Hiburu 5:10 - FỊAFỊA BAỊBỤLỤ

¹⁰ tẹ Tamụnọ ḍuko pakamam, mịnẹ ori anie Sịḅịda-Agbamịẹḅọ, Mẹlịkizẹdẹkị agbamịẹ ọrụ sime-ḅara ḅụ.

Hiburu 5:10 Iomraidhean Croise

Suku-saakị 14:18

Mẹlịkizẹdẹkị, Selẹmụ ḅẹ amadaḅọ, ori anie pịkị Geletẹịn Tamụnọ ḅe agbamịẹḅọ ḅe fịturu na iru na pakama-ḅo Ebiramụ pịrịm,

Devidi-Anume 110:4

KỊNỊNYANAḄỌ ḅe tẹmẹ-la ḅara kẹ minini ị́ pịrịye mẹ ḅụ ọ̀ ḅịḅị ḍima ḅịa: “Ị́ agbamịẹḅọ sọ gbamaso ḅa Mẹlịkizẹdẹkị agbamịẹ ọrụ sime-ḅara.”

Hiburu 2:17

Miemẹ fiearị ye anie ḅọkọ, ḅọkọ mamgba ḅụ ori ori amịnapụ ma na kịka fama ḅẹm, mịẹtẹ ò ḅioḅẹngbọ-kẹ-sịrẹrẹ-niḅi tẹ pịkị ọkụrụkụrụ nyana wararị Sịḅịda-Agbamịẹḅọ sọ ḅẹ ḅara, Tamụnọ fịrị mẹ ḅụ, mịẹtẹ Tamụnọ tomina asi wẹrịso ḅarị ḅara.

Hiburu 3:1

Kịrayịsị ḅụ ị̀ amịnapụ, tẹ Tamụnọ kẹ wamịnị na sụa sịn apụ! Ó Jizọsị, Tamụnọ kẹ fịrịmaḅọ ḅe tẹ wa ḍuko pakamarị minini oku mẹ ḅẹ Sịḅịda-Agbamịẹḅọ sọma ḅọ ḅe, kẹ ḅiokoromaa.

Hiburu 5:11

Mị ḅẹrẹ mẹ ḅụ wa nyana tẹ ḍuko ḅẹ aị ḅakam, kụma ḍuko finji ọ́ pịrị mẹ ḅụụ-fụkamam, ọmịnị inetẹ sarasarama ye fiearị ye naa ḅo ḅo-a ẹrẹsị.

Hiburu 6:20

Jizọsị wa gotẹ tarị mu anịanga la tẹ, tẹ Sịḅịda-Agbamịẹḅọ sọ gbamaso tẹ, Mẹlịkizẹdẹkị agbamịẹ ọrụ sime-ḅara.