Hiburu 4:9 - FỊAFỊA BAỊBỤLỤ

⁹ Anị sime-ḅara, sime-ḅara sọ, Ịnyọsara-Ene paa sime Tamụnọ atomi pịrị wararị, Tamụnọ sọnọma aḍin karama ene mẹ ḅụ ọ̀ kọrịnama ḅụ ịnyọsara ḅara pembe ḅara.

Hiburu 4:9 Iomraidhean Croise

Devidi-Anume 47:9

Sịẹ-sịẹ ma ḅẹ ḅẹrẹtọn-apụ ma ḅo Ebira-amụ sịḅị-tuu pịrị Tamụnọ ḅe atomi ma na kobiriarị. Ori ḅe ọ̀ kụrọ nyana ọmụ-ogbo-ogbo mamgba nẹngịm; ori tẹịn ḅẹrẹtọnḅọọ.

Paka-so 16:30

Anie ḅụ tomi ma sọnọma aḍin karama ene mẹ ḅụ ịnyọsaram.

Ayịzaya 11:10

Anị ene mẹ ḅụ, anie Devidi furo ḅụ ịwọma amadaḅọ sọ ḅọ ḅe elekima sọ sịẹ-sịẹ ma pịrị ḅa. In ḅo ori ama-daarị opu ama mẹ ḅio kobiri tẹ kụn kẹ ọ̀ pịrị ḅa.

Ayịzaya 57:2

Inima tẹ iḅi ḍumo kọn-arị apụ ma, fịị ḅụ in dein na ịnyọsara na nyanarị.

Matiyo 1:21

Árị owiḅọtụḅọ iyi ḅa, tẹ ị́ kẹ ọ̀ sịn ḅarịye Jizọsị (anie fiearị Ḅọrọmaḅọ), ori amịna atomi asi ḅụ ịn ḅọrọma ḅẹ ẹrẹsị.”

Tayịtọsị 2:14

Ọ̀ wa gotẹ ọ̀ ḅụụ saakị pịrịm, tẹ si-sịḅịḅio mẹmgba ḅụ wa pụkọ-pakamaḅo, tẹ wa mịẹtẹ wa kpaịntẹ atomi sọ tẹ sime ori kịngẹ pịrị, tẹ iḅiye ngẹrị mịẹ ḅẹ ḅio-sẹsẹ nyana.

Hiburu 11:25

Tamụnọ atomi ma na sọ tẹ tọrụsiẹrịarị ọ̀ ḅụụ-ḅẹlẹ, boowa kala-sakị kẹ si ḅụ sime tẹ tọrụ-ḅẹlẹ nẹngịm.

Hiburu 3:11

Àrị ịganị tẹ tẹmẹ-la ḅara kẹ karịm, ‘Ini ma, à minini ịn pịrị tẹ in mu ịnyọsara ḅẹ ama mẹ ḅio gbala-gbala ịn sọ-mu ḅịa.’ ”

Hiburu 4:1

Mịọkụ, Tamụnọ minini wa pịrị tẹ, mịnẹ ò ḍuko wararị ịnyọsara mẹ wamịna ḅara la ḅa. Ọkọẹrẹsị, ó yee wa ẹbị, mịnẹ ọmịna ḅụụ gbọrụḅọ-sọ Tamụnọ minini ịnyọsara mẹ nyana-a som.

Hiburu 4:10

Anị ịnyọsara mẹ tẹ Tamụnọ minini ye mẹ, ḅara la ḅọ, la ḅọ mḅọ amịna kọrịnama ḅụ ịnyọsara ḅa, Tamụnọ amịna nye ḅụ ịnyọsara ḅara.

Hiburu 4:3

Anịsakị wamịnị minini nyana apụ ma Tamụnọ minini ori atomi pịrị ịnyọsara mẹ nyana tẹ. Anie ọ̀ paa ḍuko ḅara mẹ, “Àrị ịganị tẹ tẹmẹ-la ḅara kẹ karịm, Ini ma à minini ịn pịrị tẹ ịnyọsara mẹ ḅio, gbala-gbala ịn sọ-mu ḅịa!” Ó miemẹ ḍukom, karakara ye, tomikiri mẹ tẹmẹ kọrịnama mẹ, Anịngẹ-kụraḅio ọ̀ ḅara fa tẹ ḅẹ sọ.

Hiburu 4:8

Jọsụwa nwẹnị Tamụnọ minini tomi ma pịrị ịnyọsara mẹ kẹ ịn pịrị namịna, Tamụnọ ḅarị jen Ịnyọsara-Ene gbolomaye ḍuko ḅịa, anị sakị mẹ ḅọrọ tẹ sọ.

1 Pita 2:10

Sakị ḅẹ gbọrụ sakị ḅụ ọmịnị Tamụnọ atomi-a, kụma mịọkụ ọmịnị ori atomi sọ tẹ; sakị ḅẹ gbọrụ sakị ḅụ ọ́ Tamụnọ ọkụrụkụrụ nimi-a, kụma mịọkụ ọmịnị ori ọkụrụkụrụ nyana tẹ.

Mịẹfinji 14:13

Anịtẹso à So-ḅio gbọrụ pọkọ naam, ḅẹẹ mịnẹ, “Miemẹ kẹẹ koromaa. Mịọkụ saakị tọrọkọ mu ḅioḅẹlẹ sime KỊNỊNYANAḄỌ ḅe fịrị mẹ ḅio sime tẹ fịị apụ ma pịrịm.” Tẹmẹ ḅe nwẹnị pakịrị, “Inn, karakaraye lamam! Ini ịna kụrọ kọrịnama mẹ ḅụ ḅioḅẹlẹ ịnyọsara ḅa, tẹ ịn mẹnjị fịrị mẹ dogi-ḅo ye mẹ ini na muarị ẹrẹsị.”

Mịẹfinji 21:4

Ori ịna atọrụ ḅẹ owu-minji mamgba sin ḅa. Fị ḅarị jen-maaịn kẹ paka ḅịa; kururu na, owu na, akụ na sọ ḅarị paka ḅịa. Elemu aị ma ḅọrọ so tẹẹ.”