Hiburu 5:7 - FỊAFỊA BAỊBỤLỤ

⁷ Jizọsị tomikiri ḅẹ ḍumo ḅụ sime, sime sakị, oloku-oloku owu na, tọrụ owu-aminji sara na, mie ọ̀ kẹ Tamụnọ tẹkẹ, tẹkẹ tẹ ọ̀ ḅara ye ḅii ye, ori anie inetẹ fịị ḅụ ọ̀ ḅọrọma ḅẹ ḅọ ḅara ḅụ. Ọ̀ ḅụụ-lẹgịma tẹ tẹmẹ-la ḅara kẹ tẹkẹm ẹrẹsị Tamụnọ pịkị ọ̀ tẹkẹ naam.

Hiburu 5:7 Iomraidhean Croise

Devidi-Anume 22:24

Ori igoin-apụ ma kọkọrọ ḅọrọ-a, pịkị ịna tọrụsiẹrị mẹ kẹ ye-sịn-a ḅara mịẹ-a; ori in ḍiki-tọrụsin-a, kụma ịn ḅarasụa gotẹ ọ̀ sịn sakị ori ịn naarị.”

Devidi-Anume 69:1

Yei Tamụnọ, ị̀ ḅọrọmaa! Minji mẹ seri ḅo ị̀ kọngọ la tẹẹ;

Devidi-Anume 88:1

KỊNỊNYANA-TAMỤNỌ, ị̀ ḅọrọmaḅọ, bebe ene mamgba à kẹ owu pakamarị, à pịkị ḍin ḅụ ị́ tọrọkọ ḅoarị.

Ayịzaya 49:8

KỊNỊNYANAḄỌ ḍuko ori atomi pịrịarị: Ọ́ ḅọrọma ḅẹ sakị mẹ ḅo sakị, arị iḅi tọrụ kẹ ó ḍiki ḅa, tẹ ọ́ ḅarasụa gotẹ kọn-arị owu mẹ pakịrị ḅa. Arị ó ḍikiḍiki tẹ ọ́ gbaịn ḅọrọma ḅa tẹ ọmịna ḅụụ ḅọrọtẹ tomi mamgba na ọḅọkụ fị ḅa, à mịẹ tẹ ọmịnị ọmịna anga sime tẹ fa tẹ koro-simearị amakiri mẹ ḅụ siin gbọrụ sakị kẹ anga ḅa.

Ayịzaya 53:11

Ọ̀ tọrụsiẹrị ḅọrọtẹ so sakị, ọ̀ pịkị siin jen kẹ ḍereku ḅa; tẹ ò ḅo nimi ḅa mịnẹ ọ̀ papaa tọrụsiẹrị-a. Ị̀ karakara fịrịmẹnjịḅọ, ḅụụ ḅụ à tọrụ-ḅẹlẹ nyanarị ḅọ ḅe, tọnwa-apụ fomu-ḅara da ịn pịrị ḅa, tẹ ọ̀ sịḅị ẹrẹsị à si-wẹrịso ịn pịrị ḅa.

Ayịzaya 53:3

Wa ò ḍiki-sima tẹ ọ̀ sịkịm; ọ̀ tọrụsiẹrị na akụ na da alamam. Tọrụngbọ kịngẹ sọ kẹ ò ḍiki ḅọ ofori Wa ò ḍiki-tọrụsinm, ori gberie-sọ gberie-a ye ọkụ.

Lẹvitikọsị 2:2

tẹ anị ọkị-ḅo Erọnị owiapụ-awọmẹ, agbamịẹapụ ma pịrị ḅa. Anịsakị namakọrị agbamịẹḅọ ḅe nwẹnị ḅara-kuḅu ḅin kalịye ọkị ḅa gbẹẹtẹ mgbọlị-afịaị mẹ na, pulo mẹ na ḅụ, tẹ anị ḅẹ kụnụaị mẹmgba na ọkị tẹ anị dọkịma ḅa agbamịẹ-anga mẹ ọgọnọ, kẹ anịmgba kẹ ḅiokoroma kiri ḅara ḅụ. Fịnị ḅụ mịẹarị agba, KỊNỊNYANAḄỌ ḅe ḅụụ-ḅẹlẹarị kụnụ.

Matiyo 27:46

Tẹra so ḅiri ḅụ Jizọsị kụrọma oloku tẹ ḅẹẹm, “Ẹli, Ẹli, lẹma Sabakitani?” Anie fiearị ye, “Ị̀ Tamụnọ, ị̀ Tamụnọ, tiye ẹrẹsị ị́ ị̀ kẹ gbin koroma tẹ so?”

Matiyo 27:50

Tẹ Jizọsị sin kụrọma oloku tẹso, ori ịnyọ nwẹnị biin.

Makị 15:34

Anị ḅo tẹra so la sakị Jizọsị kpọma geletẹ pọkọ kẹ oloku pakamam, “Ẹli, Ẹli, lẹma Sabakitani?” Anie fiearị ye, “Ị̀ Tamụnọ, ị̀ Tamụnọ, tiye ẹrẹsị ị́ ị̀ kẹ gbin koroma tẹ so?”

Makị 15:37

Jizọsị gele pọkọ kẹ oloku tẹ fịịm.

Luku 23:46

Tẹ Jizọsị nwẹnị oloku pakama gele pọkọ ḅụ, “Ḍa! Àrị ị̀ tẹmẹ kẹ ị́ ḅara sụam!” Ò mie ḍuko tẹso, ọ̀ nwẹnị fịị.

Jọnị 1:14

Ẹkwẹn ḅe ḅo tomḅọ sọm, tẹ wamịnị na angam, tẹ ḍiki-ḅụụjịrị na karakara na ọ̀ ḅụụ ḅio ḅinm. Wa ori ebube mẹ ẹrịm, anie Ḍaḅọ ḅe kpọkpọ gbọrụ Tụḅọ ḅara ḅụ ọ̀ nyana ebube mẹ.

Jọnị 11:35

Jizọsị owum.

Jọnị 11:42

À nimi wararị sakị mamgba ị́ ị̀ naarị, kụma mịna atomi ma mie à gotẹ mị-ḅara ḍukoarị, mịẹtẹ in minini ḅẹ ḅara mịnẹ ị̀ kẹ fịrịmam.”

Jọnị 17:1

Jizọsị miemẹ ẹkwẹn fama tẹso, ọ̀ tọrụ saakị so ḍiki tẹ ḅẹẹm, “Ḍa, sakị mẹ laa tẹẹ. Mịẹtẹ ị́ Tụḅọ ḅe ebube nyana, mịẹtẹ Tụḅọ ḅe ebube kẹ ị́ pịrị ḅarị ḅara.

Romu 8:3

Tomḅọ si sime-ḅara ịnyọ nyana-a gotẹ Oloko mẹ inetẹ mịẹ-a ye mẹ, Tamụnọ mịẹ tẹ. Ori ọ̀ Tụḅọ kẹ fịrịma tẹ ò tomḅọ sọm, kẹ si dee-siin ḅẹ ẹrẹsị, tomina si sime-ḅara mẹ ḅụ.

Galesiya 4:4

Kụma kunoma ḅụ karakara sakị mẹ ḅo la tẹso, Tamụnọ ọ̀ Tụḅọ kẹ fịrịmam. Tomikiri ḅẹ iyingiḅọ iyi tụḅọ ḅara mie ọ̀ kẹ ḅo tẹ Juu-ḅẹ-apụ Oloko mẹ suku-ḅio anga ye,

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

Hiburu 10:10

Jizọsị Kịrayịsị ḅe Tamụnọ ḅiim ọ̀ mịẹ ḅẹẹ ye mịẹ tẹ ọ̀ ḅụụ kẹ gbọrụ sakị kịngẹ kẹ mịẹ agba mẹ ẹrẹsị wamịnị-mgba si ḅụ sịkịrị fịafịa tẹ.

Hiburu 10:5

Miemẹ ẹrẹsị, Kịrayịsị tomikiri mẹ ḅo ḅẹ-yearị sakị ọ̀ Tamụnọ ḅẹẹm: “Ị́ agba na ḍiepịrị-aị na ḅii-a, kụma ị́ gbọrụ oju tẹlẹma ị̀ pịrị tẹ.

Hiburu 11:7

Minini mịẹtẹ Noha tọrọkọ-jụ ḅo ḅarị sakị ḅẹ aị, tẹ ori inetẹ ẹrị ḅịa aị ma ḅụ Tamụnọ kẹ ò ḅeri nụnụ ye mẹ naa ye. Ọ̀ nwẹnị Tamụnọ ḅịḅị poki, tẹ arụ ịkasị tẹ kẹ ọ̀ ḅụụ na ọ̀ warị-suku na ḅọrọma. Anị dogi-ḅo ye anie, tomikiri mẹ ḅẹrẹ-ḅarasii ḅụ sọm, tẹ Noha nwẹnị Tamụnọ ḅara ḅụ minini ḅụ ḅọrọ tẹ ḅo, ḅo karakara mịẹ mẹ nyana.

Hiburu 12:28

Ọkọẹrẹsị, ó yee wa ịmịẹtẹ kẹ Tamụnọ ḅẹẹ, mịnẹ wa nyana wararị ama mẹ anie inetẹ jike ḅịa ye. Ó yee wa ịmịẹtẹ-ḅẹẹ ḅioḅẹngbọ kẹ sunsin Tamụnọ pịrị, ḅioḅẹlẹma ḅarị ḅọkọ ḅụ, anie ọ̀ kụn na ò mangịma na ḅụ,

Hiburu 13:20

Yee dein Tamụnọ ḅe, sime gbamaso ọḅọkụ mẹ ḅẹ ọmbie mẹ ḅụ ḅọrọ tẹ fịị ḅụ wa Nyanaḅọ Jizọsị saakịma ḅọ ḅe, anị opu Anana Ḍikiḍikiḅọ ḅe,

Hiburu 2:14

Jizọsị kẹ ịn sịn-arị ḅara ḅụ, nwẹn ḅẹẹ awọmẹ ma tomii, meni na ọmbie na nyana apụ. Jizọsị ḅioju sọ ḅo ịn kịka tẹ ịna pembe tomḅọ sọm. Ò gotẹ miemẹ mịẹ ye, ori ọ̀ fịị ḅụ ḅọrọ tẹ Ekwesu ḅe, tẹ fịị kụrọ nyanaḅọ ḅe, ḅaa guluguluma ḅẹ ḅara,

1 Jọnị 4:3

Kụma ḅẹḅọ-ḅẹḅọ tẹ Jizọsị gboloma ye ḅụ mie mẹ pikiarị ḅọ mẹ mḅọ Tamụnọ ḅụ ḅoarị Tẹmẹ ḅe nyana-a. Mḅọ nyana wararị tẹmẹ mẹ anie Kịrayịsị na tụḅụrụḅọ ḅe ḅara ḅoarị tẹmẹ; ọ́ naam mịnẹ anị ḅo ḅa, tẹ mịọkụ anị ḅo tomikiri mẹ ḅio sọ kụra-ḅio iḅerea.

2 Jọnị 1:7

Oḅori-kẹ-kịnịsịn-arị tọnwa-apụ paka anga, anga mu tẹ, bebe tomikiri mẹ ḅụ; arị atomi ma anie Jizọsị Kịrayịsị ḅo tomḅọ sọm mẹ pikiarị apụ. Ọkọ sime tomḅọ mẹ anie oḅori kẹ kịnị sịn ḅọ, pịkị Kịrayịsị-na-tụḅụrụḅọ.