Hiburu 5:3 - FỊAFỊA BAỊBỤLỤ

³ Tẹ ori sọ ịnyọ nyana-a ẹrẹsị, ò tomi ma asi ngẹrị gotẹ agba mịẹ-a, kụma ò soku-ḅẹ asi sọ ò gotẹ mịẹarị.

Hiburu 5:3 Iomraidhean Croise

Lẹvitikọsị 16:15

Anịtẹso ọkụma ò si sin agbamịẹ oḅori ḅe tẹ sime tomi ma pịrị ye ḅe ḅaa ḅa, tẹ ori ọmbie mẹ kẹ Fịafịa-tẹịn Yọ mẹ sọ-ḅo ḅa, tẹ anị kẹ owi-nambulo ḅe ọmbie mẹ mịẹ ḅara kẹ ọkụrụkụrụ Emine mẹ ọgọnọ mẹ na, anị tọrọkọ mẹ na asana ḅa.

Lẹvitikọsị 16:6

Erọnị owi-nambulo ḅe kẹ si sin agba mịẹ amịna ḅụụ pịrị, tẹ si-wẹrịso pịrị ḅẹrẹ fama amịna ḅụụ na, ọ̀ warị na pịrị ḅa.

Lẹvitikọsị 9:7

Anịtẹso Mozizi nwẹnị Erọnị ḅẹẹ, “Sọma-ḅo agbamịẹ-anga mẹ kpeki tẹ ị́ mịẹ ị́ ḅụụ na, tomi ma na pịrị ḅarị í si sin agba mẹ na, ị́ dọkịma-agba mẹ na mịẹ tẹ si-wẹrịso ḅẹrẹ fama ị́ ḅụụ na tomi ma na pịrịị; tẹ tomi ma agbamịẹye mẹ ọkị-ḅo, tẹ si wẹrịso ḅẹrẹ fama ịn pịrịị KỊNỊNYANAḄỌ ḅe wẹrịtẹ tọn tẹ ḅara.”

1 Kọrịntị 15:3

Yẹrị daa-ọkị ye mẹ mie à da-saḅama ọ́ pịrị ye, anie kpọma ḍuko ḅẹ ọkụ ofori ḅara kẹ iḅiọkụ yela wararị ye mẹ: mịnẹ Kịrayịsị wamịna asi gotẹ fịịm, Fịafịa Ḍiri mẹ ḅio anị kẹẹ koro ḅara ḅụ;

Hiburu 10:12

Anị sime-ḅara, sime-ḅara sọ, Kịrayịsị si gotẹ mịẹ gbọrụ agba mẹ, anị kụrọ nyana mu ḅẹẹ-sakị ḅẹẹ-sakị laarị, anịtẹso ọ̀ nwẹnị Tamụnọ ama-ḅara anga lẹgị-sime.

Hiburu 7:27

Ori osi Sịḅịda-Agbamịẹapụ ma kịka-a; ori ene-ḅaaene-ḅaaene amịna asi gotẹ agbamịẹ tẹrẹmẹ, ḅo pịkị tomi ma asi ma agbamịẹ ḅụụ-fụka nyana-a. Gbọrụ agba ngẹrị mie ọ̀ mịẹ tẹ kẹ arịmgba gbaịn ye, ori amịna ḅụụ kẹ mịẹ agba mẹ.

Hiburu 9:7

kụma Sịḅịda-Agbamịẹḅọ ḅe ngẹrị mie Akpụrụ tẹkẹ-warị mẹ ḅẹ kala-ḅio mẹ sọ-muarị ye, kụra gbọrụ sakị, gbọrụ sakị. Ori ọkọ muarị sakị ori ọmbie kẹ mu tẹ kẹ ori na ja apụ na nimiatẹ mịẹ asi ḅẹ agba mịẹ Tamụnọ pịrịarị, tarị ọ̀ ḅụụ gotẹ, anịtẹso ja apụ.