ, Ọ́ mẹnjịarị etela mẹ kanakana ḅo anị gbaịn ḅarị-o, kụma ọ́ KỊNỊNYANAḄỌ ḅe kẹ ḅiokpọmaa ọmịnị ọmịna Tamụnọ ḅụ sịrẹrẹẹ!


Mịọkụ ó pokii, ị̀ atomi, tẹ ị̀ ḍọkụma-ḅoo; ọmịnị ị̀ ḍọkụma-ḅoo, tẹ ó ḍumo nyana ḅa! À sime alama ḅarị ọḅọkụ kẹ ọmịnị na fị ḅa tẹ à minini Devidi pịrị aboma ma kẹ ọ́ pịrị ḅa.


“Kụra atesi oyi finji-finji sọnọma akiri anie Tamụnọ tọn-pẹlẹm ọ̀ kẹ ị́ atomi ma na ị́ fịafịa ama mẹ na pakama-ḅo si na siye na ḅio. Ò si-wẹrịso tẹ tomi karakara mịẹ gbamaso ḅa, mịẹtẹ ị́ ẹrị ịkịan mẹ na í koro-ịkịan mẹ na ḅo karakara ye sọ tẹ in siin fịafịa Tamụnọ-warị mẹ wẹrị fịafịama ọ̀ pịrị ḅa.


Iḅere-iḅerea anga ḅụ angarị owiapụ ḅo ḅarasụa tẹ KỊNỊNYANAḄỌ ḅe Warị mẹ siin nama ḅa. Tẹ in siin anị nama sakị ó nimi ḅa mịnẹ Kụrọmamgba nyana KỊNỊNYANAḄỌ ḅe ị̀ kẹ ọ́ fịrịmam. Mie-mẹmgba paka ḅa ó ḅintẹ ḅara kẹ KỊNỊNYANAḄỌ ọmịna Tamụnọ ḅe oloko ma kokoarị ḅẹḅẹ.


Ori ẹkwẹn-arị ogbo mie pịna-pịna oḅuto ḅo ịn gbaịn ye, tẹ oḅuto mẹ ḅio gbọrụ pọkọ nwẹnị ḅẹẹ, “Ḅie ị̀ iḅi Tụḅọ ḅe, ọ̀ mịẹye ị̀ ḅụụ ḅẹlẹm, ọmịnị ò pokii!”


Jizọsị nwẹnị ịn pakịrị, “Ó mu ḍuko anị pụnụ ḅe pịrịị, mịnẹ mịmgba na ḅaa na à kẹ oru dee sin, sin tẹ pịkị obi gwọ ḅa, tẹ tẹra aḍin karama ene kọrịnama ị̀ ḅara fa ḅa.


Jizọsị iru mẹ ḅuu tẹso, ọ̀ nwẹnị ḅẹẹ, “À kọrị fama tẹẹ!” Anịtẹso ọ̀ nwẹnị sịḅị-tuu tẹ fịị.


Ọ́ nwẹnị ḍumo pịrị ḅọ ḅe rẹ ḅaa, kụma wamịnị-mgba kiri yọ sime tẹ ẹrị ḅara ḅụ, Tamụnọ fịị ḅụ ọ̀ saakịmam.


“Ọ̀ ḅụụ ḅụ kịngẹ mie ḅọrọma simearị, bebe tomikiri mẹ ḅụ inetẹ wa ḅọrọma ḅẹ tẹ Tamụnọ kẹ tomi pịrị jụmọ ofori.”


Wamịnị na Fịafịa Tẹmẹ ḅe, tẹ Tamụnọ kẹ ọ̀ ḅịḅị pokiarị apụ pịrị, pịrị ḍiepịrịye ḅe na mie mịna aị ma ḅụ ḅẹ ḅẹrẹ-kiri sime apụ.


Ori ḅe ḅụ anie, anị Tamụnọ ḅụụ-ḅẹlẹ ḅara ḅụ, à Kịrayịsị fịrịmẹnjịḅọ sọ ye, tẹ mu ama sịẹ, sịẹ ḅụ simearị atomi mamgba mịẹtẹ ịn Kịrayịsị minini tẹ pịkị ọ̀ ḅịḅị poki ḅẹ ḅara.


Kụma inweni-mgba amụ Iḅi Oku mẹ daa-ọkịa. Ayịzaya ḅioju sọ ḅẹẹm, “KỊNỊNYANAḄỌ, ndẹẹ wa kẹ ḅo oku mẹ daa-ọkị apụ?”


À ḅiokpọ ḅara kẹ Kịrayịsị ị̀ ḅụụ ḅọrọ tẹ kọrị kọrịnama, tẹ kẹ Ja asịẹ ḅẹ apụ ma ọkị-ḅo Tamụnọ ḅịḅị poki apụ sọma ye mẹ, ḍuko ḅa. Ó miemẹ mịẹm, ẹkwẹn-ḅịḅị na mịẹ-aị na ḅụ,


Osi apụ sime tọrụ-kpọ na karakara sịkị tẹ kura-aye fịnama na pịrịm; ini ma Tamụnọ ori opu ịganị kẹ ịna ọgọnọ sara ḅa.


Tamụnọ mịẹ tẹẹ! Tụkụmaye, tarị tarị ọmịnị omoni sọ si pịrị simem sọ, ó ḅo ọmịna ḅioḅẹngbọ mamgba kẹ ịn kẹ ó tolumaye mẹ daa-ọkị tẹ anị ḅẹẹ ḅara ḍiki anga tẹ.


Tomi ḅụụ-gelema ḅụ kẹ ḅo Tamụnọ nimi ḅọkọ mẹ ẹngbẹsẹ ye goyegoye wa nụnụ ḅo kiri ḅio sararị; wa kuroma goyegoye kuun-sịẹma tẹ anị Kịrayịsị ḅịḅị pokiarị.


Ọkọẹrẹsị, ị̀ iḅi ikiapụ, àrị ọmịnị na sime sakị ọ́ kẹ sakị mamgba ị̀ ḅịḅị poki, poki ḅara mẹ ọmịnị ọkọ nẹngị ḅara kẹ ị̀ ḅịḅị poki àrị ọmịnị na ofori sakị mẹ ḅụ. Ọ́ paa ḅalafa na ḅụụ-tukutuku na kẹ kọrịnama kọrị tọrọkọ muu, tẹ kẹ ọmịna ḅọrọma mẹ mịẹ tẹ anị busunu,


tẹ ịn nwẹnị kọrị-fịnị kẹ fomu-ḅara kẹ Tamụnọ sịkịarị apụ ma na wa Nyanaḅọ Jizọsị Iḅi Oku mẹ ḍuko ye mịẹ-a apụ ma na pịrị ḅa.


Yee wa Nyanaḅọ Jizọsị Kịrayịsị ḅioju, na Tamụnọ wamịna Ḍaḅọ, wa ḅẹlẹma tẹ amịna ḍiki-ḅụụjịrị ḅụ gbarị-a ḅiokpọ na ḅiokpọmaye na kẹ wa pịrịarị ḅọ ḅe,


tẹ anie ḅụ, à Tamụnọ sẹlẹ-ọkị tẹ atomi ma gotẹ ye goyegoye inemarị, mịẹtẹ ini sọ Kịrayịsị Jizọsị ḅụ ḅọrọ tẹ ḅọrọma nyana tẹ sime gbamaso ebube mẹ la ḅarị ḅara.


Nwẹnị ọkọ kụma, enjẹlị ma ḅọrọ tọ apụ? Ini ma anie fịrịmẹnjị Tamụnọ pịrịarị atẹmẹ, tẹ ọ̀ kẹ fịrịma tẹ ḅarasụa ḅọrọma nyana ḅẹ apụ pịrịarị apụ.


anị gotẹ ọkọ sime ye, Tamụnọ iḅi anị nẹngị ye tọn-pẹlẹ wa pịrị tẹ. Ori tọn ḅara anie, ịn wamịnị na gbọrụ ḅụ ḅụ emi rẹ mie ini ma sọ ḅo kara-gbasị ḅarịye.


Minini mịẹtẹ Ebira-amụ Tamụnọ ḅịḅị poki tẹ ori ọ̀ sịn sakị, ori ori ama ḅụ paka-so Tamụnọ kẹ ọ̀ pịrị ḅẹ tẹ minini ama mẹ mum. Ọ̀ nwẹnị ori ama koroma so, ò muarị anga tọ-anga-o, tọ-anga-o nimi-a ḅara ḅụ.


Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.


Anị kuram, mịnẹ Tamụnọ, tẹ ye mamgba tẹmẹ tẹ pịkị wẹrị kpaịnmarị ḅọ ḅe, mịẹtẹ Jizọsị tọrụsiẹrị ḅụ ḅọrọ tẹ kara gbasịm, mịẹ tẹ ọ̀ tọnwa awọmẹ ọkị-ḅo tẹ ini ori ebube ḅụ ḍie kiri nyana ḅẹ ḅara. Kẹ gotẹ ọkọ ḍukoarị, Jizọsị ḅe anie tọrọkọ-sụn tẹ ịn kẹ mu ḅọrọma laarị ḅọ.


Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.


Kịrayịsị akpụrụ tẹkẹ-warị mẹ ḅio gbọrụ sakị kịngẹ kẹ ḅọrọ sọ Fịafịa-tẹịn Yọ mẹ mu sakị, ori oḅori na nambulo na ọmbie kẹ agba mịẹ ḅẹ mu-a; anie nakara ò soku-ḅẹ ọmbie mie ọ̀ kẹ mu tẹ kẹ sime gbamaso ḅọrọma nyana ḅo wa pịrị ye.


Miemẹ ẹrẹsị, Kịrayịsị ḅo ịwọ ọḅọkụ tọn-pakamaḅọ sọ tẹ, mịẹtẹ Tamụnọ sịn ḅụụ pịrị tẹ apụ ma sime gbamaso aboma ma, tẹ Tamụnọ minini tomi pịrị tẹ aị ma nyana ḅẹ ḅara. Miemẹ inetẹ mịẹ ḅa, Kịrayịsị fịị tẹ, elemu ọḅọkụ mẹ sakị ḅụ tomi mịẹ asi ma ḅụ ịn ḅọrọmarị ye mẹ gotẹ.


Anị gbọrụ ḅara mẹ ḅụ, ịn Kịrayịsị sọ kẹ gbọrụ sakị kịngẹ ḅụ agba mịẹ tẹ, kẹ tọnwa atomi asi sin ḅẹ ḅara. Ọ̀ maa sakị karama ye kẹ paka-ḅo ḅẹ sakị, ò si na mịẹ ḅẹ ye ḅarị paka ḅịa, kụma ori ò koruarị apụ ma ḅọrọma ḅa.


Mịọkụ ọ́ karakara mẹ minini tẹ anị ḅẹẹ ḅara mịẹarị ye ḅụ, tẹ ọmịna aḅụụ mamgba sịkịrị fịafịa tẹ mẹ, tẹ ḅo aka ofori ḅẹlẹma nyana ọmịnị na sọ tẹ Kịrayịsị minini apụ ma pịrị tẹ ḅara, ọ́ tẹmẹ-la ḅara kẹ jụmọ-jụmọ ḅẹlẹma, ọmịna ḅioḅẹngbọ mẹmgba ḅụ.


Wa karakara ḅara kẹ Tamụnọ nimi ḅẹ ẹrẹsị Tamụnọ Tụḅọ ḅe ḅo tẹ ò gboloma nimi mẹ kẹ wa pịrịm. Mịọkụ wa Tamụnọ na pịkị ọ̀ Tụḅọ Jizọsị Kịrayịsị ḅe na gbọrụ ḅụ angarị. Mị karakara ḅara mẹ kẹ Tamụnọ nimi mẹ anie pịkị sime gbamaso ḍumo mẹ.


tẹ ọmịna ḅụụ wẹrị kpaịnma, tẹ Tamụnọ ḅẹlẹma mẹ sakị mamgba ọmịnị na sime, tẹ tọrụ kẹ wa Nyanaḅọ Jizọsị Kịrayịsị ḅe, ori ọkụrụkụrụ ḅụ ḅo tẹ sime gbamaso ḍumo kẹ ọ́ pịrị ḅẹ ene mẹ ḍikii.


Lean sinn:

Sanasan


Sanasan