Hiburu 4:12 - FỊAFỊA BAỊBỤLỤ

¹² Tamụnọ ẹkwẹn mẹ ḍumo wararị, anị pịkị kụrọ nyana tẹ kẹ ye mịẹarị, anị oḅu maa tọrụ sụa okologie nẹngịm. Anị inetẹ pẹlẹ sọ-mu la ḅịa anga ofori, so mu tomḅọ ḍumo mẹ na mḅọ tẹmẹ na ḅo bịama wararị anga la, mu pịkị anda na iko na gboloma wararị anga sọ laarị. Anị mie tomḅọ ḅioḅẹngbọ ḅụ simearị aị na mḅọ ḅiiarị aị na, kuromarị aị ma na kọn-arị.

Hiburu 4:12 Iomraidhean Croise

Devidi-Anume 110:2

Zayọnị ḅụ mie KỊNỊNYANAḄỌ ḅe ị́ ama-da ḅẹrẹtọn kụrọ mẹ wasama ḅarịye. Ori mẹẹ, “Ḅẹrẹtọn si kẹ ị́ tọn apụ ma pịrịị.”

Devidi-Anume 119:130

Ị́ atoluma-aị ma puu-finji mẹ bele pịrịarị tẹ nimi ọkị-ḅo ye nimi-a ḅọ mẹ pịrịarị.

Devidi-Anume 139:2

À mịẹarị ye goyegoye í nimi wararị; iḅere-iḅerea anga ḅụ í sime tẹ à kuromarị aị mamgba fiearị ye nimiarị.

Devidi-Anume 149:6

Yee ịn kụrọma oloku pakama ịn Tamụnọ tokiniarị ogbo, ịna oḅuarị okologie ịna aḅara emi ḅara ḅụ,

Devidi-Anume 45:3

Opu amadaḅọ, í okologie sụkaa; í ebube nyanam, ị́ ḅakam!

Egberima-Ẹkwẹn 5:4

kụma anị ḅẹ kunoma, á koroma-so ị́ pịrị ḅarịye, kururu na fụka-ye na.

Nimi Tolumaḅọ 12:11

Ye-nimiapụ kọn-arị ẹkwẹn ma sime-ḅara anie gbala nama ḍikiḍiki apụ ọlọ tẹ kẹ ịna anama ḍikiḍikiarị ḅịḅị pịọ-pịọtẹ sịn mẹ sime-ḅara, anịsakị kẹ iḅiọkụ ye ḅakụ kụrọma wararị tọnwa ngbọ sime-ḅara mie kobiri wararị egberima-ẹkwẹn ma sime-ḅara.

Ayịzaya 11:4

ori inoma ofori ḅara kẹ ḅẹrẹkọn igoin-apụ ma pịrị ḅa, tẹ ḅarasụa-pịrịḅọ nyana-a apụ ma ḍụa tẹ ini ịn la kiri ọkị ḅa. Ọ̀ tọn tẹ in tomi ma fomu, tẹ si amịẹaị mịẹarị apụ ma fịị ḅa.

Ayịzaya 49:2

Ọ̀ mịẹ tẹ ị̀ ẹkwẹn ma okologie oḅu ḅara oḅum. Ọ̀ ḅara mie ọ̀ kẹ ị̀ gbaịn ḅọrọma yee. Mie tẹ à ḍiein kịkam, oḅuarị tẹ tẹlẹma wararị ye, kẹ mịẹ ḅụ suu.

Ayịzaya 55:11

Anị ḅara mie à kọn-arị ẹkwẹn mẹ sọ sime ḅarị ḅara anị à tọn tẹ anị mịẹ ḅẹ ye gbarị ḅịa; à gotẹ anị kẹ fịrịma ye goyegoye anị mịẹ ḅa.

Jerimaya 17:10

Yẹrị, KỊNỊNYANAḄỌ ḅe, anie kuroma ma sọkịrịarị ḅọ, pịkị tomina aḅioḅẹngbọ daaḍikiarị. Ọrụḅọ-ọrụḅọ kẹ ḍumo kọn-arị ḅara mie à ḍiki tẹ mḅọ na mịẹarị, mḅọ mịẹarị ye sime-ḅara.”

Jerimaya 23:29

Ì oku mẹ kọrị-fịnị na kịkarị, anị pịkị kẹ ịkụ ḅakụ-ḅakụ pakịrị-pakịrị puuarị amana sọ na kịkarị.

Luku 8:11

“Miemẹ anie egberi mẹ fiearị ye. Tamụnọ ẹkwẹn mẹ anie ḍiḅi ḅẹ sịn mgbọlị mẹ.

Jọnị 12:48

Ḅẹḅọ-ḅẹḅọ tẹ ị̀ sịkịarị tẹ ì oku mẹ ọkị-a ḅọ, mḅọ kọn ḅarị ḅọ emi. Ị̀ ẹkwẹn ma mie mḅọ kọn ḅarịye kunoma ene mẹ ḅụ!

Jọnị 6:51

Yẹrị anie ḍumo wararị fịturu mẹ, tẹ So-ḅio koro ḅo ye mẹ. Tomḅọ mị fịturu mẹ fị-fị, mḅọ ḍumo gbamaso ḅa. À kẹ ọ́ pịrị ḅarị fịturu mẹ anie ì oju ḅẹ meni mẹ, anie tomikiri mẹ ḍumo gotẹ à kẹ pịrịarị ye mẹ.”

Fịrịmẹnjịapụ 2:37

Tomi ma ḅo miemẹ naa sakị ịna aḅioḅẹngbọ kpọma ịna ḅụụ-fụkamam, tẹ ịn nwẹnị Pita na osi afịrịmẹnjịapụ ma na ḅẹẹ, “Mịna apụ, mịọkụ wa ndẹndẹ mịẹ ḅẹ?”

Fịrịmẹnjịapụ 4:31

Ini ọkọ kẹ tẹkẹ fama tẹso, in kobiri sime anga mẹ nwẹnị jike. Fịafịa Tẹmẹ ḅe nwẹnị ịna aḅụụ ḅio sọ ḅin tẹ ịn nwẹnị saakị ḅiokpọ ḅara kẹ Tamụnọ ẹkwẹn kọn.

Fịrịmẹnjịapụ 5:33

Sịẹ-Kobiri mẹ miemẹ naa sakị, anị ini ịganịma la ḅara ḅụ, ịn fịrịmẹnjịapụ ma ḅaa ḅẹ ḍọkịm.

Fịrịmẹnjịapụ 7:38

Ori anie Izirẹlị ḅẹ awọmẹ ma kobiri-ogbo mẹ na sime ḅọ ḅe ịkpa mẹ ḅio ḅụ; ori anie wamịna atẹngịapụ ma na enjẹlị ḅe na sime ḅọ ḅe, anie Sayịnayị Tụndụ ọgọnọ ẹkwẹn ọ̀ pịrị enjẹlị ḅe, tẹ ori anie pịkị Tamụnọ ḅịḅị paka-ḅo ḍumo wararị oku mẹ daḅọrọma wa pịrị ḅọ ḅee.”

Romu 1:16

À kpọma iḅi-oku mẹ ḅụ ḅiokpọ nyana lama wararị; anị anie Tamụnọ kẹ minini nyana apụ mamgba ḅọrọmarị kụrọ mẹ, tarị apụ, Juu-ḅẹ-apụ, na pịkị Ja asịẹ ḅẹ apụ sọ.

1 Kọrịntị 1:24

Anịsọ, Juu-ḅẹ-apụ ma na, Ja asịẹ ḅẹ apụ ma na ḅụụ, Tamụnọ sịn ọ̀ ḅụụ pịrị tẹ apụ ma ḅụ, mị ẹkwẹn mẹ anie, Kịrayịsị anie Tamụnọ kụrọ, pịkị Tamụnọ ye-nimi mẹ.

2 Kọrịntị 2:17

Wa tọnwa, tọnwa ja apụ ḍikima tẹ Tamụnọ ẹkwẹn mẹ kẹ yela-a dẹrịye sọma-a, kụma Tamụnọ wa fịrịmam ẹrẹsị wa Kịrayịsị fịrịmẹnjịapụ ḅara kẹ ọ̀ tọrọkọ tẹmẹ la ḅara kẹ ẹkwẹn mẹ kọn-arị.

2 Kọrịntị 4:2

Wa ḅọị tẹ ḅụụ-jịrịma amịẹaị mamgba saakị anga pịrị tẹ; wa oḅori-kẹ-kịnịsịn amịẹaị mịẹ-a; wa pịkị Tamụnọ ẹkwẹn mẹ ḅẹẹ-a ḅara kẹ anị ḍuko-a; wa Tamụnọ tọrọkọ ḅụ ḅintẹ ḅara kẹ karakara mẹ ḅẹ bele mẹ ḅio angarị, tẹ ḅụụkụrọma tẹ mịẹtẹ ḅẹḅọ-ḅẹḅọ iḅi tẹmẹ ḅioḅẹngbọ kẹ wamịna karakara mẹ nimi ḅẹ ḅara.

Ẹfisọsị 5:13

Tẹ ye mamgba ḅo bele la sakị mie arị sụntẹ sime-ḅara mẹ ḅụụ kẹ banabana ḅara kẹ kịnị ḍie ḅarịye;

Ẹfisọsị 5:26

Ò miemẹ mịẹ tẹ sọsị mẹ wẹrị fịafịama Tamụnọ pịrị ḅẹm, ori ẹkwẹn ḅụ, ọ̀ tarị minji kẹ anị sịkịrị fịafịama tẹso,

Ẹfisọsị 6:17

Ọ́ ḅọrọma ọkị tẹ kẹ ikulele okpoko-sun sọma tẹ kẹ sịḅị suree, tẹ Tamụnọ ẹkwẹn mẹ kẹ Tẹmẹ ḅe kẹ ọ́ pịrịarị okologie sọmaa.

1 Tẹsalonịka 2:13

Jen tẹ wa gotẹ sakị mamgba ịmịẹtẹ kẹ Tamụnọ ḅẹẹarị ye emi. Wa Tamụnọ oku mẹ kẹ ḅo ọ́ pịrị sakị, ọmịnị anị naa tẹ daa-ọkịm, tomina oku ḅara-a, kụma Tamụnọ oku ḅara, anie anị pịkị sime-ḅara. Kẹ gotẹ ọkọ ḍukoarị, Tamụnọ ọmịna ḅụ minini apụ ma ḅụụ ḅio kọrịnama kọrịarị.

1 Tẹsalonịka 5:23

Yee dein kẹ wa pịrịarị Tamụnọ ḅe ọ́ mịẹ fịafịama, ḅọkọ, ḅọkọ ḅụ, tẹ ọmịna bebe ḅụụ mẹ koko — tẹmẹ na, ḅioḅẹngbọ na oju na — tẹ wa Nyanaḅọ Jizọsị Kịrayịsị ḅo sakị mẹ ḅụ, gbọrụ siye sọ ó gboloma ḅịa ḅara.

Hiburu 13:7

Tarị-pịrịpịrị-ḅụ ọmịna sịḅịdapụ tẹ Tamụnọ ẹkwẹn mẹ kọn ọ́ pịrị apụ ma, ọmịnị ịn kẹ ḅiokoromaa. Ọmịnị ịn ḍumo kọn ḅara na ịn fịị ḅara na kẹ ḅiokoromaa, tẹ ịn nyana minini mẹ pembe ye nyana-a.

Hiburu 6:5

ini ḅarana Tamụnọ ẹkwẹn mẹ iḅim mẹ lekirim, tẹ tọrọkọ-jụ ḅo ḅarị sakị mẹ ḅẹ akụrọ ma sọ ḅo ịn sarama tẹ.

Jemụsị 1:18

Ọ̀ ḅụụ-ḅẹlẹ ḅara ḅụ ori ḅarana wa kẹ ḅo ḍumo wararị atomi mịẹm, ọ̀ karakara ẹkwẹn mẹ ḅụ, mịẹtẹ ọ̀ tẹmẹ aị mamgba ḅụ wamịnị tarị kiri ọkị ḅẹ ḅara.

1 Pita 1:23

Kẹ gotẹ ọkọ ḍukoarị, ḍumo wararị tẹ pịkị sime gbamaso Tamụnọ ḅe ẹkwẹn mẹ ḅụ ọ́ ḅọrọ tẹ sin iyi tẹ, ḅo gbọrụ ḍaḅọ awọmẹ sọ tẹ, anie fịị fịị-a tẹ sime gbamaso ḅọ ḅe.

Mịẹfinji 1:16

Ọ̀ sọnọma alolia kẹ ori ama-ḅara ḅụ ọlọm, tẹ oḅuarị maa tọrụ sụa okologie nwẹnị ọ̀ ḅịḅị-ḅio paka-ḅo. Ọ̀ tọrụkuḅu mẹ eneḅaka-fịafịa-ogbo ḅụ ịrụa ḅịya-ḅịya ḅara ḅịyarị.

Mịẹfinji 19:15

Ọ̀ ḅịḅị-ḅio oḅuarị okologie emi, anie mie ọ̀ kẹ sịẹ, sịẹ ma nẹngịma ḅarịye. Kụrọ ḅara mie ọ̀ kẹ ḅẹrẹtọn ịn pịrị ḅarịye, tẹ pịkị iru pọnjị pakama-ḅo ḅara kẹ Kụrọmamgba Nyana Tamụnọ ḅe opu ịganị mẹ pọnjị pakama-ḅo ḅarịye.

Mịẹfinji 19:21

Asụ ḅe kpọlị tẹ ọ̀ kẹ mẹnjịarị ḅọ ḅe ḅịḅị ḅio paka-ḅo okologie mẹ mie ịn kẹ osi-apụ ma ọmụ-ogbo-ogbo ma ḅaa ye; tẹ feni mamgba fịị apụ ma meni mẹ ḅụ ini inetẹ ḅara pẹịm.

Mịẹfinji 2:16

Mịọkụ ị́ asi ḅụ pịkịị! Ị́ pịkị-a ḅẹḅẹ, ala-a sakị ḅụ à ḅo ị́ la tẹ ị̀ ḅịḅị-ḅio paka-ḅoarị okologie mẹ kẹ owu kẹ arị atomi ma paka ḅa.

Mịẹfinji 2:23

À pịkị á ḍukamẹnjịarị apụ ma ḅaa ḅa, anịsakị sọsị mamgba nimi ḅa mịnẹ yẹrị anie ọrụḅọ-ọrụḅọ sime-ḅara nimi ḅọ. Ọmịna ḅụ ọrụḅọ-ọrụḅọ mịẹye à nwẹn ḍiki tẹ mḅọ gbẹẹ ḅa.

Mịẹfinji 20:4

Anịtẹso à pịkị tọnwa emine ẹrịm, tẹ ịn kụrọ kẹ arị ọgọnọ lẹgị apụ ma pịrịm mịnẹ ịn kẹ ḅẹrẹ kọn. À pịkị Jizọsị ḍie-pakama karakara mẹ na Tamụnọ ẹkwẹn mẹ na ḍuko wasamam ẹrẹsị ịn ḅaa tẹ apụ ma atẹmẹ ma sọ ẹrịm. Ini ma amụ ịn sunsin kịnị ḅaa, ḅaa opu nama ḅe na ọ̀ fụḅara mẹ na pịrị-a, ori elekima mẹ sọ amụ ịn kẹ ịna afụḅara ḅọkọ anịanịa ịna aḅara ḅụ sụa-a. Ịn fị-ḅụ-saakị tẹ Kịrayịsị na sọ tẹ kụra maa ẹndẹ oyia asi finji kẹ ama-da tẹ ḅẹrẹtọnm.

Ḅẹrẹkọn-apụ 3:16

Ehudu nwẹnị nangwọ opu ogie na gbasị ḅarị maa atọrụ okologie tẹmẹ ọ̀ ḅụụ pịrị; tẹ ọ̀ nwẹnị anị kẹ ori ama-ḅara ḅẹ ḅụọ-ẹtẹnẹ ḅụ kpọọ, ọ̀ kapa suku-ḅio.