Hiburu 4:10 - FỊAFỊA BAỊBỤLỤ

¹⁰ Anị ịnyọsara mẹ tẹ Tamụnọ minini ye mẹ, ḅara la ḅọ, la ḅọ mḅọ amịna kọrịnama ḅụ ịnyọsara ḅa, Tamụnọ amịna nye ḅụ ịnyọsara ḅara.

Hiburu 4:10 Iomraidhean Croise

Suku-saakị 2:2

Anị ḅo sọnọma aḍin karama ene mẹ la sakị, Tamụnọ kọrịnama mẹ tẹ ọ̀ kọrị sime aị ma kọrị fama tẹ, tẹ ọ̀ kọrịnama mẹmgba ḅụ ịnyọsaram sọnọma aḍin karama ene mẹ ḅụ.

Jọnị 19:30

Jizọsị iru mẹ ḅuu tẹso, ọ̀ nwẹnị ḅẹẹ, “À kọrị fama tẹẹ!” Anịtẹso ọ̀ nwẹnị sịḅị-tuu tẹ fịị.

Hiburu 1:3

Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.

Hiburu 10:12

Anị sime-ḅara, sime-ḅara sọ, Kịrayịsị si gotẹ mịẹ gbọrụ agba mẹ, anị kụrọ nyana mu ḅẹẹ-sakị ḅẹẹ-sakị laarị, anịtẹso ọ̀ nwẹnị Tamụnọ ama-ḅara anga lẹgị-sime.

Hiburu 4:9

Anị sime-ḅara, sime-ḅara sọ, Ịnyọsara-Ene paa sime Tamụnọ atomi pịrị wararị, Tamụnọ sọnọma aḍin karama ene mẹ ḅụ ọ̀ kọrịnama ḅụ ịnyọsara ḅara pembe ḅara.

Mịẹfinji 14:13

Anịtẹso à So-ḅio gbọrụ pọkọ naam, ḅẹẹ mịnẹ, “Miemẹ kẹẹ koromaa. Mịọkụ saakị tọrọkọ mu ḅioḅẹlẹ sime KỊNỊNYANAḄỌ ḅe fịrị mẹ ḅio sime tẹ fịị apụ ma pịrịm.” Tẹmẹ ḅe nwẹnị pakịrị, “Inn, karakaraye lamam! Ini ịna kụrọ kọrịnama mẹ ḅụ ḅioḅẹlẹ ịnyọsara ḅa, tẹ ịn mẹnjị fịrị mẹ dogi-ḅo ye mẹ ini na muarị ẹrẹsị.”

Mịẹfinji 6:11

Ịn pịna-pịnatẹ vọrọrọ-kapa kẹ ịna aḅụụ ọrụḅọ-ọrụḅọ pịrị tẹ ḍuko ịn pịrịm, mịnẹ ịn kẹlẹ ịnyọsara alama ḅa, nwenii tẹ ịna pembema fịrịmẹnjịapụ na, mịnapụ na tẹ tomikiri ḅẹ apụ ma ini ịn ḅaa ḅara kẹ ḅaa ḅarị apụ ma kịẹn-ḅịḅị kara sakị la ḅa.