Hiburu 4:4 - FỊAFỊA BAỊBỤLỤ

⁴ Fịafịa Ḍiri mẹ ḅio ḅẹ gbọrụ pakịrị ḅụ mie ịn sọnọma aḍin karama ene gbolomaye ḅụ ḍuko ye: “Sọnọma aḍin karama ene mẹ ḅụ Tamụnọ ọ̀ kọrịnama mẹmgba ḅụ ịnyọsaram.”

Hiburu 4:4 Iomraidhean Croise

Paka-so 20:11

Gbala sonio aḍin mie yẹrị KỊNỊNYANAḄỌ ḅe kẹ So ma na Kiri mẹ na, tọrụ mẹ na anị ḅio simearị aị mamgba tẹmẹ ye, tẹ nwẹnị sọnọma aḍin karama ene mẹ ḅụ ịnyọsara yee. Miemẹ gotẹ anie à sọnọma aḍin karama ene mẹ boma tẹ anị wẹrị fịafịama yee.

Paka-so 31:17

Anị elekima sọ kẹ yẹrị na, Izirẹlịapụ ma na ogboku ḅụ wa pịrịm mịnẹ sonio aḍin ḅụ KỊNỊNYANAḄỌ ḅe So na Kiri na tẹmẹm, tẹ sọnọma aḍin karama ene mẹ ḅụ ori ịnyọsaram, tẹ ịwọ ịnyọ sụam.’ ”

Ditẹrọnọmị 5:14

kụma sọnọma aḍin karama ene mẹ anie yẹrị KỊNỊNYANAḄỌ ọmịna Tamụnọ ḅe Ịnyọsara-Ene; anị ḅụ ọ́ ḅẹẹ kọrịnama kọrịnama sọ kọrị ma — ọmịnị, anịanịa ọmịna awọmẹ, anịanịa ọmịna omoniapụ, anịanịa ọmịna pootẹ-anambulo, anịanịa ọmịna yedogi-anama, anịanịa ḅe opu nama, opu nama tẹ ọ́ nyana ye, anịanịa ọmịna ama ma ḅio simearị igoniapụ sọ. Ọmịna omoniapụ ịnyọsara ḅa, ọmịnị sọ ịnyọsararị ḅara.

Hiburu 2:6

Anie nakara Fịafịa Ḍiri mẹ ḅẹ gbọrụ pakịrị ḅụ anị ḅẹẹ wararị: “yei, Tamụnọ, tomi ḅọrọ tiye, tẹ ị́ ịn kẹ ḅiokoroma ḅẹ; papaa tomi ma tẹ ị́ ịn bala ḅẹ?

Hiburu 4:10

Anị ịnyọsara mẹ tẹ Tamụnọ minini ye mẹ, ḅara la ḅọ, la ḅọ mḅọ amịna kọrịnama ḅụ ịnyọsara ḅa, Tamụnọ amịna nye ḅụ ịnyọsara ḅara.