Hiburu 4:1 - FỊAFỊA BAỊBỤLỤ

¹ Mịọkụ, Tamụnọ minini wa pịrị tẹ, mịnẹ ò ḍuko wararị ịnyọsara mẹ wamịna ḅara la ḅa. Ọkọẹrẹsị, ó yee wa ẹbị, mịnẹ ọmịna ḅụụ gbọrụḅọ-sọ Tamụnọ minini ịnyọsara mẹ nyana-a som.

Hiburu 4:1 Iomraidhean Croise

Egberima-Ẹkwẹn 14:16

Ye-nimiapụ balarị ịn ḅụụ-fụka ḅio sọ ḅịa ḅara, kụma apantu amẹẹ ma bala-a ḅara kẹ fọnya ḅaka ḅara kẹ ye mịẹarị.

Egberima-Ẹkwẹn 28:14

Sakị mamgba KỊNỊNYANAḄỌ ḅe ḅịḅị pokii, anịsakị í ḅioḅẹlẹ ḅa. Ị́ kọngọ-kụrọmarị ḅẹḅẹ ị́ faa ḅa.

Jerimaya 32:40

À sime-gbamaso ọḅọkụ kẹ ini na fị ḅa. Iḅi aị mịẹ ịn pịrị ḅụ gbala-gbala à ḅara-siin ḅịa, tẹ à mịẹ tẹ ini ịna ḅioḅẹngbọ mẹmgba kẹ ị̀ ḍiki-ḅalafaa ḅa, mịẹ tẹ ịn ḅarị gbala-gbala ị̀ ḅụụ pịkị-so ḅịa ḅara.

Kịẹn-aḅịḅị 14:34

Ene ma tẹ ọ́ kẹ mu ama mẹ ẹnyẹ ene ma wẹrịtẹ la ḅara, ḍin amesi ma, gbọrụ ḍin gbọrụ kụra, gbọrụ kụra ọ́ nwẹn kẹ ọmịna mịẹ-irima mẹ dogi ḅa, anie kụra amesi, tẹ ọmịnị ị̀ ḅụụ-ḅẹlẹ-a ye mẹ nimi ḅa.’

Matiyo 24:48

Kụma ori iḅiọkụma fịrịmẹnjị-aḅọ ḅẹḅẹ, ori ọ̀ ḅụụ ḅẹẹ ḅa mịnẹ ọ̀ nyanaḅọ ḅe sarasarama pịkịma ḅo ḅịa,

Fịrịmẹnjịapụ 3:19

Ọkọẹrẹsị ọmịnị ọmịna asi ḅụ ḅara-siin, tẹ pịkị Tamụnọ daa, tẹ ori ọmịna asi wẹrịso ọ́ pịrị ḅarị ḅara. Ọmịnị ọkọ mịẹ-mịẹ,

Romu 11:20

Ọkọọ. In minini nyana-a mie in gotẹ ini anyịma sin ye, anị kụma ọmịna minini mie pịkị ọ́ kẹ kiri ḅụ wẹrị ye. Kụma ọmịnị anị kẹ opu amịẹaị mịẹ ma; anie nakara ọ́ ḅalafaa.

Romu 3:23

Ḅẹḅọ-ḅẹḅọ si mịẹ tẹ Tamụnọ iḅi ḅụ ḅele tẹ.

1 Kọrịntị 10:12

Ḅẹḅọ-ḅẹḅọ tẹ ọkịarị mịnẹ mḅọ sịẹ-kụrọ wararị nwẹn ḅẹẹ ḅọ mḅọ ẹbịị, anieofori mḅọ ḅofa ḅịkị.

2 Kọrịntị 6:1

Wa Tamụnọ na gboloma tẹ kọrịarị kọrịnama mẹ ḅụ wa ọmịnị Tamụnọ ḍiki-ḅụụjịrị mẹ nyana tẹ apụ ma tẹkẹarị, ọ̀ ḍụkụ tẹ anị papaa fama.

Galesiya 5:4

Ọmịna ḅụ Oloko koko kẹ Tamụnọ na kura ḅẹ ḍọkịarị apụ ma, ọmịnị ọmịna aḅụụ pẹlẹ-siin tẹ Kịrayịsị ḅụ. Tamụnọ ḍiki-ḅụụjịrị mẹ ḅio ọ́ ḅarị ofori.

2 Timoti 2:13

Wa ḅarị ḅioḅẹngbọ-kẹ-sịrẹrẹ-niḅi ḅara sime-a sọ, ori ọ̀ paa ḅioḅẹngbọ-kẹ-sịrẹrẹ-niḅi ḅara sime wararị, ori oḅori kẹ amịna ḅụụ sịn ḅịa ẹrẹsị.”

Hiburu 12:15

Ọmịnị ọḅụ pịkị Tamụnọ ḍiki-ḅụụjịrị mẹ gbin mẹ ẹbịị. Yee gbọrụḅọ-sọ akụarị sịn sọ tẹ so-paka tẹ anị ḅẹ akụ mẹ ḅo tọnwa-apụ sima ma.

Hiburu 12:25

Ọkọẹrẹsị, ọmịnị ẹbịị, tẹ ḍụkụ tẹ ẹkwẹn ọ́ pịrịarị ḅọ ḅe poki-a sọma. Tomikiri ḅụ Tamụnọ oku mẹ ḍuko ḅọ ḅe poki ḍụkụ-a apụ ma ịn papaa ḅara kẹ ịn wẹrịso-a. Ọkọẹrẹsị, wamịnị sọ wẹrịtẹ pụkọ-paka ḅẹ gbọrụ kala ḅọkọ sọ ofori, wa ọḅụ pịkị So-ḅio sime tẹ ẹkwẹn wa pịrịarị ḅọ ḅe gbin kụma!

Hiburu 13:7

Tarị-pịrịpịrị-ḅụ ọmịna sịḅịdapụ tẹ Tamụnọ ẹkwẹn mẹ kọn ọ́ pịrị apụ ma, ọmịnị ịn kẹ ḅiokoromaa. Ọmịnị ịn ḍumo kọn ḅara na ịn fịị ḅara na kẹ ḅiokoromaa, tẹ ịn nyana minini mẹ pembe ye nyana-a.

Hiburu 3:11

Àrị ịganị tẹ tẹmẹ-la ḅara kẹ karịm, ‘Ini ma, à minini ịn pịrị tẹ in mu ịnyọsara ḅẹ ama mẹ ḅio gbala-gbala ịn sọ-mu ḅịa.’ ”

Hiburu 4:11

Ọkọ ẹrẹsị, ó yee wa inetẹ ḅara, inetẹ ḅara mịẹ, tẹ anị ịnyọsara mẹ wamịna ḅara la, mịẹtẹ wamịna ḅụ anị gbọrụḅọ-sọ gbarị ḅịa ḅara, anị in minini nyana-a ẹrẹsị ịn gbarị ḅara mẹ.

Hiburu 4:9

Anị sime-ḅara, sime-ḅara sọ, Ịnyọsara-Ene paa sime Tamụnọ atomi pịrị wararị, Tamụnọ sọnọma aḍin karama ene mẹ ḅụ ọ̀ kọrịnama ḅụ ịnyọsara ḅara pembe ḅara.

1 Samụẹlị 2:30

Anịẹrẹsị yẹrị KỊNỊNYANAḄỌ, Izirẹlịapụ tẹkẹarị Tamụnọ ḅe mininim mịnẹ ị́ warị na, ị́ ḍa warị mẹ na ị̀ tọrọkọ mẹnjị sọ na, paka na gbamaso ḅa; kụma mịọkụ à ḅarị ọkọ mịẹ ḅịa, kẹ gotẹ ọkọ ḅẹẹarị, inima tẹ kụn kẹ ị̀ pịrị apụ ma, àrị ịn kụn ḅa; anịsakị inima tẹ ì ḍiki iderima apụ ma, à feke-feke ḅara kẹ in ọkị ḅa.