Hiburu 3:8 - FỊAFỊA BAỊBỤLỤ

⁸ ọ́ kọngọ kụrọma ma, ọmịna atẹngịapụ ma mịẹ ḅara, ịn Tamụnọ na tụḅụrụ sakị ini ịkpa mẹ ḅio sime tẹ ọ̀ daaḍiki ene mẹ ḅụ.

Hiburu 3:8 Iomraidhean Croise

2 Amadapụ 17:14

Kụma ịn sịḅịḅio kụrọma tẹ poki-a, ịna aḍapụ ma wẹrịtẹ sime-ḅara inima tẹ KỊNỊNYANAḄỌ ịna Tamụnọ ḅe minini-a apụ ma,

2 Paka-aị 30:8

Mịọkụ ọ́ ḅarị kọngọ kuroma ma, ọmịna ḍapụ ma wẹrịtẹ sime-ḅara, kụma ọmịnị ọmịna aḅụụ sịkị KỊNỊNYANAḄỌ ḅe pịrịị, tẹ ọ̀ fịafịa yọ ḅoo, anịanga mẹ tẹ ọ̀ mịẹ fịafịama gbamaso tẹ anga mẹ, tẹ fịrịmẹnjị KỊNỊNYANAḄỌ ọmịna Tamụnọ pịrịị, mịẹ tẹ ọ̀ ḅalafama ịganị mẹ ọmịna ḅụụ ḅụ pịkị so ḅe ḅara.

2 Paka-aị 36:13

Ọ̀ nwẹnị pịkị sịḅị kụrọma Amadaḅọ Nebukadineza tẹ ọ̀ mịẹ tẹ ọ̀ Tamụnọ ḅụụ ye karị ḅo ḅe pịrị; ori ọ̀ kọngọ kụrọma tẹ ò ḅioḅẹngbọ kụrọma pịkị KỊNỊNYANAḄỌ Izirẹlịapụ tẹkẹarị Tamụnọ ḅe pịrịm.

Nehimaya 9:16

“Kụma ini na wamịna ḍapụ ma na, ḅụụ-gelema ḅara kẹ ye mịẹm tẹ kọngọ kụrọmam, tẹ í oloko ma koko-a.

Jobu 9:4

Ò ye-nimim ḅioḅẹngbọ ḅụ, tẹ gburo-gburom ịnyọ ḅụ; tụḅọ amịna ekpe kẹ ọ̀ da tẹ anị mḅọ na-iḅi tẹ?

Devidi-Anume 106:14

Ịkpa mẹ ḅio ye gotẹ lẹlẹ ịna ḅụụ ḅio sọ ḅinm, tẹ ịn Tamụnọ kẹ daaḍiki ḅụ suum;

Devidi-Anume 78:18

Ịn tọrụ-gelegele Tamụnọ daaḍikim ịn fị ḅẹ ḅii fịye kẹ ịn pịrị-pịrị ịgbanị ḅụ.

Devidi-Anume 78:56

Kụma ịn kọngọ kụrọma Kụrọ mamgba Nyana Tamụnọ ḅe pịrị tẹ ọ̀ daaḍikim. Ọ̀ tọn kuroma aị ma in poki tẹ mịẹ-a,

Devidi-Anume 95:8

“Ọ́ kọngọ kụrọma ma, ọmịna elemu aḍapụ ma mịẹ ḅara Mẹrịba ḅụ, anị eneḅaka ḅụ ịn mịẹ ḅara ịkpa mẹ ḅio Masa ḅụ.

Paka-so 17:7

Mozizi nwẹnị ẹrẹ kẹ anị yọ mẹ koro Masa na Mẹrịba na, gbala Izirẹlị ḅẹ awọmẹ ma kịnị ḅụụ ḍọkịarị si mẹ na ịn pịkị KỊNỊNYANAḄỌ ḅe daaḍiki tẹ gbelam, “KỊNỊNYANAḄỌ ḅe ò gbeke wamịna ogboku emi, mụnọọ ori ofori?” mẹ na ẹrẹsị.

Paka-so 8:15

Kụma Fero ẹrịm mịnẹ mị sakị mẹ ḅọrọ-so tẹ, tẹso ọ̀ nwẹnị ò ḅioḅẹngbọ kụrọma, tẹ ḅarị ịn poki ḍụkụ-a; KỊNỊNYANAḄỌ ḅe ḅẹẹ tẹ ḅara mẹ.

Egberima-Ẹkwẹn 28:14

Sakị mamgba KỊNỊNYANAḄỌ ḅe ḅịḅị pokii, anịsakị í ḅioḅẹlẹ ḅa. Ị́ kọngọ-kụrọmarị ḅẹḅẹ ị́ faa ḅa.

Egberima-Ẹkwẹn 29:1

Kịnị ị́ daa-karakarama sakị goyegoye ị́ kọngọ kụrọmarị ḅẹḅẹ, gbọrụ ene ḅụ ị́ gbọrsịḅị gbẹẹ kọsị tẹ ḅarị saakị paka-ḅo ḅịa.

Jerimaya 7:26

Anịsọ gbọrụḅọ-sọ poki tẹ kẹ ye-sịn-a. Anie nakara ó ḅioḅẹngbọ kụrọma tẹ kọngọ-kụrọma ọmịna elemu aḍapụ ma nẹngị tẹẹ.

Danẹlị 5:20

Kụma ò ḅo ọ̀ ḅụụ-gelema tẹ kụrọ-sịḅị sụa tẹ pịkị mbasị sakị, in ori emine ọgọnọ ọ̀ fọnọ-sịịm tẹ ọ̀ nwẹnị ḅarị kụn nyana-a ḅọ sọ.

Kịẹn-aḅịḅị 14:11

KỊNỊNYANAḄỌ ḅe nwẹnị Mozizi ḅẹẹ, “Mịna atomi ma ì ḍiki-sima mu tọ-sakị la ḅẹ? Yẹrị ini ogbo-ḅio ḅụ mịẹ tẹ ḅụụ-gbiripuma elekima mamgba ḅụ sọ, mu tọ-sakị la tẹrẹmẹ mịna atomi ma ì minini ḅẹ?

Matiyo 13:15

ịna akuroma sarasara-a ẹrẹsị, ịn pịkị ịna aḅeri suke pụnma tẹ, pịkị ịna atọrụngbọ gbaịn tẹ. Ọkọ-a kụma ịna atọrụngbọ ma ḅofa ye ẹrị, ịna aḅeri ma ḅofa ye naa, ịna akuroma ma ḅofa ye fiearị ye nimi, tẹ in ḅofa pịkịma ị̀ dama-ḅo, anie Tamụnọ ḅẹẹarị ḅara, tẹ arị ịn gwọ.”

Fịrịmẹnjịapụ 19:9

Kụma ịna ḅụ sịḅị-kụrọma tẹ minini ḍụkụ-a apụ sime tẹ inweni-mgba tọrọkọ ḅụ KỊNỊNYANAḄỌ ḅe Etela mẹ ḍuko-simam. Pọlụ nwẹnị ịn wẹrịso tẹ minini apụ ma na mu ene ḅaa ene, ḅaa ene Tiranọsị nwẹn-sịn ye-tolumaḅọ warị ḅio ini na ḅịḅị-ọkịya.

Fịrịmẹnjịapụ 7:36

Ò tomi ma tọrọkọ-sụn tẹ Ijiputi ḅụ Izirẹlị awọmẹ ma pakama-ḅom, ḅụụ-buama-aị na ḅụụ-gbiripuma aị na mịẹ ḅụ, anie Ijiputi na Awụ Tọrụ mẹ ḅụ na, pịkị ịkpa mẹ ḅio ḅụ sọ, kụra amesi na gbasị ye ḅụ.

1 Kọrịntị 10:9

Wa KỊNỊNYANAḄỌ ḅe daaḍiki ma, ịna ḅụ ḅẹ ja apụ mịẹ ḅara — tẹ tọnwa oronwi ḅo ịn gbọn ḅaa gulugulumam.

Ditẹrọnọmị 6:16

Masa ḅụ ọ́ KỊNỊNYANAḄỌ ọmịna Tamụnọ ḅe daaḍiki ḅara kẹ ḅarị ọ̀ daaḍiki ma.

1 Samụẹlị 6:6

Ó tiegotẹ Ijiputi-ḅẹ-apụ ma na, Fero na ịna aḅioḅẹngbọ kuroma ḅara kẹ ọmịna aḅioḅẹngbọ kụrọma ḅẹ? Ori ịn kẹ tii ḅẹ ḅara kẹ tii fama sakị, ịn tomi ma wẹrịso tẹ ịn so-a? Ịn som.