Hiburu 4:11 - FỊAFỊA BAỊBỤLỤ

¹¹ Ọkọ ẹrẹsị, ó yee wa inetẹ ḅara, inetẹ ḅara mịẹ, tẹ anị ịnyọsara mẹ wamịna ḅara la, mịẹtẹ wamịna ḅụ anị gbọrụḅọ-sọ gbarị ḅịa ḅara, anị in minini nyana-a ẹrẹsị ịn gbarị ḅara mẹ.

Hiburu 4:11 Iomraidhean Croise

Matiyo 11:12

Jọnị saakị ọ̀ kẹ ḅo oku mẹ ḍuko ene ḅụ ḅo mịmgba la, Tamụnọ Ama-da mẹ kpọma kụrọnị amịẹaị da tẹ, tẹ kụrọ-kụrọ amịẹaị mịẹ apụ kụrọ ḅara ḅụ anị ọkị ḅẹ ḍọkịm.

Matiyo 7:13

“Ọ́ kpasị wararị ogigo-ḅọkọ mẹ ḅụ ḅọrọ sọ-muu, ḅọrọ mu fa ḅio sọ, etela mẹ finjima wararị ẹrẹsị, tẹ pịkị ḅụụ-fụkama-a, tẹ tọnwa apụ ḅọrọ anịanga muarị.

Luku 13:24

“Ọmịnị inetẹ ḅara, inetẹ ḅara ọ́ nwẹn mịẹ tẹ kpasị wararị ḅọkọ mẹ ḅụ tolu-ḅọrọ sọ-muu; à gotẹ ọkọ ḅẹẹarị, piki-pikiye-ofori ḅara ḅụ, tọnwa tomi ḅụụkụrọma tẹ sọ mu ḅẹ ḍọkị ḅa, kụma ini inetẹ ḅịa.

Luku 16:16

“Mozizi Oloko mẹ na ịkịankoroapụ ma kẹẹ aị ma na kụrọ nyana nwenii Minji-sara Jọnị ḅo sakị lam; anịngẹ-kụraḅio Tamụnọ Ama-da mẹ ḅẹ Iḅi Oku mẹ ịn nwẹn ḍukoarị, tẹ ọrụḅọ-ọrụḅọ amịna ḅụụ sukuruma suuarị.

Jọnị 6:27

Ọ́ ḅụrụ-ḅụrụ fịye gotẹ kọrịnama kọrị ḅụụ-ḅaa ma, kụma ọ́ kọrịnama kọrị sime mu gbamaso ḍumo laarị fịye mẹ rẹ pịrịị. Miemẹ anie Tomḅọ Tụḅọ ḅe kẹ ọ́ pịrị ḅarị fịye mẹ, gbala Tamụnọ Ḍaḅọ ḅe ọ̀ kọrịnama iḅim ḅẹ elekima kẹ ọ̀ ḅụ sụa tẹ.”

Fịrịmẹnjịapụ 26:19

“Ama-da Agiripa, anị ḅara ḅụ, à So-ḅio ḅo ḅịḅị mẹ sima-a.

Ẹfisọsị 2:2

Anị sakị mẹ ḅụ tomikiri ḅẹ si etela mẹ mie ó ḍukamẹnjị sime ye; ọ́ ḅẹrẹtọn So-tọrụ simearị tẹmẹ akụrọ ma pịrịarị ḅọ ḅe, tẹ mịọkụ ḅẹrẹtọn Tamụnọ ḅịḅịpoki-a apụ ma pịrịarị tẹmẹ ḅe, ḅịḅịpokim.

Ẹfisọsị 5:6

Ọ́ ḍụkụ tẹ gbọrụḅọ-sọ oḅori ẹkwẹn kẹ ọmịna sịḅịḅio pikirima ma; mịna gbọrụ aị ma gotẹ Tamụnọ ịganị ḅo ọ̀ ḅịḅị poki-a apụ ma ọgọnọ gbana ḅa.

Filipayị 2:12

Ọkọẹrẹsị, ị̀ iḅi ikiapụ, àrị ọmịnị na sime sakị ọ́ kẹ sakị mamgba ị̀ ḅịḅị poki, poki ḅara mẹ ọmịnị ọkọ nẹngị ḅara kẹ ị̀ ḅịḅị poki àrị ọmịnị na ofori sakị mẹ ḅụ. Ọ́ paa ḅalafa na ḅụụ-tukutuku na kẹ kọrịnama kọrị tọrọkọ muu, tẹ kẹ ọmịna ḅọrọma mẹ mịẹ tẹ anị busunu,

Kọlọsị 3:6

Nwẹn sime-ḅara sime aị ma gotẹ Tamụnọ ịganị ḅo ọ̀ ḅịḅị poki-a apụ ma ọgọnọ gbana ḅa.

Tayịtọsị 1:16

Ini ọkịarị ịn Tamụnọ nimim, kụma ịna amịẹaị anị pikiarị. Ḍiki-ḅioḅu na ḅịḅịpoki-a na ịna ḅụ emi, ini inetẹ gbọrụ iḅiye sọ mịẹ ḅẹ ḅara sime-a.

Tayịtọsị 3:3

Kẹ gotẹ ọkọ ḍukoarị, sakị ḅẹ gbọrụ sakị ḅụ wamịnị ḅioju sọ oḅori-sọ tẹ, ḅịḅịpoki-a ḅara kẹ irima-irima simem. Wa omoni-sọ ye goyegoye pịrị gotẹ lẹlẹ akuroma na tomikiri ḅẹ tọrụ-ḅẹlẹ kịrị-kịrị na nyana simem. Wa wamịna aḍumo kẹ mịẹye jen-a, si kuroma na, jụmọ sime-ḅara ḍiki tọrụ fụka na famam; ja apụ nwẹnị wa ḍiki-ḅioḅu, tẹ wamịnị pịkị ịn ḍiki-ḅioḅum.

Hiburu 3:12

Ị̀ na sọ tẹ Kịrayịsị mininiarị apụ, ọmịnị ẹbị, mịnẹ ọmịna ḅụ gbọrụḅọ-sọ ọkọ sime minini-a si ḅioḅẹngbọ nyana tẹ ọḅụ pịkị ḍumo wararị Tamụnọ ḅe gbin-a.

Hiburu 3:18

Tamụnọ tẹmẹ-la ḅara kẹ karị sakị, “À kẹ ịn pịrị tẹ ini ịnyọsara ḅẹ ama mẹ ḅio, gbala-gbala ịn sọ-mu ḅịa,” mẹ ọ̀ ḅọrọ tọ apụ gotẹ ẹkwẹn mẹ kọn? Tamụnọ na tụḅụrụ apụ ma.

Hiburu 4:6

Tarị tarị Iḅi Oku mẹ naa apụ ma anị ịnyọsara mẹ nyana-a, in minini nyana-a ẹrẹsị. Anịsọ minini tẹ anị nyana apụ emi.

Hiburu 6:11

Wa ḅii lamarị ye anie, ọmịna ḅụ ọrụḅọ-ọrụḅọ mḅọ nyana ḅio-sẹsẹ mẹ ọlọ mu kunoma la, mịẹtẹ ọ́ kẹ ḅiokpọma wararị aị ma ḅo ọmịna ḅara la ḅarị ḅara.

Jọsụwa 7:3

Ịn nwẹnị pịkịma Jọsụwa ḍọkụma-ḅo tẹ ọ̀ ḅẹẹ, “Yee tomi mamgba mu ma, kụma yee kịnị sọnọa ẹndẹ (2,000) anịanịa kịnị sọnọma ẹndẹ, oyia asi finji (3,000) pembe atomi mu tẹ owu kẹ Ayị paka; mịẹtẹ bebe tomina-ogbo mẹ ḅụụ nụnụ anịjụ mu ma, kẹ gotẹ ọkọ ḅẹẹarị, ịn boowa.”

2 Pita 2:6

Tamụnọ ḅẹrẹ-ḅarasii pẹlẹ Sọdọmụ na Gomora na ama ma ọgọnọ gbana tẹ fịnị kẹ ịn ḅaa gulugulumam, tẹ ịn kẹ Tamụnọ nimi-a atomi ḅụ paka ḅarịye ḅẹ elekima sọmam.