Hiburu 4:8 - FỊAFỊA BAỊBỤLỤ

⁸ Jọsụwa nwẹnị Tamụnọ minini tomi ma pịrị ịnyọsara mẹ kẹ ịn pịrị namịna, Tamụnọ ḅarị jen Ịnyọsara-Ene gbolomaye ḍuko ḅịa, anị sakị mẹ ḅọrọ tẹ sọ.

Hiburu 4:8 Iomraidhean Croise

1 Paka-aị 7:27

Nọnị na, Jọsụwa na.

Devidi-Anume 105:44

Japụ akiri mie ọ̀ saakị ịn pịrịye tẹ minini tẹ ịn nwẹnị pịkị ịna ḍụọ ḍiḅi akiri ma sọ ọkị,

Devidi-Anume 78:55

Ori atomi ma ḅo kpekiarị sakị, ori anị yọ anga apụ ma dee-dee pakamarị; ori ịna kiri mẹ ḍie Izirẹlị afuro ma pịrị tẹ ịna anga ayọ ma kẹ ori atomi pịrịm.

Fịrịmẹnjịapụ 7:45

Sakị ḅọrọ tẹso, wamịna atẹngịapụ ma ịna aḍapụ ḅara akpụrụ-warị mẹ daa-ọkịm, tẹ anị dogi tẹ Jọsụwa na mẹnjị mu Tamụnọ dee-siin apụ ma ama ma ọkị ịna nye sọmam. Anịanga anị sime nwenii mu Devidi ḅụọ lam.

Ditẹrọnọmị 12:9

Kẹ gotẹ ọkọ ḅẹẹarị, amụ ó ḅo ịnyọsara mẹ na, sime anga mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị anga mẹ na la-a.

Ditẹrọnọmị 25:19

Anịẹrẹsị KỊNỊNYANAḄỌ ọmịna Tamụnọ ḅe ọmịnị ikelema-koro wararị ọmịnị na fịya-a apụ mamgba ḅụ ịnyọsara kẹ ọ́ pịrị sakị, anị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị nyana ḅẹ ama mẹ ḅio, ó so mẹ suku-ḅio ḅụ Amalẹkị emi nwẹn ḅẹẹ kuroma mẹ sịkịrị siin ḅa; ọ́ kẹ ḅioḅọrọma ma.

Hiburu 1:1

Ḅọrọ tẹ sakị ḅụ Tamụnọ ịkịankoroapụ ma ḅụụ ḅọrọ tẹ, tọnwa asakị na tọnwa aḅọkọ na ḅụ ẹkwẹn wamịna atẹngịapụ ma pịrịm,

Hiburu 4:9

Anị sime-ḅara, sime-ḅara sọ, Ịnyọsara-Ene paa sime Tamụnọ atomi pịrị wararị, Tamụnọ sọnọma aḍin karama ene mẹ ḅụ ọ̀ kọrịnama ḅụ ịnyọsara ḅara pembe ḅara.

Jọsụwa 1:15

nwenii KỊNỊNYANAḄỌ ḅe ịnyọsara kẹ ọmịna amịnapụ na ọmịnị na pịrị ḅa, anịsakị ịn nwẹnị pịkị anị ama mẹ tẹ KỊNỊNYANAḄỌ ḅe kẹ ịn pịrịarị ama mẹ nyana ḅa; anịtẹrẹmẹ mie ọ́ pịkịma ọ́ nyana ama mẹ ḅo tẹ anị nyana ḅarịye, ama mẹ tẹ Mozizi KỊNỊNYANAḄỌ ḅe fịrịmẹnjịḅọ ḅe Jodanị saḅa-koro ḅụ kẹ ọ́ pịrị ama mẹ ịrụa-saakịarị-anga mẹ da mu anga ḅụ.”

Jọsụwa 11:23

KỊNỊNYANAḄỌ ḅe wẹrịtẹ ẹkwẹn kẹ Mozizi pịrị ḅara mẹmgba mie Jọsụwa bebe ama mẹ ọkị ḅara; tẹ Jọsụwa anị kẹ sime anga gotẹ kẹ Izirẹlị pịrịm furo-furo ma sime-ḅara ịn wẹrịtẹ ye ḍie ḍie ḅara ḅụ. Tẹ ama mẹ ọmụ ḅụ ịnyọsara nyanam.

Jọsụwa 22:4

Anịsakị KỊNỊNYANAḄỌ ọmịna Tamụnọ ḅe mịọkụ ịnyọsara kẹ ọmịna amịnapụ ma pịrị tẹ, ọ̀ wẹrịtẹ kẹ ịn karịma ḅara; anịẹrẹsị ọ́ pịkị tẹ so anị ama mẹ tẹ Mozizi, KỊNỊNYANAḄỌ ḅe fịrịmẹnjịḅọ ḅe Jodanị mẹ ḅẹ osi pakịrị anga ḅụ kẹ ọ́ pịrị tẹ ọ́ nyana ye simearị anga mẹ mu.

Jọsụwa 23:1

KỊNỊNYANAḄỌ ḅe Izirẹlị ikelema-koro wararị ini na fịya-a apụ mamgba ḅụ ịnyọsara kẹ ịn pịrị tẹ nangwọ sakị ḅọrọ tẹ, tẹ tọnwa akụra Jọsụwa sịḅị ḅọrọtẹ ori omongi tẹso,