Hiburu 3:3 - FỊAFỊA BAỊBỤLỤ

³ Warị namarị ḅọ nyana kụn ḍụḅa warị mẹ ḅioju nyana ye nẹngịm. Anị gbọrụ ḅara ḅụ Jizọsị kụn nyana Mozizi nẹngị lamam.

Hiburu 3:3 Iomraidhean Croise

Zẹkaraya 4:9

Ori mẹẹ, “Zerubabẹlị Tamụnọ warị mẹ ḅẹ suku mẹ saakị tẹẹ, ori pịkị nama kịrama ḅa. Miemẹ paka sakị ì atomi ma nimi ḅa yẹrị anie ị́ fịrịma ḅọ ḅe.”

Matiyo 16:18

Ọkọẹrẹsị à ḍuko Ị̀ pịrịarị, Pita; ịkụụ, tẹ mị ịkụ mẹ ọgọnọ mie arị ị̀ sọsị mẹ nama ḅarị ye, tẹ fị kụrọ sọ inetẹ anị nẹngịma ḅịa.

1 Kọrịntị 3:9

Kẹ gotẹ ọkọ ḍukoarị, wamịnị anie gbọrụ ḅụ sime tẹ kọrịnama kọrị Tamụnọ pịrịarị apụ, anịsakị ọmịnị nwẹnị Tamụnọ ye ḍiḅi kiri. Ọmịnị pịkị Tamụnọ namarị warị.

2 Kọrịntị 3:7

Oloko mẹ ḍụḅarị ọgọnọ mie ịn sọkị ḅara kẹ anị kẹẹ ye, tẹ ini anị kẹ ḅo sakị Tamụnọ ori ebube ḍie-pakamam. Ebube mẹ ḅịya mẹ tẹ ḅo Mozizi tọrụkuḅu sarama ye mẹ ḍisi simem sọ, anị ḅẹ kụrọ mẹ gotẹ Izirẹlịapụ ma inetẹ da-da ò ḍiki-a. Fịị dogi-ḅoarị oloko mẹ kụrọ nyana wararị sakị ḅụ, anị ọkọ sime ebube nyana kụma,

Kọlọsị 1:18

Ori anie ori oju mẹ ḅẹ sịḅị, anie sọsị mẹ; oju mẹ ḅẹ ḍumo mẹ saakị paka-ḅoarị anga anie Orii. Ori anie tarị iyi Tụḅọ ḅe, Tamụnọ fịị ḅụ saakịma ḅọ ḅe, mịẹtẹ ye mamgba ḅụ ori tarịḅọ sọ ḅẹ ḅara.

Hiburu 2:9

Kụma wa ẹrịarị ye anie, Jizọsị, Tamụnọ mịẹtẹ boowa sakị kẹ iderima enjẹlị apụ nẹngị ḅọ ḅe, Tamụnọ ḍiki-ḅụụjịrị ḅụ, ḅo fịị ḅẹḅọ-ḅẹḅọ pịrị tẹẹ. Mịọkụ wa ẹrị tẹ mịnẹ Tamụnọ ebube na, kụn na, ama-da sun kẹ ò sure tẹ, ọ̀ fị ḅụ tọrụsiẹrị ye gotẹ.

Hiburu 3:4

Ó nimi ḅara ḅụ, warị nwẹn-sịn warị anị nama ḅọ nyana wararị — anịsakị Tamụnọ anie simearị aị mamgba nama sịẹma ḅọ.

Hiburu 3:6

Kụma Kịrayịsị ḅe, warị mẹ Nyanaḅọ Tụḅọ ḅara mie ọ̀ kẹ warị mẹ ḍikiḍikiarị ḅọ ḅara kẹ ḅioḅẹngbọ-kẹ-sịrẹrẹ-niḅi ḅọ ḅara mẹ kẹ Tamụnọ warị mẹ ḅio sime ye. Wamịnị ma anie ọ̀ warị mẹ, wa nwẹnị ḅalafa-a ḅara kẹ wamịna ḅiokpọmaye mẹ ọlọ-sịẹma tọrọkọ mu kụma.