Hiburu 4:16 - FỊAFỊA BAỊBỤLỤ

¹⁶ Ọkọẹrẹsị, ó yee wa ḅalafa-a ḅara kẹ Tamụnọ ḍiki-ḅụụjịrị emine mẹ dama-mu, ḍiki-ḅụụjịrị emi anga mẹ. Anịanga wa ọkụrụkụrụ na ḍiki-ḅụụjịrị na nyana tẹ kẹ ḅarasụa ḅụụ pịrị ḅa, wa ḅii sakị, ḅii sakị.

Hiburu 4:16 Iomraidhean Croise

1 Paka-aị 28:11

Anịtẹso Devidi nwẹnị Tamụnọ warị mẹ ḅẹ iḅoma mẹ na, anị ḅe awarị ma na, anị ḅẹ ye koko anga ma na, anị ḅẹ ọgọnọ ḅẹ aḅio ma na, anị ḅẹ akala-ḅio ma na, ọkụrụkụrụ Emine mẹ sime ḅẹ Fịafịa-tẹịn Yọ mẹ na sime ḅarị ḅara ḅe elekima kẹ ori owiḅọtụḅọ Sọlọmọnị pịrị.

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Lẹvitikọsị 16:2

KỊNỊNYANAḄỌ ḅe Mozizi ḅẹẹm, “Ḍuko í iyimbere Erọnị pịrịị, ọ̀ sakị mamgba kiki-pẹlẹ-ḅịtẹ mẹ ḅio sọ Fịafịa-tẹịn Yọ mẹ ḅio ọkụrụkụrụ Emine mẹ tẹ Ọḅọkụ-Igbe mẹ ọgọnọ simearị ye mẹ tọrọkọ ḅo-ma ḅọrọ ma, anieofori ò ḅofa fịị, kẹ gotẹ ọkọ ḅẹẹarị, arị oḅuto ḅio ọkụrụkụrụ Emine mẹ ọgọnọ tolu-sịẹ ḅa.

Ẹfisọsị 2:18

Kịrayịsị ḅụ mie wamịnị-mgba, Juu-ḅẹ-apụ na Ja asịẹ ḅẹ apụ na, inetẹ gbọrụ Tẹmẹ ḅe ḅụ ḅo Ḍaḅọ ḅe tọrọkọ laarị.

Ẹfisọsị 3:12

Kịrayịsị na gbọrụ ḅụ sime ḅụ, wa ọ̀ ḅụụ nyana minini ḅụ, wa ḅiokpọ tẹ Tamụnọ tọrọkọ mu ḅa, gbọrụ ḅalafa sọ ofori ḅara ḅụ.

Hiburu 13:6

Ọkọẹrẹsị, ó yee wa ḅiokpọ tẹ ḅẹẹ, “KỊNỊNYANAḄỌ ḅe anie ḅarasụa ị̀ pịrịarị ḅọ, à ḅalafa ḅịa. Tụḅọ inetẹ tiye kẹ ị̀ mịẹ ḅẹ?”

Hiburu 3:6

Kụma Kịrayịsị ḅe, warị mẹ Nyanaḅọ Tụḅọ ḅara mie ọ̀ kẹ warị mẹ ḍikiḍikiarị ḅọ ḅara kẹ ḅioḅẹngbọ-kẹ-sịrẹrẹ-niḅi ḅọ ḅara mẹ kẹ Tamụnọ warị mẹ ḅio sime ye. Wamịnị ma anie ọ̀ warị mẹ, wa nwẹnị ḅalafa-a ḅara kẹ wamịna ḅiokpọmaye mẹ ọlọ-sịẹma tọrọkọ mu kụma.

Hiburu 7:19

Kẹ gotẹ ọkọ ḍukoarị, Mozizi Oloko mẹ inetẹ gberie sọ mịẹ iḅima fama-a. Tẹ mịọkụ iḅi anị nẹngị ḅiokpọmaye ịn nwẹn ọkị-ḅo tẹ, wa anị ḅụ ḅọrọ mu Tamụnọ kpekiarị.

Hiburu 7:25

Tẹ anie ḅụ, ori inetẹ ọ̀ ḅụụ ḅọrọ Tamụnọ ḍọkụma-ḅoarị apụ ḅọrọmarị mịọkụ na, ḅẹẹ-sakị ḅẹẹ-sakị na ḅụ, ò ḍumo gbamasoarị tẹ sakị mamgba Tamụnọ tọrọkọ ịn ḍụarị ẹrẹsị.

Hiburu 9:5

Ọḅọkụ Fị Igbe mẹ ọgọnọ Sẹrubimu amẹẹ ịn nwẹn tẹmẹ koromam, kẹ Tamụnọ anịanga emi mẹ ḍie-pakama ḅẹ gotẹ, anịsakị ịna apamba ma nwẹnị finjima mu Tamụnọ si-wẹrịsoarị anga mẹ gbaịn. Kụma mịọkụ wa sakị nyana tẹ kẹ ḅintẹ ḅara kẹ ye goyegoye ḍuko finji fama ḅịa.

1 Pita 2:10

Sakị ḅẹ gbọrụ sakị ḅụ ọmịnị Tamụnọ atomi-a, kụma mịọkụ ọmịnị ori atomi sọ tẹ; sakị ḅẹ gbọrụ sakị ḅụ ọ́ Tamụnọ ọkụrụkụrụ nimi-a, kụma mịọkụ ọmịnị ori ọkụrụkụrụ nyana tẹ.