Hiburu 3:9 - FỊAFỊA BAỊBỤLỤ

⁹ Tamụnọ mẹẹ, anịanga ini ị̀ daaḍikim, ini à mịẹ ḅẹ ye ẹrị ḅarị ḅara. Tụkụmaye, kụra amesi ịn nwẹn kẹ à kọrị tẹ aị ma ẹrị tẹ sọ.

Hiburu 3:9 Iomraidhean Croise

Devidi-Anume 95:9

Anịjụ ini ị̀ daaḍiki tẹ ẹrị ḅẹm, tụkụmaye ini à kọrị ịn pịrị tẹ ye ẹrị tẹ sọ.

Paka-so 19:4

Ọmịnị à kẹ Ijiputi-ḅẹ-apụ ma mịẹ ye na, arị igo apamba ọgọnọ ó dogi tẹ ọmịnị ọkị-ḅo ị̀ ḅụụ pịrị ḅara na ẹrị tẹ.

Paka-so 20:22

KỊNỊNYANAḄỌ ḅe nwẹnị Mozizi ḅẹẹ: Mị-ḅara mie ị́ kẹ Izirẹlịapụ ma ḅẹẹ ḅarị ḅara, “Ọmịnị sọ ḅarana ẹrị ọmịna aḅụụ pịrị tẹ mịnẹ à So-ḅio ḅụ sime tẹ ọmịnị na ẹkwẹn tẹ.

Emọsị 2:10

Àrị Ijiputi ḅụ ọ́ pakama-ḅom, ọmịna tọrọkọ-sụn tẹ ọ́ kẹ ịkpa ḅio mẹnjị-tolum kụra amesi ḅụ, tẹ Amọnị apụ amakiri mẹ kẹ ọ́ pịrị tẹ anị ọmịna nye sọm.

Kịẹn-aḅịḅị 14:33

Anịsakị ọmịna awọmẹ ma ịkpa mẹ ḅio kụra amesi kẹ anana ḍikiḍikiapụ sọ ḅa, tẹ ọ́ nyana-a minini gotẹ tọrụsiẹrị ḅa, nwenii ọmịna fịtẹ oju akpakpa ma ḅẹ kunoma ye ịkpa mẹ ḅio ḅịkị-koro ḅa.

Luku 7:22

Ọ̀ Jọnị oku-mẹnjịapụ ma pakịrịm, “Ọ́ pịkịma-so tẹ ọmịnị ẹrị ye na ọ́ naa ye na ḅẹlẹma Jọnị pịrịị: tọrụngbọ-pụụntẹ-apụ inetẹ ye ẹrịarị; ekeliapụ sakị iḅima mẹnjị tẹẹ; sofịnị-obi-kọnapụ gwọọ tẹẹ; ḅeri-iningiapụ sọ iḅiọkụ ye naa tẹẹ; fịtẹ-apụ sọ fịị ḅụ saakịarị; igoin-apụ sọ iḅi-oku mẹ naa tẹẹ.

Fịrịmẹnjịapụ 13:8

Kụma Ẹlịmasị (anie Giriki ḅịḅị ḅụ ori ẹrẹ), majịkị-mịẹḅọ ḅe, nwẹnị ini na tụḅụrụ, mịẹtẹ ḅẹrẹtọnḅọ ḅe minini mẹ nyana ḅịa ḅara.

Fịrịmẹnjịapụ 7:36

Ò tomi ma tọrọkọ-sụn tẹ Ijiputi ḅụ Izirẹlị awọmẹ ma pakama-ḅom, ḅụụ-buama-aị na ḅụụ-gbiripuma aị na mịẹ ḅụ, anie Ijiputi na Awụ Tọrụ mẹ ḅụ na, pịkị ịkpa mẹ ḅio ḅụ sọ, kụra amesi na gbasị ye ḅụ.

Ditẹrọnọmị 11:7

Kẹ gotẹ ọkọ ḅẹẹarị, ọmịna atọrụngbọ KỊNỊNYANAḄỌ ḅe gburo-gburotẹ kọrịnama mẹmgba tẹ ọ̀ kọrị ye mẹ ẹrị tẹ.

Ditẹrọnọmị 29:2

Mozizi Izirẹlị mẹmgba sịn kobiri tẹ ịn ḅẹẹm: Ọmịna tọrọkọ ọ́ tọrụngbọ kẹ KỊNỊNYANAḄỌ ḅe Ijiputi ama mẹ ḅio kẹ Fero na, ori afịrịmẹnjịapụ mamgba na ori ama mamgba na mịẹ aị ma ẹrị tẹ,

Ditẹrọnọmị 4:3

Ọmịna atọrụngbọ Balị-pẹyọ ḅụ KỊNỊNYANAḄỌ ḅe mịẹ ye ẹrị tẹ; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna ogboku ḅụ tomi ma tẹ Pẹyọ ḅẹ Balị ḍukamẹnjị apụ mamgba ḅaam,

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Ditẹrọnọmị 8:2

Ọmịnị etela mẹmgba tẹ KỊNỊNYANAḄỌ ọmịna Tamụnọ ḅe mịna kụra amesi ma ḅụ ịkpa mẹ ḅio, mịẹtẹ ọ́ ḅụụ-kpoo ḅẹ ḅara, kẹ ọ́ daaḍiki tẹ ọmịna ḅioḅẹngbọ ḅụ sime ye nimi, ọmịnị ori oloko ma koko ḅarị ḅoto, anịanịa ó koko ḅịa, tẹ ori tọrọkọ tarị ọ́ pịrị etela ma kẹ ḅiokoroma ḅa.

Ditẹrọnọmị 8:4

Ọmịna kapa ọmịna oju sime kan-a, anịsakị mịna kụra amesi ma ḅụ ọmịna ḅụọ-suku sọ foin-a.

Jọsụwa 23:3

Ọmịna asịḅị gotẹ KỊNỊNYANAḄỌ ọmịna Tamụnọ ḅe kẹ mịna opu asịẹ mamgba mịẹ aị mamgba ọmịnị ẹrị tẹ, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe mie owu mẹ sọ ọ́ pịrị ye.

Jọsụwa 24:7

Tẹ in owu KỊNỊNYANAḄỌ ḅe pịrị tẹso, ọ̀ nwẹnị kanakana kẹ ọmịnị na, Ijiputi-ḅẹ-apụ ma na ogboku koroma, tẹ opu tọrụ mẹ mịẹtẹ anị ịn gbaịn; tẹ ọmịna atọrụngbọ à kẹ Ijiputi mịẹ ye ẹrịm.’ ” “Ọ́ nangwọ sakị kẹ ịkpa mẹ ḅio simem.

Jọsụwa 5:6

Kẹ gotẹ ọkọ ḅẹẹarị, Izirẹlị ḅẹ atomi ma kụra amesi kẹ ịkpa mẹ ḅio mẹnjịm, nwenii opu sịẹ mẹmgba ḅụ owu-akọnịapụ tẹ Ijiputi ḅụ paka-ḅo owiapụ ma fịị-faa famam, gbala ịn KỊNỊNYANAḄỌ ḅe pọkọ mẹ poki-a ẹrẹsị; KỊNỊNYANAḄỌ ḅe ye karị ịn pịrịm mịnẹ ò mininitẹ anị ama mẹ tẹ ḅụụ-ḅẹlẹmatẹ iḅiọkụma fịye so-pakamarị amakiri mẹ, tẹ KỊNỊNYANAḄỌ ḅe ye karị kẹ ịna aḍapụ pịrịm ọ̀ kẹ ịn pịrị ḅẹ ama mẹ ịn tọrụngbọ kẹ anị ẹrị ḅịa.