Hiburu 5:2 - FỊAFỊA BAỊBỤLỤ

² Ori sọ tọnwa aḅọkọ ḅụ ịnyọ nyana-a ḅọ ḅara ḅụ, ori inetẹ ọkụrụkụrụ nyana ḅara kẹ ini na mịẹ ḅa, ịna ye-nimia na mịẹ-irima ma na ḅụ.

Hiburu 5:2 Iomraidhean Croise

Paka-so 32:8

Ịn fọnya ḅara kẹ etela mẹ tẹ à tọn ịn pịrị ye mẹ ḅụ tọrụ pịkị akaka da tẹ, ịn ḅara kẹ kala nambulo tẹmẹ, tẹ sunsin anị pịrị, pịkị agba mịẹ anị pịrị tẹ ḅẹẹm, ‘yei Izirẹlị, mịna oru-atamụnọ ma anie ọmịna oru-tamụnọ ma tẹ Ijiputi ama ḅụ ọ́ pakama-ḅo aị ma!’ ”

Ayịzaya 29:24

Oḅori atomi ḍawọ tẹ anị fiearị ye naa ḅa, tẹ sakị mamgba kẹ mbụrụmbụrụarị apụ ma ḅioḅẹlẹ ḅa, ye kẹ in toluma ḅụ.”

Ayịzaya 30:11

Ọ́ wamịna etela ḅụ ḅelee, tẹ wa mẹnjị-ḅọrọarị anga kiki wa pịrị ma. Wa ọmịna Izirẹlị tẹkẹarị Fịafịa Ḅọ ḅe gboloma ye naa ḅẹ ḍọkị-a.”

Luku 22:32

Kụma Sayịmọnị, à tẹkẹ ị́ pịrị tẹẹ, mịẹtẹ í minini ḅịkị ḅịa ḅara. Ị́ pịkịma-ḅo tẹ ḅẹḅẹ, ị́ amịnapụ ma mịẹ kụrọmaa.”

2 Kọrịntị 11:30

À nwẹnị ḅụụ-boma-a so ḅịa ḅẹ kụma, ị̀ ḅụụ ịnyọ ofori mẹ ḍie-pakamarị ye mẹ mie à kẹ boma ḅarịye.

2 Kọrịntị 12:5

Mie ḅụ, ḅị tomḅọ ḅe gboloma ye mie à kẹ boma ḅarị ye, kụma arị ị̀ ḅioju kẹ boma ḅịa, ị̀ ịnyọ ofori gboloma ye sikima tẹ.

Galesiya 4:13

Ọ́ kẹ ḅiokoromaa, à tarị ḅo iḅi-oku mẹ ḍuko ọ́ pịrị sakị, mịẹtẹ à ḅo ye; arị obim ẹrẹsị.

Ẹfisọsị 4:18

tẹ kanakana ịna aḅioḅẹngbọ gbaịn wararị. Tamụnọ kẹ ori atomi pịrịarị ḍumo mẹ ḅụ in ḍiekiri nyana-a, in gberie sọ nimi-a, tẹ pịkị kọngọ kụrọmarị ẹrẹsị.

1 Timoti 1:13

karakaraye, ḅọrọtẹ sakị ḅụ, àrị ọ̀ ḅụụ siye ḍuko, ḅaa-ḅọkọ kẹ ọ̀ ḍọkị, tẹ ọ̀ mịẹ simam ḅẹsọ. Kụma Tamụnọ ì ḍiki sịḅị-kụrụkụrụm, à minini nyana-a tẹ nimi-a ḅụ anị mịẹm ẹrẹsị.

Hiburu 12:13

Ó gono-gono etela ngẹrị ḅụ mẹnjịị, mịẹtẹ ekeli wararị ḅụọ mẹ ḅarị gbọrsịḅị ḅo kẹ mịẹ mịẹye-ofori ḅara sime ḅịa ḅara, kụma, anie nakara, anị ḅo gwọọtẹ ye sọ ḅe ḅara.

Hiburu 2:17

Miemẹ fiearị ye anie ḅọkọ, ḅọkọ mamgba ḅụ ori ori amịnapụ ma na kịka fama ḅẹm, mịẹtẹ ò ḅioḅẹngbọ-kẹ-sịrẹrẹ-niḅi tẹ pịkị ọkụrụkụrụ nyana wararị Sịḅịda-Agbamịẹḅọ sọ ḅẹ ḅara, Tamụnọ fịrị mẹ ḅụ, mịẹtẹ Tamụnọ tomina asi wẹrịso ḅarị ḅara.

Hiburu 2:18

Tẹ mịọkụ ori inetẹ ḅarasụa daaḍiki laarị apụ pịrị ḅa, ò ḅioju sọ daaḍiki na ḅụụ-fụka na da tẹ ẹrẹsị.

Hiburu 4:15

Wamịna Sịḅịda-Agbamịẹḅọ ḅe anie inetẹ ọkụrụkụrụ nyana wamịna ịnyọ ofori ma pịrị ḅịa ḅọ-a. Kụma wa nyana wararị Sịḅịda-Agbamịẹḅọ ḅe anie, ịn ḅọkọ-ḅọkọ ḅụ, ịn wa daaḍikiarị ḅara kẹ daaḍiki tẹ kụma gbọrụ si sọ mịẹ-a ḅọ.

Hiburu 7:28

Mozizi Oloko mẹ la-a atomi tọn-arị ịn Sịḅịda-Agbamịẹapụ sọ; kụma Tamụnọ karị tẹ minini ye mẹ, anie Oloko mẹ ḅọrọ tẹrẹmẹ ḅo ye mẹ, Tụḅọ ḅe tọnm, anie Tamụnọ mịẹ tẹ laa gbamaso tẹ ḅọ ḅe.

Hiburu 9:7

kụma Sịḅịda-Agbamịẹḅọ ḅe ngẹrị mie Akpụrụ tẹkẹ-warị mẹ ḅẹ kala-ḅio mẹ sọ-muarị ye, kụra gbọrụ sakị, gbọrụ sakị. Ori ọkọ muarị sakị ori ọmbie kẹ mu tẹ kẹ ori na ja apụ na nimiatẹ mịẹ asi ḅẹ agba mịẹ Tamụnọ pịrịarị, tarị ọ̀ ḅụụ gotẹ, anịtẹso ja apụ.

Jemụsị 5:19

Ị̀ amịnapụ, ọmịna ḅụụ ḅẹ gbọrụḅọ karakara mẹ ḅụ ḅele tẹ jụmọ mḅọ sịn pịkị-ḅo ḅoo,

1 Pita 2:25

Etela iri-faa tẹ anana anie ọ́ kịka yee, kụma mịọkụ Tamụnọ ọ́ kẹ pịkị ọmịna atẹmẹ Ḍikiḍikiḅọ, pịkị Kokoḅọ ḅe ḍukamẹnjị ḅẹ ḅo tẹẹ.

Ḅẹrẹkọn-apụ 2:17

Anịsọ ini ịna ḅẹrẹkọn-apụ ma poki-a, gbala ịn sịḅị-tuu-tuu oru-atamụnọ ma pịrị sẹfị mẹnjị mẹ kọn-arị ẹrẹsị; ala-a sakị ḅụ ini etela mẹ tẹ ịna aḍapụ ma tẹ KỊNỊNYANAḄỌ ḅe tọn aị ma poki apụ ma mẹnjị tẹ ye mẹ ḅụ pịkị jen anga dam, tẹ ḅarị ọkọ mịẹ-a.