Hiburu 5:11 - FỊAFỊA BAỊBỤLỤ

¹¹ Mị ḅẹrẹ mẹ ḅụ wa nyana tẹ ḍuko ḅẹ aị ḅakam, kụma ḍuko finji ọ́ pịrị mẹ ḅụụ-fụkamam, ọmịnị inetẹ sarasarama ye fiearị ye naa ḅo ḅo-a ẹrẹsị.

Hiburu 5:11 Iomraidhean Croise

1 Amadapụ 10:1

Sẹba ḅẹ amada-ẹrẹḅọ KỊNỊNYANAḄỌ ḅe ẹrẹ gbolomaye ḅụ Sọlọmọnị ereso naa tẹso, á nwẹnị kụrọ-kụrọtẹ ḅii-aḅịḅị kẹ ọ̀ daaḍiki ḅẹ tẹ dọkụ Jeruselemu mu.

Ayịzaya 6:10

Anịtẹso ori ị̀ ḅẹẹm, “Mịẹ tẹ mịna atomi ma akuroma ma oḅoku, ịna aḅeri iningi, tẹ ịna atọrụngbọ pụụn, mịẹ tẹ ịn ḅarị inetẹ ye ẹrị, anịanịa naa, anịanịa ye fie ye naa ḅịa ḅara. Ini ọkọ mịẹ namịna, mimgbe ịn pịkị ị̀ dama-ḅo tẹ gwọọ tẹ.”

Matiyo 13:15

ịna akuroma sarasara-a ẹrẹsị, ịn pịkị ịna aḅeri suke pụnma tẹ, pịkị ịna atọrụngbọ gbaịn tẹ. Ọkọ-a kụma ịna atọrụngbọ ma ḅofa ye ẹrị, ịna aḅeri ma ḅofa ye naa, ịna akuroma ma ḅofa ye fiearị ye nimi, tẹ in ḅofa pịkịma ị̀ dama-ḅo, anie Tamụnọ ḅẹẹarị ḅara, tẹ arị ịn gwọ.”

Makị 8:21

Ọ̀ nwẹnị in gbela, “Amụ ọ́ paa anị fiearị ye naa ḅo-a?”

Luku 24:25

Anịtẹso Jizọsị nwẹnị ịn ḅẹẹ, “Ọmịnị kụma ọ́ kpọma oḅori-sọ ḍinm! Ịkịankoroapụ ma ḍuko aị ma ḅẹ gberie sọ ọmịnị inetẹ sarasarama minini-a.

Jọnị 16:12

“À tọnwa jaị nyana tẹ ḍuko ọ́ pịrị ḅẹm, kụma mịọkụ mẹ ḅụ ḅaka ḅa ọ́ jaị naa kụma.

Jọnị 6:6

(Kẹ Filipu ḅịḅị paka ḅẹ ye ḍọkị anie Jizọsị gotẹ miemẹ gbela ye, ori kụma ọ̀ mịẹ ḅẹ ye ò nimi wẹrịm.)

Fịrịmẹnjịapụ 28:27

kẹ gotẹ ọkọ ḅẹẹarị, mịna atomi ma ịna aḅioḅẹngbọ ikiri tẹ, tẹ ini ịna aḅeri suke pụnma tẹ; ịn pịkị ịna tọrụngbọ gbaịn tẹ. Anie ofori ịna atọrụngbọ ḅofa ye ẹrị, tẹ ịna aḅeri ye naa, tẹ ịna ḅioḅẹngbọ ye fie ye nimi, tẹ ịn pịkị ị̀ da tẹ arị ịn gwọ.”

Hiburu 5:10

tẹ Tamụnọ ḍuko pakamam, mịnẹ ori anie Sịḅịda-Agbamịẹḅọ, Mẹlịkizẹdẹkị agbamịẹ ọrụ sime-ḅara ḅụ.

Hiburu 5:12

Ọ́ sakị nyana lamam, ọ́ kẹ ye kẹ ja apụ toluma ḅẹ apụ sọ — anịsọ ọ́ paa ḅiiarị kịnị Tamụnọ oku mẹ ḅẹ Suku-saakị aị ma kẹ ó tolumaa, mịọkụ mẹ ḅụ sọ. Ọ́ kụrọtẹ fịye fị ḅẹ nakara, ọ́ paa ndo-ndoarị.

2 Pita 3:16

Ọ̀ kẹẹ aḍiri mamgba ḅio mị gbọrụ ye mẹ mie ọ̀ kẹ ḅẹrẹ-sịḅị sọma tẹ kẹẹarị ye. Ori aḍiri ma ḅio ḅụụ-fụkama aị emi, anie gberie-sọ nimi-a apụ ma tẹ ḅụọ gbọrụ anga sịẹ sịẹ-a apụ iruo ḅara kẹ ḍuko finjiarị aị ma, anie ịn kẹ Fịafịa Ḍiri mẹ ḅio paka-ḅo aị ma ḅẹ jaị sọ na mịẹarị ḅara. Mie ḅụ in gulugulu dogi-ḅo ịna ḅụụ pịrịarị.