Hiburu 3:2 - FỊAFỊA BAỊBỤLỤ

² Ori ḅe, ò ḅioḅẹngbọ-kẹ-sịrẹrẹ-niḅi ḅara sime Tamụnọ pịrịm, tẹ ori ọ̀ sẹlẹ-ọkịm ọ̀ mị kọrịnama mẹ kọrị ḅẹẹ ḅọ ḅe, anie Mozizi sọ Tamụnọ warị mẹ ḅio, ọ̀ kọrị kọrịnama mẹ ḅụ, sime-ḅara.

Hiburu 3:2 Iomraidhean Croise

Paka-so 40:16

Mị-ḅara mẹ mie Mozizi mịẹ ḅara, KỊNỊNYANAḄỌ ḅe wẹrịtẹ tọn ọ̀ pịrị ḅara, anị ḅara mie ọ̀ mịẹ ḅara.

Kịẹn-aḅịḅị 12:7

Ị̀ fịrịmẹnjịḅọ Mozizi ḅụ anị ọkọ sime-a; ì bebe warị mẹmgba à kẹ ọ̀ ḅara sụam.

Jọnị 15:10

Ọ́ kẹ ị̀ ḅẹlẹma mẹ ḅụ so ḅịa ye anie ọmịnị à tọn ọ́ pịrị aị ma mịẹ, ḅara anie yẹrị sọ kẹ ị̀ Ḍa ḅe tọn ye mịẹ tẹ ọ̀ ḅẹlẹma mẹ ḅụ simearị ḅara.

Jọnị 17:4

Tomikiri ḅụ àrị í ebube mẹ ḍie-pakama tẹ, ị́ kẹ ị̀ pịrịm à kọrị ḅẹ kọrịnama mẹ à kọrị fama tẹ.

Jọnị 7:18

Amịna soku-ḅẹ kụrọ ḅụ ẹkwẹn-arị ḅọ anie ebube ḍọkị amịna ḅụụ pịrịarị ḅọ. Kụma mḅọ kẹ fịrịma ḅọ ebube ḍọkịarị ḅọ anie karakara tomḅọ, tẹ mḅọ ḅụ karakara-a gberie-sọ ofori.

Jọnị 8:29

Tẹ ori ị̀ kẹ fịrịma ḅọ ḅe ị̀ na emi; gbọrụ sakị sọ ofori ori ì koroma so, sakị mamgba àrị ò ḅio ḅẹlẹmarị ẹrẹsị.”

Ẹfisọsị 2:22

Ori na gbọrụ ḅụ sime ḅụ ọmịnị sọ, ini ọ́ kẹ osi apụ mamgba na sụa nama gbolomarị tẹ anị ḅo Tamụnọ ọ̀ Tẹmẹ ḅe ḅụ ḅọrọ tẹ angarị warị sọarị.

Ditẹrọnọmị 4:5

Ḍikii, KỊNỊNYANAḄỌ Ị̀ Tamụnọ ḅe tọn ị̀ pịrị ḅara ḅụ à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma tẹ mịnẹ ama mẹ tẹ ọ́ sọ-mu ọkị nyana ḅẹ muarị ama mẹ ḅio ọmịnị arị mịẹ ḅa.

1 Timoti 1:12

Àrị ịmịẹtẹ kẹ Kịrayịsị Jizọsị wa Nyanaḅọ ḅe ḅẹẹm, anie ịnyọ kẹ ị̀ pịrị tẹ à kẹ ị̀ kọrịnama-kọrịarịḅọ ḅe. Àrị ịmịẹtẹ kẹ ọ̀ ḅẹẹm, ori ị̀ kẹ ḅiokoromam mịnẹ àrị ọ̀ fịrị mẹnjị na-iḅim, tẹ ị̀ tọn ye mẹ gotẹ,

1 Timoti 3:15

Kụma à ḅarị sarama ḅo-a sọ, yee mị ḍiri mẹ mịẹtẹ í nimi wa kẹ Tamụnọ warị mẹ ḅio wẹrịtẹ ḍumo kọn ḅarị ḅara, anie ḍumo wararị Tamụnọ ḅe warị mẹ karakara mẹ ḅẹ ḅeriye tẹ anị dasịẹma wararị ye mẹ.

Hiburu 2:17

Miemẹ fiearị ye anie ḅọkọ, ḅọkọ mamgba ḅụ ori ori amịnapụ ma na kịka fama ḅẹm, mịẹtẹ ò ḅioḅẹngbọ-kẹ-sịrẹrẹ-niḅi tẹ pịkị ọkụrụkụrụ nyana wararị Sịḅịda-Agbamịẹḅọ sọ ḅẹ ḅara, Tamụnọ fịrị mẹ ḅụ, mịẹtẹ Tamụnọ tomina asi wẹrịso ḅarị ḅara.

1 Samụẹlị 12:6

Samụwẹlị nwẹnị tomi ma ḅẹẹ, “KỊNỊNYANAḄỌ ḅe anie ogbo-sịẹ ḅo, oriḅe tẹ Mozizi na, Erọnị na tọn tẹ Ijiputi ḅẹ ama mẹ ḅio ọmịna aḍapụ ma pakama-ḅo ḅọ.