Hiburu 3:7 - FỊAFỊA BAỊBỤLỤ

⁷ Ọkọẹrẹsị, Fịafịa Tẹmẹ ḅe ḅẹẹarị, “Mịmgba ọ́ Tamụnọ pọkọ naa naa,

Hiburu 3:7 Iomraidhean Croise

2 Samụẹlị 23:2

KỊNỊNYANAḄỌ ḅe Tẹmẹ ḅe ị̀ ḅụụ ḅụ ẹkwẹn-arị; ori ẹkwẹn-ḅịḅị mẹ ị̀ ḅẹlẹ ọgọnọ emi,

Devidi-Anume 81:11

Kụma ị̀ atomi ma ì poki ḍụkụ-a; Izirẹlị ị̀ ḅịḅị poki ḍụkụ-a.

Devidi-Anume 81:13

À kpọma ḅiim mimgbe ị̀ atomi ma ì poki tẹẹ; à kpọma ḅiim mimgbe ini ị̀ ḅịḅị poki tẹẹ!

Egberima-Ẹkwẹn 27:1

Ḅaa gotẹ ḅụụ-boma ma. Mịọkụ na anị sakị na ogbo ḅụ paka ḅẹ ye í nimi-a.

Nimi Tolumaḅọ 9:10

Ị́ ḅara laa tẹ ị́ inetẹ mịẹ ḅẹ ye goyegoye ị́ ịnyọ mẹmgba kẹ anị mịẹ; kẹ gotẹ ọkọ ḅẹẹarị, í muarị ḍuḅu mẹ ḅio kọrị-kọrị kọrịnama, anịanịa kuroma nyana, anịanịa ye ḍawọ ḍịn tẹ anị nimi, anịanịa nimi sọ ofori.

Ayịzaya 55:3

Mịọkụ ó pokii, ị̀ atomi, tẹ ị̀ ḍọkụma-ḅoo; ọmịnị ị̀ ḍọkụma-ḅoo, tẹ ó ḍumo nyana ḅa! À sime alama ḅarị ọḅọkụ kẹ ọmịnị na fị ḅa tẹ à minini Devidi pịrị aboma ma kẹ ọ́ pịrị ḅa.

Ayịzaya 55:6

Ọ́ pịkị KỊNỊNYANAḄỌ ḅe da tẹ ọ̀ tẹkẹẹ, mịọkụ ò kpeki wararị sakị mẹ ḅụ.

Matiyo 17:5

Ori ẹkwẹn-arị ogbo mie pịna-pịna oḅuto ḅo ịn gbaịn ye, tẹ oḅuto mẹ ḅio gbọrụ pọkọ nwẹnị ḅẹẹ, “Ḅie ị̀ iḅi Tụḅọ ḅe, ọ̀ mịẹye ị̀ ḅụụ ḅẹlẹm, ọmịnị ò pokii!”

Matiyo 22:43

Jizọsị nwẹnị gbela, “Ọkọ kụma, ndẹẹ Tẹmẹ ḅe Devidi kuroma jike tẹ ọ̀ ‘KỊNỊNYANAḄỌ’ kẹ ọ̀ sịn ḅara?” Devidi ḅẹẹm,

Makị 12:36

Fịafịa Tẹmẹ ḅe Devidi tẹmẹ jike tẹ ọ̀ ḅẹẹm: “KỊNỊNYANAḄỌ ḅe ị̀ Nyanaḅọ ḅe ḅẹẹm: Ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ suku-ḅio suu sakị la.”

Jọnị 10:16

Ja anana tẹ sime ị̀ pịrị aị emi, tẹ mị anana koko onu mẹ ḅio ofori aị. Ini ma sọ àrị ịn kẹ ḅo ḅa; ini ị̀ pọkọ naa ḅa, tẹ inimgba gbọrụ anana-ogbo mịẹ ḅa gbọrụ anana-ḍikiḍikiḅọ suku-ḅio.

Jọnị 10:27

Ị̀ atomi mie à ḍukoarị ye naarị; àrị in nimi wararị, ịn pịkị ì ḍukamẹnjịarị.

Jọnị 10:3

Onu ḅọkọ mẹ ḍikiḍikiarị ḅọ ḅe finji ọ̀ pịrị tẹ ori ori anana ma ẹrẹ kẹ ịn sịn tẹ ini ọ̀ pọkọ lekiri tẹ paka ọ̀ dama-muarị, tẹ ọ̀ tọrọkọ tarị tẹ ịn kẹ pakarị.

Jọnị 5:25

À karakara mẹ ḍuko ọ́ pịrịarị, sakị mẹ ḅoarị — mịọkụ sọ anị ḅo la tẹẹ — anie fịtẹ-apụ Tamụnọ Tụḅọ ḅe ẹkwẹn mẹ naa ḅẹ sakị mẹ, tẹ anị naa tẹ anị ḅẹẹ ḅara mịẹ apụ ḅo ḍumo ḅụ sọ ḅa.

Fịrịmẹnjịapụ 1:16

Ori mẹẹ, “Ị̀ amịnapụ, Fịafịa Ḍiri mẹ Devidi ḅụụ ḅọrọ tẹ kẹẹ ye mẹ paka tẹ, anie Fịafịa Tẹmẹ ḅe Judasị, kịnị kẹ mu tẹ in Jizọsị kun ḅọ ḅe, ḅụụ ḍukoye mẹ.

Fịrịmẹnjịapụ 28:25

Mie ḅụ ịn nwẹnị so, tẹ in soarị sakị Pọlụ kọn gbọrụ ẹkwẹn mie ịn kẹ ye-nụnụa ma-so ye. Ori mẹẹ, “Fịafịa Tẹmẹ ḅe ịkịankoro Ayịzaya ḅụ ḅọrọ tẹ kọn ọmịna atẹngịapụ ma pịrị ẹkwẹn mẹ karakara lamam!”

Fịrịmẹnjịapụ 8:29

Fịafịa Tẹmẹ ḅe nwẹnị Filipu ḅẹẹ, “Saḅa mu anị kirimẹnjị-ọmụarụ mẹ la, tẹ anị ḅụ ḅele ma.”

Hiburu 10:15

Tẹ Fịafịa Tẹmẹ ḅe sọ anị ḅụ ò nimi ye ḍukoarị. Tarị ye, ori mẹẹ,

Hiburu 3:13

Anie nakara, mịẹtẹ ọmịna ḅụ si oḅori kẹ gbọrụḅọ sọ sịn tẹ, mḅọ kọngọ kụrọma ḅọ sọ ḅịa ḅara; ene-ḅaaene-ḅaaene, ọmịnị ẹrị, mịnẹ ọ́ ḅarasụa jụmọ-jụmọ pịrịm, Fịafịa Ḍiri mẹ ḅẹẹarị “Mịmgba” nwẹn ḅẹẹ ẹkwẹn mẹ anị kẹ wa ḅẹẹarị sakị goyegoye.

Hiburu 3:15

Mie Fịafịa Ḍiri mẹ ḍukoarị ye mẹ, “Mịmgba ọ́ Tamụnọ pọkọ naa naa, ọ́ kọngọ kụrọma ma, ọmịna atẹngịapụ ma mịẹ ḅara, ịn Tamụnọ na tụḅụrụ sakị.”

Hiburu 4:7

Wa kẹ miemẹ ẹrị ye anie, Tamụnọ jen ene tọn pakamam, ịn kẹ “Mịmgba” sịn ene mẹ. Tọnwa akụra ḅọrọ tẹ sakị ḅụ ò Devidi ḅụ ḅọrọ tẹ ḍukom, anie Fịafịa Ḍiri mẹ tẹ gotẹ ḅọrọ tẹ ye mẹ: “Mịmgba ọ́ Tamụnọ pọkọ naa ḅẹḅẹ, ọ́ kọngọ kụrọma ma.”

Hiburu 9:8

Mịna ọrụtọn aị mamgba ḅụ Fịafịa Tẹmẹ ḅe banabanama ye kẹ wa tolumarị, mịnẹ ḅọrọ Fịafịa-tẹịn Yọ mẹ sọ ḅọkọ mẹ amụ paa finji-a, Akpụrụ tẹkẹ-warị mẹ warị-kuḅu mẹ paa emi sakị goyegoye.

2 Pita 1:21

Kẹ gotẹ ọkọ ḍukoarị, gbọrụ ịkịankoro ẹkwẹn sọ amụ jene-jene tomḅọ kuroma ḅụ ḅo-a, kụma Fịafịa Tẹmẹ ḅe ḅẹrẹtọn tomina aḅioḅẹngbọ pịrịarị ogbo mie ịn Tamụnọ ḅara ḅo oku mẹ ḍuko ye.

Mịẹfinji 3:20

Pokii! À ḅọkọ anga sịẹ tẹ ḅọkọ mẹ ḅakụarị, ị̀ pọkọ lekiri tẹ ḅọkọ mẹ finji ị̀ pịrị ḅọ emi-emii, à sọ mḅọ warị ḅio mu tẹ mḅọ na fịye fị ḅa, tẹ mḅọ ị̀ na fị gboloma ḅa.