Hiburu 3:6 - FỊAFỊA BAỊBỤLỤ

⁶ Kụma Kịrayịsị ḅe, warị mẹ Nyanaḅọ Tụḅọ ḅara mie ọ̀ kẹ warị mẹ ḍikiḍikiarị ḅọ ḅara kẹ ḅioḅẹngbọ-kẹ-sịrẹrẹ-niḅi ḅọ ḅara mẹ kẹ Tamụnọ warị mẹ ḅio sime ye. Wamịnị ma anie ọ̀ warị mẹ, wa nwẹnị ḅalafa-a ḅara kẹ wamịna ḅiokpọmaye mẹ ọlọ-sịẹma tọrọkọ mu kụma.

Hiburu 3:6 Iomraidhean Croise

Devidi-Anume 2:12

Ọmịnị oju sẹkịma mu ọ̀ tọrọkọ iḅoo; ọkọ-a kụma ori ịganị ala-a saakị ḅa, tẹ ó ḅiotọn-a sakị kẹ fịị ḅa. Ḅioḅẹlẹ sime ọ̀ ḍọkụma-ḅo tẹ ọ̀ gbaịn-arị apụ ma pịrịm.

Izikẹlị 46:10

Izirẹlịapụ Ḅẹrẹtọnḅọ ḅe tomi ma sọ-ḅoarị sakị sọ-ḅoo, pịkị ịn paka-soarị sakị paka-soo.

Matiyo 10:22

Ị̀ sịḅị ẹrẹsị ḅẹḅọ-ḅẹḅọ ó ḍiki-ḅioḅu ḅa. Kụma inema nwenii mu kunoma la ḅọ mẹ ḅọrọma ḅa.

Matiyo 16:18

Ọkọẹrẹsị à ḍuko Ị̀ pịrịarị, Pita; ịkụụ, tẹ mị ịkụ mẹ ọgọnọ mie arị ị̀ sọsị mẹ nama ḅarị ye, tẹ fị kụrọ sọ inetẹ anị nẹngịma ḅịa.

Matiyo 24:13

Kụma inema mu kunoma la ḅọ, la ḅọ ḅọrọma ḅa.

Romu 11:22

Mịanga ḅụ wa Tamụnọ dein ḅara na, kụrọ-ḅara na kẹ ye mịẹ-mịẹ ḅara ẹrị tẹ. Ọ̀ ḅụụ ḅịkị so apụ ma ọ̀ kụrọ ḅara kẹ ini na mịẹarị; kụma ọmịnị ọ̀ ḅụụ paa emi apụ ma ò dein ḅara kẹ ọmịnị na mịẹarị. Ọ́ ḍụkụ-a kụma ori ọmịnị sọ anyịma siin ḅa.

Romu 12:12

Yee ọmịna ḅiokpọmaye mẹ mịẹtẹ ọ́ sakị mamgba ḅioḅẹlẹ; ḅụụ-fụka kiri ḅụ ó ye inemaa, tẹ sakị mamgba tẹkẹẹ.

Romu 15:13

Yee ḅiokpọ ḅara ḅụ sime tẹ ḅoarị Tamụnọ ḅe, ọmịnị ọ̀ ḅụụ nyana minini gotẹ ḅioḅẹlẹ na dein na kẹ ọ́ pịrị ḅinma, mịẹtẹ Fịafịa Tẹmẹ ḅe kụrọ ḅụ ọmịna ḅiokpọ mẹ kụrọ tọrọkọ-tọrọkọ mu ḅarị ḅara.

Romu 5:2

Minini ḅụ ọ̀ mịẹtẹ wa Tamụnọ ḍiki-ḅụụjịrị mẹ nyana tẹ anị ḅụ ḍumoarị. Tamụnọ ebube mẹ ḅụ wamịnị sọ ḍiekiri nyana tẹ ye mẹ ḅụ ḅẹ ḅiokpọ mẹ wa anị kẹ ḅụụ-tọn-arị.

1 Kọrịntị 3:16

Tomi-juḅẹye, ó nimi tẹ ḅara ḅụ, ọmịnị ma anie Tamụnọ-warị, tẹ Tamụnọ Tẹmẹ ḅe ọmịna ḅụụ ḅio angarị!

1 Kọrịntị 6:19

Ó nimi-a ḅarị ya, mịnẹ ọmịna oju mẹ anie Tamụnọ Fịafịa Tẹmẹ ḅe warị, anie Tamụnọ kẹ ọ́ pịrị tẹ ọmịna ḅụụ ḅio angarị ḅọ ḅe ḅara? Ó sime ọmịna aḅụụ pịrị-a, kụma Tamụnọ mie ó sime pịrị ye;

2 Kọrịntị 6:16

Ndẹẹ Tamụnọ-warị mẹ na oru-afụḅara na gberie mịẹ ḅẹ ḅara? Kẹ gotẹ ọkọ ḍukoarị, wamịnị anie ḍumo wararị Tamụnọ ḅe warị mẹ! Anie Tamụnọ ḅarana ḅẹẹ tẹ ḅara, “Àrị ị̀ atomi ma na sime tẹ ịna ogboku anga ḅa; àrị ịna Tamụnọ sọ tẹ ini ị̀ atomi sọ ḅa.”

Galesiya 6:10

Anie ḅụ otolo foo sakị, foo sakị wa iḅi kẹ ḅẹḅọ-ḅẹḅọ mịẹ, jen-a jen-a wamịnị na gbọrụ minini etela mẹnjịarị apụ ma.

Galesiya 6:9

Mie ḅụ, ó yee wa ịnyọ pọkọ-ta-a ḅara kẹ iḅi mịẹ; kẹ gotẹ ọkọ ḍukoarị, wa ḅara-siin-a kụma, sakị ḅo tẹ wa anị ḅẹ ye soku ḅa.

Ẹfisọsị 3:12

Kịrayịsị na gbọrụ ḅụ sime ḅụ, wa ọ̀ ḅụụ nyana minini ḅụ, wa ḅiokpọ tẹ Tamụnọ tọrọkọ mu ḅa, gbọrụ ḅalafa sọ ofori ḅara ḅụ.

Kọlọsị 1:23

Ye wẹrị tẹ sime-ḅara ḅụ, ọmịnị ọmịna minini mẹ, tẹ karakara suku mẹ ọgọnọ sịẹ wararị ye mẹ ọlọ kụrọmaa; ọ́ ḍụkụ tẹ gbọrụḅọ-sọ mịẹtẹ ọmịnị iḅi-oku mẹ naa sakị ọ́ nyana ḅiokpọ mẹ jikema. Mị iḅi-oku mẹ ḅẹ fịrịmẹnjịḅọ mie yẹrị Pọlụ sọ ye — mị iḅi-oku mẹ mie in ḍuko ḅẹḅọ-ḅẹḅọ pịrị tẹ ye mẹ tomikiri mẹ ḅụ.

1 Tẹsalonịka 5:16

Sakị mamgba ó ḅioḅẹlẹẹ,

2 Tẹsalonịka 2:16

Yee wa Nyanaḅọ Jizọsị Kịrayịsị ḅioju, na Tamụnọ wamịna Ḍaḅọ, wa ḅẹlẹma tẹ amịna ḍiki-ḅụụjịrị ḅụ gbarị-a ḅiokpọ na ḅiokpọmaye na kẹ wa pịrịarị ḅọ ḅe,

1 Timoti 3:15

Kụma à ḅarị sarama ḅo-a sọ, yee mị ḍiri mẹ mịẹtẹ í nimi wa kẹ Tamụnọ warị mẹ ḅio wẹrịtẹ ḍumo kọn ḅarị ḅara, anie ḍumo wararị Tamụnọ ḅe warị mẹ karakara mẹ ḅẹ ḅeriye tẹ anị dasịẹma wararị ye mẹ.

Hiburu 1:2

kụma mịna kunoma ene ma ḅụ ori ọ̀ Tụḅọ ḅụ ḅọrọ tẹ ẹkwẹn wa pịrị tẹ. Ọ̀ ḅụụ mie Tamụnọ ḅọrọ tẹ bebe tomikiri mẹ na So-tọrụ simearị aị mamgba na tẹmẹ ye, ori anie Tamụnọ pịkị sẹlẹ-ọkị ḅọ ḅe mịnẹ kunoma ḅụ ye mamgba ò nye sọ.

Hiburu 10:19

Ọkọẹrẹsị, ị̀ amịnapụ, Jizọsị fịịm gotẹ, sọ Fịafịa-tẹịn Yọ mẹ mu ḅụ wa kiki gberie-sọ ḅarị ofori.

Hiburu 10:21

Wa gbọrụ opu agbamịẹḅọ nyana wararị, tẹ Tamụnọ-warị mẹ ḅẹ kụrọ-ḅara ḅụ simearị ḅọ.

Hiburu 10:23

Ó yee wa kụrọma wa ḍuko pakamarị ḅiokpọmaye mẹ ọlọ sịẹma, wa ḅiokpọ wararị mịnẹ Tamụnọ inetẹ ò minini ye mẹ mịẹ ḅa.

Hiburu 10:35

Ọkọẹrẹsị, ọ́ ḍụkụ tẹ ọ́ nyana wararị kụrọtẹ ḅioḅẹngbọ mẹ ọmịna ḅụ sọma, anị opu gbẹẹ-ye kẹ ḅo ọ́ pịrịarị ẹrẹsị.

Hiburu 11:1

Minini nyana anie, kẹ ọkị mịnẹ wa kẹ ḅiokpọmarị ye mẹ wamịna ḅara la tẹ; ḅio-maaịn-tọn-a ḅara kẹ tọrụngbọ amụ ẹrị-a aị ma kẹ ẹrị tẹ aị sọma.

Hiburu 3:14

Kẹ gotẹ ọkọ ḍukoarị, wa ye Suku-saakị ḅụ nyana ḅiokpọ mẹ ọlọ kụrọma mu kunoma la ḅẹḅẹ, wa nimii mịnẹ wa Kịrayịsị na gbọrụ ḅụ emi.

Hiburu 4:11

Ọkọ ẹrẹsị, ó yee wa inetẹ ḅara, inetẹ ḅara mịẹ, tẹ anị ịnyọsara mẹ wamịna ḅara la, mịẹtẹ wamịna ḅụ anị gbọrụḅọ-sọ gbarị ḅịa ḅara, anị in minini nyana-a ẹrẹsị ịn gbarị ḅara mẹ.

Hiburu 4:14

Ọkọẹrẹsị, ó yee wa kụrọma wa ḍuko finjiarị mininiye mẹ ọlọ sịẹma. Kẹ gotẹ ọkọ ḍukoarị, wa gbọrụ opu Sịḅịda-Agbamịẹḅọ nyana wararị, tẹ tolu-ḅọrọ mu gbọrsịḅị Tamụnọ tọrọkọ la tẹ ḅọ, Jizọsị, Tamụnọ Tụḅọ ḅe.

Hiburu 4:16

Ọkọẹrẹsị, ó yee wa ḅalafa-a ḅara kẹ Tamụnọ ḍiki-ḅụụjịrị emine mẹ dama-mu, ḍiki-ḅụụjịrị emi anga mẹ. Anịanga wa ọkụrụkụrụ na ḍiki-ḅụụjịrị na nyana tẹ kẹ ḅarasụa ḅụụ pịrị ḅa, wa ḅii sakị, ḅii sakị.

Hiburu 6:11

Wa ḅii lamarị ye anie, ọmịna ḅụ ọrụḅọ-ọrụḅọ mḅọ nyana ḅio-sẹsẹ mẹ ọlọ mu kunoma la, mịẹtẹ ọ́ kẹ ḅiokpọma wararị aị ma ḅo ọmịna ḅara la ḅarị ḅara.

Hiburu 6:18

Ọkọẹrẹsị mịna maaịn ma emi, mịnẹ ò minini ye mẹ inetẹ ḍima ḅịa, tẹ ọ̀ pịkị iruo ḅịa. Mie ḅụ, wamịnị ọ̀ ḅụụ sịḅị-kikima-yọ ḍọkị-ẹrị tẹ apụ ma, kpọma ḅiokpọ tẹ iḅiọkụ ọ̀ kẹ wamịna tọrọkọ koroma wararị ḅiokpọmaye mẹ fịnama sịẹmarị.

Hiburu 7:19

Kẹ gotẹ ọkọ ḍukoarị, Mozizi Oloko mẹ inetẹ gberie sọ mịẹ iḅima fama-a. Tẹ mịọkụ iḅi anị nẹngị ḅiokpọmaye ịn nwẹn ọkị-ḅo tẹ, wa anị ḅụ ḅọrọ mu Tamụnọ kpekiarị.

1 Pita 1:8

Jen sakị amụ ọmịnị ori ẹrị-a sọ, ọmịnị ọ̀ ḅẹlẹmarị; mịọkụ sọ ọ́ paa ori ẹrị-a sọ, ọ́ paa ọ̀ ḅụụ ḅụ minini nyanarị. Mie ḅụ ọ́ nwẹnị opu ebube nyana wararị ḅioḅẹlẹ, tẹ tomina ẹkwẹn-ḅịḅị inetẹ ḍuko ḅịa ye nyanarị,

1 Pita 2:5

Ó ḍumo wararị aḍụḅarị ḅara kẹ ḅoo, tẹ ọmịna aḅụụ kẹ pịrịị, ini ọ́ kẹ tẹmẹ ḅụ ḅẹ Tamụnọ-warị nama, anịanga ḅụ ọ́ fịafịa agbamịẹapụ fịrịmẹnjị tẹ Tamụnọ ọkị gbẹẹ tẹmẹ ḅụ ḅẹ agba mịẹ ọ̀ pịrị ḅa, Jizọsị Kịrayịsị ḅe ḅụ.

1 Pita 4:17

Ḅẹrẹkọn mẹ saakị ḅarị sakị mẹ laa tẹ, anịsakị Tamụnọ atomi ma mie in tarị kọn ḅarịye. Anị wa kẹ saakịarị ḅẹ kụma, ndẹẹ anị kẹ mu kunoma Tamụnọ ḅara ḅo Iḅi Oku mẹ minini-a apụ ma pịrị ḅẹ ḅara?

Mịẹfinji 2:18

“Mị ḍiri mẹ kẹẹ tẹ kẹ Tayatira ḅẹ sọsị mẹ ḅẹ enjẹlị ḅe fịrịmaa: “Ḅie Tamụnọ Tụḅọ ḅe, tẹ tọrụngbọ fịnị kọrị ḅara kọrịarịḅọ ḅe, ori aḅụọ pịkị sịkịrị vịọịmatẹ ojo ḅịya ḅara ḅịyarị ḅọ ḅe kẹ fịrịma oku mẹ.

Mịẹfinji 2:25

Kụma ọmịnị ọmịnị ọlọ ye ọlọ kụrọma nwenii à ḅo sakị la.

Mịẹfinji 2:26

Owu-ḅara-iḅi ḅọ tẹ à ḅii ye mịẹ mu kunoma la ḅarị ḅọ, à kụrọ kẹ mḅọ pịrị ḅa, tomikiri ḅẹ asịẹ ma ḅụ.

Mịẹfinji 3:11

À ḅoarị ala-a sakị ḅụ. Ị́ ọlọ ye ọlọ kpaịnmaa, mịẹtẹ gbọrụḅọ-sọ owu ị́ ḅara iḅi tẹ ị́ nyana ḍiepịrịye mẹ pụkọ-ọkị ḅịa ḅara.