Hiburu 3:5 - FỊAFỊA BAỊBỤLỤ

⁵ Mozizi ḅe, fịrịmẹnjịḅọ ḅara, mie ọ̀ kẹ Tamụnọ warị mẹ ḅio ḅioḅẹngbọ-kẹ-sịrẹrẹ-niḅi ḅọ ḅara mẹ sime ye, tẹ ọ̀ nwẹnị tọrọkọ-jụ ḅụ Tamụnọ ḍuko ḅarị aị ma ḅẹ ịba-fị.

Hiburu 3:5 Iomraidhean Croise

Nehimaya 9:14

Ị́ mịẹtẹ ini ị́ fịafịa ịnyọsara mẹ nimim, tẹ tọn aị na kẹẹ tẹ oloko na kẹ in pịrịm, ị́ fịrịmẹnjịḅọ Mozizi ḅara-ḅio ḅụ.

Devidi-Anume 105:26

Anịtẹso ori ọ̀ fịrịmẹnjịḅọ Mozizi, na Erọnị, ori sẹlẹ ọkị tẹ ḅọ ḅe na kẹ fịrịmam.

Paka-so 14:31

Izirẹlịapụ ma gburo-gburotẹ kọrịnama tẹ KỊNỊNYANAḄỌ ḅe kẹ Ijiputi-ḅẹ-apụ ma ẹngbẹsẹ ye mẹ ẹrị tẹso, tomi ma KỊNỊNYANAḄỌ ḅe ḍiki-ḅalafaam; tẹ KỊNỊNYANAḄỌ ḅe na, ọ̀ fịrịmẹnjịḅọ Mozizi na ḅụụ minini nyanam.

Paka-so 40:16

Mị-ḅara mẹ mie Mozizi mịẹ ḅara, KỊNỊNYANAḄỌ ḅe wẹrịtẹ tọn ọ̀ pịrị ḅara, anị ḅara mie ọ̀ mịẹ ḅara.

Kịẹn-aḅịḅị 12:7

Ị̀ fịrịmẹnjịḅọ Mozizi ḅụ anị ọkọ sime-a; ì bebe warị mẹmgba à kẹ ọ̀ ḅara sụam.

Matiyo 24:45

“Ọkọ kụma, iḅiọkụma fịrịmẹnjịḅọ tẹ pịkị ye-nimi wararị ḅọ anie tụḅọ? Ori anie ọ̀ nyanaḅọ kẹ osi ori afịrịmẹnjịapụ ma sịḅị dama tẹ ḅẹẹ tẹ ḅọ, mịnẹ sakị laa sakị, laa sakị, ori ịna fịye kẹ ịn pịrịị.

Matiyo 25:21

Ọ̀ Nyanaḅọ ḅe nwẹnị ḅẹẹ, ‘Mịẹ ḅaka, iḅi tẹ ḅioḅẹngbọ-kẹ-sịrẹrẹ-niḅi fịrịmẹnjịḅọọ! Ị́ karakara ḅara kẹ boowa igbigi ḍikiḍiki ye mẹ ḅụ, àrị ị́ kẹ tọnwa igbigi ḍikiḍikiḅọ mịẹ ḅa. Sọ-ḅoo, tẹ ị̀nịna ḅioḅẹlẹẹ!’

Luku 12:42

KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Luku 24:27

Tẹ Jizọsị nwẹnị saakị Mozizi ḅụ ọkị mu ịkịankoroapụ mamgba la ḅụ, Fịafịa Ḍiri mẹ ḅio ọ̀ ḅụụ kẹẹ wararị aị ma ḍuko finji ịn pịrị.

Luku 24:44

Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Jọnị 5:39

Ọ́ Fịafịa Ḍiri mẹ ḍawọarị, ọmịnị anị ḅio ḅụ sime gbamaso ḍumo ḍọkị nyana ḅarị ḅoto, tẹ mị Fịafịa Ḍiri mẹ mie ì gboloma aị ḍukoarị!

Fịrịmẹnjịapụ 28:23

Mie ḅụ ịn nwẹnị Pọlụ na ene pẹlẹ, tẹ ene mẹ laa tẹso, ini ikutẹ ḅara kẹ Pọlụ sime anga mẹ sọ ḅinm, tẹ dede-ḅio ọkị mu ḅoḅiri la ọ̀ nwẹn kẹ Tamụnọ Ama-da mẹ sime-ḅara puu-finji tẹ anị ḅẹ ẹkwẹn kọn ịn pịrịm. Ọ̀ pịkị Mozizi Oloko mẹ na ịkịankoroapụ ma na kẹẹ koroma aị ma na kẹ tọnma, tọnma tẹ mịẹtẹ in Jizọsị gbolomaye mẹ minini ḅẹ ḍọkịm.

Fịrịmẹnjịapụ 7:37

Mozizi anie Izirẹlị ḅẹ awọmẹ ma ḅẹẹ ḅọ ḅe, ‘Tamụnọ ịkịankoroḅọ kẹ ọ́ fịrịma ḅa, ọ̀ wẹrịtẹ ị̀ kẹ fịrịma ḅara, tẹ ọmịna ḅụ ḅẹ ḅọ mie ọ̀ kẹ fịrịma ḅarịye.’

Romu 3:21

Kụma mịọkụ Tamụnọ ọ̀ kẹ tomi kẹ ọ̀ ḅụụ karakara ḅara wẹrịarị ḅara kẹ wa ḍie tẹ. Anị gbala-gbala oloko mẹ na gboloma-a, karakaraye, Mozizi Oloko mẹ na ịkịankoroapụ ma na anị gbolomaye ḍuko tẹ sọ.

1 Kọrịntị 4:2

Ọkọ sime fịrịmẹnjịḅọ ḅe ḅara ịn ḅiiarị kpọkpọ gberie anie, mḅọ ḅioḅẹngbọ-kẹ-sịrẹrẹ-niḅi ḅara sime amịna sịḅịdaḅọ pịrịị.

Ditẹrọnọmị 3:24

Yei KỊNỊNYANA-TAMỤNỌ, ị́ ḍụḅa mẹ na, í opu ḅara mẹ na mie ị́ paa kẹ saakị ị́ fịrịmẹnjịḅọ ḍie tẹ ye, kẹ gotẹ ọkọ ḅẹẹarị, tọ oru-tamụnọ So-ḅio anịanịa kiri ḅio emi tẹ inetẹ ị́ akọrịnama ma na, ị́ mịẹ opu aị ma na mịẹ ḅẹ?

Ditẹrọnọmị 34:5

Anieḅụ Mozizi, KỊNỊNYANAḄỌ ḅe fịrịmẹnjịḅọ ḅe anịjụ, Mohabụ ḅẹ ama mẹ ḅio fịịm, KỊNỊNYANAḄỌ ḅe ẹkwẹn-ḅịḅị mẹ wẹrịtẹ ḅẹẹ ḅara,

1 Timoti 1:12

Àrị ịmịẹtẹ kẹ Kịrayịsị Jizọsị wa Nyanaḅọ ḅe ḅẹẹm, anie ịnyọ kẹ ị̀ pịrị tẹ à kẹ ị̀ kọrịnama-kọrịarịḅọ ḅe. Àrị ịmịẹtẹ kẹ ọ̀ ḅẹẹm, ori ị̀ kẹ ḅiokoromam mịnẹ àrị ọ̀ fịrị mẹnjị na-iḅim, tẹ ị̀ tọn ye mẹ gotẹ,

Hiburu 1:1

Ḅọrọ tẹ sakị ḅụ Tamụnọ ịkịankoroapụ ma ḅụụ ḅọrọ tẹ, tọnwa asakị na tọnwa aḅọkọ na ḅụ ẹkwẹn wamịna atẹngịapụ ma pịrịm,

Hiburu 3:2

Ori ḅe, ò ḅioḅẹngbọ-kẹ-sịrẹrẹ-niḅi ḅara sime Tamụnọ pịrịm, tẹ ori ọ̀ sẹlẹ-ọkịm ọ̀ mị kọrịnama mẹ kọrị ḅẹẹ ḅọ ḅe, anie Mozizi sọ Tamụnọ warị mẹ ḅio, ọ̀ kọrị kọrịnama mẹ ḅụ, sime-ḅara.

Hiburu 3:4

Ó nimi ḅara ḅụ, warị nwẹn-sịn warị anị nama ḅọ nyana wararị — anịsakị Tamụnọ anie simearị aị mamgba nama sịẹma ḅọ.

Hiburu 8:5

Karakara-ḅara-ḅụ, ini kọrịarị agbamịẹ kọrịnama mẹ anie papaa kẹ So-ḅio ḅẹ ye mẹ tọnma tẹ mịẹarị ye, ịrụa ḅịya ye sarama tẹ anị ḅẹ tẹmẹ tọn ḅara pembe ye. Anie Mozizi eneḅaka ḅụ sọ anị sime gbọrụ ḅara mẹ. Ori ọḅọkụ Akpụrụ-warị mẹ nama ḅẹ-yearị sakị, Tamụnọ ọ̀ ḅẹẹm, “Ẹrị mịnẹ í ye goyegoye kẹ tụndụ mẹ ọgọnọ ịn kẹ í ḍie ḅara mẹ ḍiki tẹ mịẹm.”

Hiburu 9:24

Kẹ gotẹ ọkọ ḍukoarị, Kịrayịsị sọ-mu Fịafịa Yọ mẹ tomi ḅara kẹ, karakaraye mẹ tọnma tẹ nama ye-a. So mẹ ḅioju mie ọ̀ sọ-mu ye, tẹ mịọkụ wa gotẹ Tamụnọ tọrọkọ emi.

Jọsụwa 1:15

nwenii KỊNỊNYANAḄỌ ḅe ịnyọsara kẹ ọmịna amịnapụ na ọmịnị na pịrị ḅa, anịsakị ịn nwẹnị pịkị anị ama mẹ tẹ KỊNỊNYANAḄỌ ḅe kẹ ịn pịrịarị ama mẹ nyana ḅa; anịtẹrẹmẹ mie ọ́ pịkịma ọ́ nyana ama mẹ ḅo tẹ anị nyana ḅarịye, ama mẹ tẹ Mozizi KỊNỊNYANAḄỌ ḅe fịrịmẹnjịḅọ ḅe Jodanị saḅa-koro ḅụ kẹ ọ́ pịrị ama mẹ ịrụa-saakịarị-anga mẹ da mu anga ḅụ.”

Jọsụwa 1:2

“Mozizi ị̀ fịrịmẹnjịḅọ ḅe ọ̀ fịị tẹ; anịẹrẹsị mịọkụ saakị mị Jodanị mẹ saḅa-ḅọrọọ, ị́yẹrị na mịna atomi mamgba na tẹ anị ama mẹ tẹ à kẹ ini Izirẹlịapụ ma pịrịarị ama mẹ ḅio sọ-muu.

Jọsụwa 1:7

Ị́yẹrị kịngẹ paa kụrọ sịẹ tẹ iḅiọkụ ḅiokpọọ, ị́ ḅụụ ẹbị tẹ ị̀ fịrịmẹnjịḅọ Mozizi tọn ị́ pịrị Oloko mẹmgba wẹrịtẹ sime-ḅara mịẹ; anị ḅụ pịkị ama-ḅara, anịanịa ere-ḅara da ma, mịẹtẹ í mu anga, mu anga ye iḅiọkụ ị́nịna iḅi ḅẹ ḅara.

Jọsụwa 8:31

Mozizi, KỊNỊNYANAḄỌ ḅe fịrịmẹnjịḅọ ḅe wẹrịtẹ tọn kẹ Izirẹlịapụ ma pịrị tẹ, anị wẹrịtẹ Mozizi Oloko Ḍiri mẹ ḅio kẹẹ wararị ḅara, “Pẹlẹ-a aḍụḅarị tẹ gbọrụ tomḅọ sọ amụ arị ọgọnọ ḅụ ikulele kẹ mịẹ namakọrịye saakị-gelema-a gbọrụ agbamịẹ-anga”; tẹ ịn nwẹnị anị ọgọnọ dọkịma-agba mịẹ KỊNỊNYANAḄỌ ḅe pịrị, ịn pịkị gbọrụḅụụ-sime-agba mịẹm.

Jọsụwa 8:33

Izirẹlị mẹmgba, igoniapụ-o, ama-kuḅu ini iyi apụ-o, ịna omongiapụ na, fịrịmẹnjị-opuapụ na, ịna ḅẹrẹkọn-apụ na ini na. Ọḅọkụ-Igbe mẹ ḅẹ maa dama-dama wararị akaka ma ḅụ tọrụ kẹ Livayị furo ḅẹ agbamịẹapụ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma da tẹ sịẹsimem; ịn kẹ maa anga ḍiya ḅẹ gbọrụ pakịrị Gẹrịzimu Tụndụ tọrọkọ sịẹsimem, ini ḅẹ osi pakịrị Ẹbalị Tụndụ tọrọkọ sịẹsimem, Mozizi KỊNỊNYANAḄỌ ḅe fịrịmẹnjịḅọ wẹrịtẹ tarị sakị mẹ ḅụ tọn tẹ ḅara, mịnẹ ini Izirẹlịapụ ma boma.

Mịẹfinji 15:3

tẹ ịn nwẹnị Mozizi, Tamụnọ fịrịmẹnjịḅọ ḅe na, Anana Tụḅọ ḅe na nume mẹ sụarị: “KỊNỊNYANAḄỌ, Kụrọmamgba Nyana Tamụnọ, ị́ amịẹaị ma ḍụḅam, pịkị ḅụụ-buamam! Tomikiri ḅẹ asịẹ ma ḅẹ Amadaḅọ, í etela mẹ kuram, pịkị karakaram!