Hiburu 5:12 - FỊAFỊA BAỊBỤLỤ

¹² Ọ́ sakị nyana lamam, ọ́ kẹ ye kẹ ja apụ toluma ḅẹ apụ sọ — anịsọ ọ́ paa ḅiiarị kịnị Tamụnọ oku mẹ ḅẹ Suku-saakị aị ma kẹ ó tolumaa, mịọkụ mẹ ḅụ sọ. Ọ́ kụrọtẹ fịye fị ḅẹ nakara, ọ́ paa ndo-ndoarị.

Hiburu 5:12 Iomraidhean Croise

2 Samụẹlị 16:23

Arị ene ma ḅụ datụkụma nimi ẹkwẹn tẹ Ayitofẹlị kọn aị ma, gbala Tamụnọ ḅịḅị ḅii ḅara ḅụ ḅo ẹkwẹn-aḅịḅị sime-ḅara simem; anị ḅara mie Devidi ḅụụ-o, Abusalọmụ ḅụụ-o, Ayitofẹlị datụkụma nimi ẹkwẹn mamgba yela ḅara.

Ẹzịra 7:10

Gbala ori ò ḅioḅẹngbọ kẹ KỊNỊNYANAḄỌ oloko mẹ ḍawọ pịrịm, tẹ anị mịẹ ḅẹ ḅiim, tẹ Izirẹlị ḅụ ori oloko ma tẹ kẹẹ wararị aị ma na, kụrọ-ḅara ḅio sime apụ oloko ma na toluma ḅẹ ḅiim ẹrẹsị.

Devidi-Anume 34:11

Ì ikiapụ, asambịrịma apụ, ó ḅoo, tẹ ì pokii: à KỊNỊNYANAḄỌ ḅe kụn-kụn ḅara kẹ ó toluma ḅa.

Ayịzaya 28:13

Anie mie KỊNỊNYANAḄỌ ḅe gotẹ ẹkwẹn-ngbọ-ngbọ na, ọrụ-ọrụ na, ḍawọye, ḍawọye ḅụ ye kẹ ó toluma ḅẹ-yearị. Anịtẹso ó siin ḅụọ, ḅụọ ḅụ ọ́ pụmbụ ḅa. Ye ọ́ la ḅa, ḍiein ó kun sịẹma ḅa, tẹ ini ikoliapụ ḅara kẹ ó kun so ḅa.

Ayịzaya 55:1

KỊNỊNYANAḄỌ ḅe mẹẹ: Minji ḅu pọkọ-tarịarị ḅọ goḅọ-goḅọ ḅoo, mie minji! Ọmịnị igbigi nyana-a apụ, ó ḅo mbịaka fẹ fị! Ḅoo! Iru na ndo-minji na fẹẹ ị́ gbẹẹ ḅẹ gbọrụ igbigi sọ ofori!

Matiyo 17:17

Jizọsị nwẹnị pakịrị, “Ọmịnị minini nyana-a tẹ pịkị kuraye mịẹ-a atomi ḅara ḍikii! Àrị ọmịnị na sime mu tọ sakị la ḅẹ? Àrị ọmịnị inema mu tọ sakị la ḅẹ? Tụḅọ ḅe kẹ mịanga ḅo ị̀ pịrịị!”

Makị 9:19

Jizọsị nwẹnị ịn ḅẹẹ, “Amụ ọ́ paa minini nyana-a ḅara ḍikii! À ḅọrọ ọmịnị na sime mu tọ-sakị la ḅẹ? À ḅọrọ ọmịna amịẹaị ma inema mu tọ-sakị la ḅẹ? Ọ́ tụḅọ ḅe ọkị-ḅo ị̀ pịrịị!”

Fịrịmẹnjịapụ 7:38

Ori anie Izirẹlị ḅẹ awọmẹ ma kobiri-ogbo mẹ na sime ḅọ ḅe ịkpa mẹ ḅio ḅụ; ori anie wamịna atẹngịapụ ma na enjẹlị ḅe na sime ḅọ ḅe, anie Sayịnayị Tụndụ ọgọnọ ẹkwẹn ọ̀ pịrị enjẹlị ḅe, tẹ ori anie pịkị Tamụnọ ḅịḅị paka-ḅo ḍumo wararị oku mẹ daḅọrọma wa pịrị ḅọ ḅee.”

Romu 3:2

Karakara-ḅara-ḅụ ḅọkọ, ḅọkọ ḅụ anị nyana iḅi ḅakam. Tarị ye, Tamụnọ ori oku mẹ kẹ Juu-ḅẹ-apụ ma ḅara sụam.

1 Kọrịntị 14:19

Kụma sọsị mẹ kobiri tẹ sunsin Tamụnọ pịrị ḅẹ anga ḅụ, arị ẹkwẹn sọnọ amgbọ, tẹ kịnị arị fiearị ye naa tẹ ye ḍawọ ọkị ḅẹ aị kọn ị̀ ḅụụ ḅẹrẹ sọ kẹ à kịrị aḅẹlẹ kẹ kọọn sara ḅẹ ẹkwẹn ẹndẹ-ẹndẹ ma nẹngịm.

1 Kọrịntị 14:20

Ị̀ amịnapụ, ọmịna kuroma ḅụ ọ́ kala awọmẹ kịkama; siye mịẹ ngẹrị ḅụ ọ́ kala awọmẹ sọọ; kụma ọmịna kuroma ḅụ ọ́ ḍụḅa paka-ḅo tẹ apụ sọọ.

Galesiya 4:3

Mị gbọrụ ḅara ḅụ, wamịnị sọ omoni-sọ so na kiri na ḅụ ḅẹrẹtọn sime atẹmẹ ma pịrị ḅara, amụ wa tẹmẹ gboloma aị ḅụ ḍụḅa paka-ḅo-a sakị mẹ ḅụ.

Filipayị 3:1

Anị ḅẹ kunoma ye ị̀ amịnapụ, ọmịnị ọ́ KỊNỊNYANAḄỌ ḅe na gbọrụ ḅụ emi mẹ go ḅioḅẹlẹẹ. Jen sakị à kẹẹ tẹ aị ma sin kẹẹ sọ ị̀ ḅụụ si-a, tẹ anị ḅara mịẹ mẹ iḅi kẹ ọ́ mịẹ tẹịnma ḅa.

Kọlọsị 3:16

Kịrayịsị oku mẹ na anị ḅẹ iḅi mẹmgba ọmịna aḅioḅẹngbọ ḅụ angaa. Nimi mẹmgba ḅụ ó ye kẹ jụmọ-jụmọ tolumaa. Ó Devidi nume mẹ ḅẹ aị na ja anume na fịafịa anume na suu; ó su Tamụnọ bomaa, ịmịẹtẹ-ḅẹẹ aḅioḅẹngbọ ḅụ.

Hiburu 10:32

Ọ́ ḅọrọtẹ sakị ḅụ ye ọmịnị na sime-ḅara kẹ ḅiokoromaa. Arị ene ma ḅụ, tẹ Tamụnọ bele mẹ ḅo ọ́ la sakị mẹ, ọ́ kpọma tọnwa ḅụụ-fụka dam, anịsọ arị ọ́ nẹngịma-a.

Hiburu 5:11

Mị ḅẹrẹ mẹ ḅụ wa nyana tẹ ḍuko ḅẹ aị ḅakam, kụma ḍuko finji ọ́ pịrị mẹ ḅụụ-fụkamam, ọmịnị inetẹ sarasarama ye fiearị ye naa ḅo ḅo-a ẹrẹsị.

Hiburu 5:13

Paa ndo-ndo ḅẹ ḅọ mẹ mḅọ anie paa kalatụḅọ, mḅọ amụ paa kuraye na kura-aye na gbolomaye ḅẹ nimi nyana-a.

Hiburu 6:1

Ọkọẹrẹsị, ó yee wa ḍawọye mẹ ḅụ mẹnjị tọrọkọ mu, tẹ ye-nimi ḅiri la tẹ apụ ḍawọ na-iḅi aị toluma, tẹ Kịrayịsị etela mẹ ḅẹ Suku-saakị aị ma ḅụ ḅara-siin. Wa Kịrayịsị etela mẹ ḅẹ Suku-saakị gboloma aị tẹ wa toluma sime aị ma ḅụ ḅara-siin ḅa, tẹ ḅarị jen Suku-saakị aị toluma ḅịa — anie si amịẹaị ḅụ pịkị tẹ Tamụnọ minini na;

1 Pita 2:2

Ịwọma iyi awọmẹ ḅara ḅụ, tẹmẹ ḅụ ḅẹ ndo mẹ ndo mẹ, sakị mamgba ọ́ tarịị, mịẹtẹ ọmịnị anị ndo mẹ ndo tẹ ḍụḅa paka-ḅo tẹ ḅọrọma ḅarị ḅara.

1 Pita 4:11

Ḅẹḅọ-ḅẹḅọ tẹ Tamụnọ ẹkwẹn kọn-arị ḅọ, mḅọ Tamụnọ oku ma ḍukoo; ḅẹḅọ-ḅẹḅọ tẹ fịrịmẹnjịarị ḅọ mḅọ Tamụnọ kẹ mḅọ pịrịarị ịnyọ ḅụ mẹnjịị, mịẹtẹ ye mamgba ḅụ tomi Jizọsị Kịrayịsị ḅụ ḅọrọ tẹ Tamụnọ tokini ḅẹ ḅara, anie ebube na kụrọ na sime pịrị ḅọ ḅe, mu ḅẹ sakị, ḅẹ sakị la. Amẹnị.