Hiburu 5:1 - FỊAFỊA BAỊBỤLỤ

¹ Sịḅịda-Agbamịẹḅọ goḅọ-goḅọ, tomina ogboku ḅụ mie ini mḅọ sẹlẹ pakama-ḅo tẹ mḅọ tomi ma gotẹ Tamụnọ fịrị mẹnjịarị ye, tẹ tomina asi gotẹ kẹ ḅo agbamịẹ-aị na ḍiepịrị-aị na da ḅọrọma Tamụnọ pịrịarị ye.

Hiburu 5:1 Iomraidhean Croise

Lẹvitikọsị 8:2

“Erọnị na, ori owiapụ-awọmẹ na kẹ ọ̀ ḅụụ sụa ọkịị pịkị opu akapa ma na, fịafịa-pulo mẹ na, si siin agba mịẹ owi-nambulo ḅe na, maa ejimina ma na, sunmaye sọ-a fịturu kana mẹ na ọkịị;

Lẹvitikọsị 9:7

Anịtẹso Mozizi nwẹnị Erọnị ḅẹẹ, “Sọma-ḅo agbamịẹ-anga mẹ kpeki tẹ ị́ mịẹ ị́ ḅụụ na, tomi ma na pịrị ḅarị í si sin agba mẹ na, ị́ dọkịma-agba mẹ na mịẹ tẹ si-wẹrịso ḅẹrẹ fama ị́ ḅụụ na tomi ma na pịrịị; tẹ tomi ma agbamịẹye mẹ ọkị-ḅo, tẹ si wẹrịso ḅẹrẹ fama ịn pịrịị KỊNỊNYANAḄỌ ḅe wẹrịtẹ tọn tẹ ḅara.”

Romu 15:17

Anị ḅara ḅụ, à Kịrayịsị Jizọsị ḅụ sọ tẹ kọrị Tamụnọ pịrị kọrịnama mẹ àrị inetẹ anị kẹ ḅụụ-tọn ḅa.

1 Kọrịntị 15:3

Yẹrị daa-ọkị ye mẹ mie à da-saḅama ọ́ pịrị ye, anie kpọma ḍuko ḅẹ ọkụ ofori ḅara kẹ iḅiọkụ yela wararị ye mẹ: mịnẹ Kịrayịsị wamịna asi gotẹ fịịm, Fịafịa Ḍiri mẹ ḅio anị kẹẹ koro ḅara ḅụ;

Hiburu 10:11

Juu-ḅẹ-apụ agbamịẹḅọ nwẹn sin ḅọ, sin ḅọ amịna afịrị mẹnjịarị, ene, ene ḅụ, tẹ tọnwa asakị kẹ gbọrụ agba ḅara mẹ mịẹarị; kụma mịna agba ma inetẹ gbala-gbala tomina asi sin-a.

Hiburu 10:12

Anị sime-ḅara, sime-ḅara sọ, Kịrayịsị si gotẹ mịẹ gbọrụ agba mẹ, anị kụrọ nyana mu ḅẹẹ-sakị ḅẹẹ-sakị laarị, anịtẹso ọ̀ nwẹnị Tamụnọ ama-ḅara anga lẹgị-sime.

Hiburu 11:4

Minini ḅụ mie Ebẹlị ḅọrọ tẹ iḅi Keni agba nẹngị agba mịẹ Tamụnọ pịrị ye. Ò minini ḅụ mie ọ̀ ḅọrọ tẹ Tamụnọ tokini-ḅịḅị nyana ye, mịnẹ ori karakara tomḅọ; kẹ gotẹ ọkọ ḍukoarị, Tamụnọ ọ̀ kẹ ḍie ọ̀ pịrị aị ma daa-ọkịm. Ọ̀ nyana minini mẹ ẹrẹsị, Ebẹlị ḅẹ, ọ̀ fịị tẹ sọ, mịọkụ ọ̀ paa ẹkwẹn-arị.

Hiburu 2:17

Miemẹ fiearị ye anie ḅọkọ, ḅọkọ mamgba ḅụ ori ori amịnapụ ma na kịka fama ḅẹm, mịẹtẹ ò ḅioḅẹngbọ-kẹ-sịrẹrẹ-niḅi tẹ pịkị ọkụrụkụrụ nyana wararị Sịḅịda-Agbamịẹḅọ sọ ḅẹ ḅara, Tamụnọ fịrị mẹ ḅụ, mịẹtẹ Tamụnọ tomina asi wẹrịso ḅarị ḅara.

Hiburu 7:27

Ori osi Sịḅịda-Agbamịẹapụ ma kịka-a; ori ene-ḅaaene-ḅaaene amịna asi gotẹ agbamịẹ tẹrẹmẹ, ḅo pịkị tomi ma asi ma agbamịẹ ḅụụ-fụka nyana-a. Gbọrụ agba ngẹrị mie ọ̀ mịẹ tẹ kẹ arịmgba gbaịn ye, ori amịna ḅụụ kẹ mịẹ agba mẹ.

Hiburu 8:3

Sịḅịda-Agbamịẹḅọ ịn nwẹn-sịn goḅọ-goḅọ, in gotẹ mḅọ tọn pakama ye anie, mḅọ ḍiepịrị-aị daḅọrọma Tamụnọ pịrị, tẹ pịkị nama agba mịẹ ọ̀ pịrị; tẹ mị-ḅara ḅụ wamịna Sịḅịda-Agbamịẹḅọ ḅe sọ nyana tẹ daḅọrọma Tamụnọ pịrị ḅẹ ye emi.

Hiburu 8:4

Ò tomikiri emi namịna, ọ̀ ḅarị agbamịẹḅọ sọ-a so tẹ, Juu-ḅẹ-apụ Oloko mẹ ḅii ḅara ḅụ ḍiepịrị-aị daḅọrọma Tamụnọ pịrịarị apụ emi sakị goyegoye.

Hiburu 9:9

Miemẹ anie tọnma ye, tẹ anị ḅara-tụngbalị kẹ mị sakị mẹ tọkịmarị. Anị fiearị mịnẹ ḍiepịrị-aị ma na, nama agba ma na, tẹ ịn kẹ Tamụnọ pịrị tẹ aị ma inetẹ Tamụnọ tẹkẹarị apụ ma ḅioḅẹngbọ mịẹ iḅima fama-a,